.... " رتم " ،،

Way one

عضو مخضرم
من بدا هالعمر و حنا ما ابتدينا
مابدينا أو بدينا .. و إبتدينا ..

مادرينا إن الجفا صنعة يدينا
و التواصل و التلافي مو بدينا ..

..
 

Way one

عضو مخضرم
مسافاتي
على حسب المسافة
و أنت تدري بي . .
أحبك
و الجفا آفه
أحبك
و أنت في عالم
و أنا في عالم أطيافه
من كل شكل
و كل ملة
و نقيض الحب .. و إخلافه


..
 

Way one

عضو مخضرم
يا وسيع العين .. علمني
عن ثنايا الروح و النظره ..

كلماتك كانت إب أذني
ماتوانت ماهي منتظره ..


..
 

Way one

عضو مخضرم
أتذكر .. تفاصيل الزمن في العمر
المعاني غزيرة .. و الليالي تدور ..

كل واقع حقيقة .. و كل أمر قدر
أحتمالات الأشياء أف جميع الأمور..


..
 

Way one

عضو مخضرم
ما كل أمر به إستسهال
و أية مسافه لها آخر ..

الشوق يفتح لها مدهال
ممر ن معدل و فاخر ..

اقبالها ماهوب اي اقبال
و عيونها تسبي الخاطر..

عليها رمش وفيه ظلال
والليل فوق الشعر ناشر ..

لقيتها بالممر تختال
و عيونها وارد و صادر ..

صديت والله علم بالحال
مانيب قادر و لا جاسر ..

لديت عنها و أنا رجال
أخشى من المبدأ الخاسر ..

ودي لكن الليالي اطوال
لاهو بعيدن و لا إمباشر ..

لاشك ماكل طالب طال
و الحظ مايستمر عاثر ..

واجهتها و العهد ما زال
سلمت و الشوق متناثر ..

هي أسألتني عن الأحوال
إن كان بالمسألة عاسر ..

ست ن وسبعة ياحرف الدال
مافيه صعب ن و لا حاشر ..

أهم شئ ن معاها البال
و أشاهد العين و أناظر ..

منطوقها زين و أخت رجال
الطيب فيها على الآخر ..

جنابها سمح و أستعدال
فن ن على المعدن النادر ..

ياحلوها و الهوى قتال
وعلى الهوى كيف أبا بادر ؟


..
 

Way one

عضو مخضرم
إلتقينا .. في لقاء الشوق الحقيقي
و النوايا .. و الخواطر مستتبة ..

الادب والذوق في مثله يليقي
و مبسم ن بين الشفايا ينطرب به ..

يوم نبدا و السوالف بالعميقي
ونسبح إب بحر عميق ن فيه غبة ..

مبتهج مرتاح مع خوة رفيقي
كل ماخف الجمر معها أشبه ..

صادمتنا جية ن كنها الحريقي
تحرق الأنفاس و تعيق المحبة ..

يا مطبة .. ليه ناصفتي طريقي ؟
كل ما زان الطريق .. إلا و " مطبة "! ..

..
 

نجم الشمال*

عضو فعال
هههههه.روعة يا ولد ....

اي والله..(كل ما زان الطريق الا والله..مطبه)..

على قولتهم ( يسلم فمك)
 

Way one

عضو مخضرم
يازين يا لاترفع القذله زعجت الهدب
يوم اشتهت نفسي إلشوفة علاماتها . .

رد النظر .. الخطر تراه وقت العتب
الروح . . ماتنتظر مردود عثراتها . .

ناسي و أذكرك و أعلمك لا ترتكب
أخطاء .. ثم ن تتوهني متاهاتها . .

خلك معي والذي تأمر عيونك وجب
كم واحد ن تاه في ضيعة مساراتها . .

أنا الذي لاتعبت .. أشيل عنك التعب
انا الذي قاطع ن عنك مسافاتها . .

صمام أمن المودة نظرة ن من هدب
ثم أنتظر مني الفزعة و هقواتها . .


..
 

Way one

عضو مخضرم
‏ضاق النسم ..و الوقت ماعنده إنصاف
ما كل من يسعى المهمات طالي ..

إرجافها ...ماينفع لمثلها إرجاف
كورونا .. عيت عن رجاها الليالي ..

مانيب ناسي .. و الجفا ماهو إجحاف
لاشك .. وقت ن مايجيب السؤالي ..

..
 

