سؤال وجواب شلون احسن خطي؟

[محب الامام]

السؤال واضح وللاسف 90 بالمية من العرب خطوطهم تعبانه

ماهو الحل ؟

 

[إنفصام]

اعتقد انها موهبة
والممارسة علي الكتابة لا اظن انها كفيلة بتحسين الخط

بيد انني لاحظت ان خطوط النساء اجمل من خطوط الرجال ​

 

[NewMan]

الممارسة و كثرة التمرين تحسن الخط حتى لغير الموهوب
و هذا ينطبق على كل شي مو بس موضوع الخط

 

[جواهر*]

والله ياخوي مشكلتك نفس مشكلتي
خطي يجيب المرض

حاولت اعدله واحسنه بالطرق اللي اسمع عنها مرة كثرة اللممارسة والكتابة ومرة بتقليد الخطوط
وسمعت من سنين انه النفسية تلعب دور بالخط ومادري عن صحة هذا الكلام،،،
كل محاولاتي بائت بالفشل وازداد خطي سوءاً
وياليت نلقى انا وانت حل ينفعنا ويخلصنا من هذي المشكلة،،،،،

والسموحة منك،،،
قلت مشكلتي تضامنا مع مشكلتك

 

[كويتي مال أول]

أعتقد فيه كورسات تدريبيه تابعه لخدمة المجتمع جامعة الكويت تساعد على تحسين الخط
وأيضاً بعض المعاهد الأهليه عندهم متخصصين لتقنيات تحسين الخط

 

[وطـن النهـار]

الممارسه وتقليد الخطوط اللي تكون عاجبتك , يعني امسك معاريض او مواضيع مكتوبه بخط اليد

وحاول انك تقلد طريقه الحروف , مثل حرف الميم والحاء والكاف ( اللي تجيك لافه من فووق )

مره مرتين ثلاث , بتضبط معاك الامور , وحاول انك ماترجف لان خطك بيطمر الرصيف وخلك سريع بالكتابه

 

[بقيييط]

حاولو تكتبون بسرعه والحرف مو لازم ينكتب صح المهم تنفهم الكلمه مع تكبير الكلمه :إستحسان:

​

 

[عزيز وغالي]

طحت علي علتي وخطي كلش مو حلو
والحمدلله ان النت ينكتب بالكيبورد والا علوم
بعضنا تبي مكبر يشربك لك الحروف علشان تفهم شنو كاتب

ولكن مو غلك الواحد يحسن خطه
انا حاولت وفشلت

 

[joblak]

نفس مشكلتي خطي تقول جرة قبان الله يعزكم والارقام عمري بحياتي ما كتبت رقم 6 عدل لازم معووج هههههههه

 

[ابو هزاع]

آنت شلون تكتب ؟؟؟ هذا السؤال آبغضه من كثر مايتكررعلي..



,

 

[Desert Eagle]

نفس المشكله .. خطي سيء حيل تشوفه تحلف انه خط واحد بالابتدائي


يعين الله

 

[محب الامام]

أعتقد فيه كورسات تدريبيه تابعه لخدمة المجتمع جامعة الكويت تساعد على تحسين الخط
وأيضاً بعض المعاهد الأهليه عندهم متخصصين لتقنيات تحسين الخط

ممكن ارقامهم او عناويتهم !!

 

[جرجير]

انا كنت من قومك ودخلت مدرسة لتحسين الخط

حيث تبين اني ارسم الحروف وامسك القلم بشكل خاطئ وتحسن خطي

حاول تشوف مدرسة او مدرس

مافيه عيب حتى لو كنت كبير بالسن

 

[خالد جاسم الم]

هم شيئ أن تتأنى بالكتابة