الشعب السعودي بنفسه متضايق من هيئة الامر والنهي عن المنكر
بسبب تدخل بعض اعضاء الهيئة فى خصوصيات الناس ومطاردتهم فى الاسواق وضرب الشباب وطرد النساء من المجمعات التجارية
وضع الكويت يختلف عن السعودية
السعودية تمنع قيادة السيارات
طيب انت صاحب الموضوع هل تواقف منع قيادة النساء للسيارات !!!
اكثر نساء الكويت يستخدمون السيارات !!
واضح جدا هدفكم من هذا الموضوع هو احراج الحكومه ومضايقتها وتودوين عمل اى مشكله او القصد منه تشويها مواقفها وكانها دوله غير اسلامية
كل هذه الحركات مكشوفه لانهم أشخاص ما عندكم الا الفلس ومعارضتكم منهاره ومتحطمه والكل يتهرب منها ولا لكم الا هدف واحد هو شخن الناس على الحكومه بكل الوسائل الممكنه
هيئة الامر بالمعروف لا تصلح للكويت
دولة الكويت دوله فيها شيعه وفيها مسيحيين وفيها جاليات متعدده
والمساجد الحمد لله فى كل منطقه من أراد ان يصلي فالمساجد مفتوحه ليلا نهارا
لعبتكم مشكوفه يا المعارضه المخفيه وراء الشاشات !!!!
جان زين يحطون هذه الهيئة .. على الاقل بتقل المشاكل .. وخصوصا اذا يحطون قرار عدم قيادة المرأة للسيارة .. راح يكون احلى خبر .. لان اغلب المشاكل من الحريم وسياقتهم والامور الثانية ما ودي اتكلم عنها ..
او على الاقل ما تسوق المرأة السيارة الا اذا تم عمرها ال35 سنة مثلا ..
لان لو تلاحظون اكثر المشاكل من البنات الفطافيط .. اللي توها تسوق ومزاحمه العالم بالشوارع عشان تفاهتها .. ولا مغازلتها .. ولا تحط اغاني اهي ورفيجاتها وتقعد ترقص بالشارع جدام الخلق ..
اتمنى يطبقون على الاقل قانون بمنع قيادة البنت اللي عمرها 18 سنة ( فطفوطه هذه وين تبي تهيت ) !!
ويحطون ان لابد ان يكون عمرها مثلا 30 سنة او 35 سنة .. وهذا قانون راح يكون ذكي جدا بس وين اللي يفهم ؟!!
الهيئة اللي في السعودية إذا فيها خير تحاسب أمير
بلا هياط
اذا صار عندنا هيئه بالكويت .. ؟؟
بيدخل فيها كل صايع ضايع طلع من السجن ومالقى وظيفه .. يحفظ كم آيه ومو شرط يعرف تفسيرها ..!! ويلبس دشداشه قصيره .. ويطول لحيته .. ويهيم على وجهه بالاسواق.. يعلم الناس الاخلاق..!! حتى لو كان مسجون من قبل بسبب هتك عرض طفل او تقحيص وقتل..!!
بيتبع كل بنت ليش ملونه اظافرك
ويلحق الثانيه غطي عيونك .. ياه عيونك.!! مو بس الشعر والوجه..!!
طبعا في حاله كانت هالبنت هاديه وتخاف مو بعيده يتسلط عليها اكثر ويطردها برا المجمع..!! اما اذا كانت عوبا او برنسيسه .. بيبلع لسانه .. وبيتعذر ويترجاها تسامحه..!!
بتكون وظيفتهم تتبع العورات بس..
طبعا عورات (المواطنين + الناس اللي ماعندهم واسطه)..!!
يعني لاتتوقعون منهم يداهمون شاليهات شيوخ او كوفي شخص واصل ..!! لاتتوقعون منهم يحاربون الرشوه والمحسوبيه او الواسطه او الاحكام القضائيه الظالمه والخ
بيطردون كل البنات من وظايفهم في المجمعات
يعني بكرا بيصير ممنوع (انثى ) تبيع لانثى (ملابسها الداخليه)..!!
بيجيبون لبناني ومصري والخ ..محرومين من شوفه ظل بنت لمده طويييله ..
وبيخلونهم يبيعون المكياج و الملابس الداخليه للبناتكم وخواتكم وزوجاتكم .. ولحد فيكم يتجرأ يعترض .. هم اعرف باعراضكم منكم ..
راح يكون شغلهم الشاغل بالدنيا كيف يعزلون الاناث عن الذكور ..< ارجع واعيد واكرر الناس اللي ماهم شيوخ او عندهم واسطه..!!
بيمنعون كل مظاهر الفنون
مسرحيات
سينما
مهرجانات غنائيه
الخ
اصلا معهد الفنون بكبره بيتقفل .. او اذا كانوا متفتحين شوي ..بيخلونه حصري للذكور..!!
بتكون خطب المساجد محصوره في شيئين فقط ؟؟ 1) حطب جهنم "اللي هم النساء طبعا!"و 2) الشيعه والمشركين ووجوب محاربتهم ..!!
انسوا شي اسمه ديموقراطيه
انسوا شي اسمه حريه
انسوا شي اسمه دستور وقوانين مكتوبه ..!!
بيسيطرون ع مجال القضاء سيطره تامه
واذا مو عاجبتكم الاحكام القضائيه ..حاليا ..؟!! ياحبيبي اذا شفتوا احكامهم..!!
عادي ينسجن شخص سنييين طويييييييله لانه اعترض على امير او شيخ
وعادي ينحكم على شخص معاق بالاعدام لانه ذبح واحد اقتحم بيته وحاول هتك عرضه
وعادي جدا يحكمون على شيخ اخذ كل اراضيك وحط الشبوك حوالينها وكتبها بأسمه .. بالبرائه من السرقه..!! هذا حقه وحلاله ..!!
ومو بعيد تلاقي واحد يطاردك انت وزوجتك ..لان اشكالكم صغار وياخذها ع جنب يسأله شنو تقرب لها ؟وشنو لون ثلاجتكم ..؟!!
ومو بعيد يطاردونكم لو كنتوا بسياره لين تدعمون ..وان مت انت وانقطعت يد زوجتك واطفالك في غيبوبه نفس شسمهم .. ترى مو ذنبهم انهم طاردوكم ..!! بيحكمون لهم بالبرائه
لان رجل الحسبه ..لايحاسب..!!
واي شخص يفكر يعترض عليهم او ينتقدهم
فهو ليبرالي /علماني/ رافضي/ من الخوارج ..
ناكر لجميلهم .. لانهم يحفظون له عرضه ..!!
وعلى ضلاله .. ويمكن يكون مرتد .. يجب تنفيذ الحد عليه او جلده
وشووكراان