Way one

عضو مخضرم
لا زادت الأشواق تبقى القناعة
تصمد قناعتنا مع أهل القناعات ..

يضيق حجم الكون رغم إتساعه
وسع الصدر ضاقت عليه المسافات..

الآدمي لو ينتظر ربع ساعة
الربع ساعة صارت قياس ساعات ..

عزي لمن صكوا عليه الجماعة
والناس و العالم و أهل المهمات ..

و هو يحاول يرتفع فوق قاعه
القاعة أدنى من صعود إرتفاعات ..

ياصاحبي والله ماهي شجاعه
الحكمة أولى لابديت أستشارات ..

بعض العرب من اول الإنطباعه
تشغل تفاكيره و يصدر قرارات ..

ترى الحقايق واضحه والإشاعه
ياصاحبي أذكر زمان لنا فات !

يومك معي تبحث دواعي القناعه
وتفهم بأبياتي الغزيرة .. قناعات !


. .
 

Way one

عضو مخضرم
إنتصفنا الليل و الهم قاسي
والكدر والسهر و الصابرين ..

لإنتظار اليوم دارت كراسي
إنتظار للحظة طالت سنين ..

ما علينا من يعوق و إلتباسي
المرازق من إله العالمين ..

ثابت بالموقف وصنت إحتراسي
ماعلينا من هروج الحاسدين ..
 

Way one

عضو مخضرم
يا حمود وصل غايتي لأريش العين
قله ترى الغاية مع من يودها ..

حتى و لو تهجر و تبعد من سنين
الروح تبقى حية ن مع جسدها ..

ياحمود ترى الناس ماهي متساوين
أحدن نزح عنها و أحدن صعدها ..
 

Way one

عضو مخضرم
يا زين ماعندي عليكم شكاوي
و لا عتاب بالمواصل حصل لي ..

لاشك ماني بالمجافاة ناوي
تيسرت .. ثم الوصال أضمحلي ..

قمت أتذكر ما مضى و الخطاوي
و أجمل سنوات العمر تبتسم لي ..

ياليل ن أقبل و الحراوي حراوي
و ياعين هلي دمعتك و أسفهلي ..

ماني على قطع المواصيل قاوي
أذكر تبسم صاحبي و المهلي ..

و أنا بعيدن با بعيد الهقاوي
تذكر الخافق ليال ن مضن لي ..

مبسمك رعشه و الشفايف تداوي
و بمظللات عيونها .. مستظلي ..

و الردف ملموم ن و هالعود راوي
بالصدر تفاحن وشوفه هوى ن لي ..
 

Way one

عضو مخضرم
يا وسيع العين .. علمني
عن ثنايا الروح و النظره ..

كلماتك كانت إب أذني
ماتوانت ماهي منتظره ..
 

Way one

عضو مخضرم
يامشاغلني على الطرف الكحيل
الحشا مهموم . . . مافيني وهس . .

لاتناظرني . . و تقلب بالجديل
يابعد من جاء للدرس . . و درس . .

لاتفلسف لي . . و لا تعطي دليل
الدليل اللي مع القول .. إلتبس . .

مرة ن . .حتى مضامينك تميل
و مرة ن يالله دخيلك . . ما أحس . .

للهوى و اللي تبي مافيني حيل
الضمير اللي على البال اعتفس . .

الدفاتر . . والقلم . . ليل ن طويل
يختلط فيها غثاها . . و الونس . .

إتفقنا . . و أختلفنا . . و الحصيل
ماورا كل هالحصيل . . إلا الفلس . .

الله أكبر . . . مالقينا من يشيل
يوم دمي بالشرايين . . إحتبس . .

الدراسة .. والقدر . .والمستحيل
و كلها سنتين . . و يدق الجرس . .

لو تلفتنا على قال ن . . وقيل
أشهدنا. . . . ما تنفسنا النفس . .

..
 

Way one

عضو مخضرم
أطلق لفحوى المقادير العنان
لإحتمالات ن تصير .. وماتصير . .

لاأنت مشبوه ن و لابحكم ن مدان
منت مجبول على الحبل القصير ..

دامها مثل إنتظارات الزمان
الله أعلم وين تحديد المصير . .

أقدم .. ودرب الأماني في أمان
كل شئ ن أمره بيد القدير . .

يمكن إنك بالصبر تاخذ مكان
والعسر يبي يتصفى لك يسير . .


. . . .
 
أعلى