غلاء حملات الحج الكويتيه

ابو سعود

عضو ذهبي
حملات الحج الكويتيه كانت اغلى حمله بالكويت 1000 دينار الحين ارخص حمله وخدماتها صفر 1200 دينار ؟؟!!

يعني لو تبي تحج انت وزوجتك وامك الله يكون بعونك 3600 دينار .

للاسف حملات الحج اتجهت من خدمة الحجاج الي الربح الفاحش .

وين الرقابه على حملات الحج ؟ ليش ما تتم محاسبتهم على غلاء الاسعار > حتى الدوله ما تاخذ منهم اجار يحطون خيامهم باى مكان ويحطون اعلانات بكيفهم واسعارهم نار

ـــــــــــــــــــــــــــــــــــــــ

بالسعوديه التجار جزاهم الله خير يدزون الحجاج على حسابهم الخاص للي ما يقدر يحج .

مثلا حملات الحج المجانيه بشركة بن لادن /مشرف الحج ابراهيم محمد ورقمهم 0556664651

وشركات الراجحي وغيرها من تجار السعوديه اللي يدزون اهل السعوديه الغير مقتدرين على حسابهم الخاص .

احنا تجارنا بس شاطرين يلهفون من المناقصات

واصحاب حملات الحج يتنافسون في رفع اسعار الحج كل سنه يزيدون 300 دينار وعليك الحساب .


ــــــــــــــــ

مالنا غير حملات الرصيف 300 دينار
 

عـيـمـي_24

عضو مميز
الفلوس تروح وترد

وفي بعض الحملات اسعارها شوي معقوله

مو شرط الحمله ٣٠٠ دينار رصيف

اكو حملات غاليه وصدمت الناس طلعت رصيف

المهم والغايه الأجر والله يكتب لك الحج هالسنه
 

ابو سعود

عضو ذهبي
الفلوس تروح وترد

وفي بعض الحملات اسعارها شوي معقوله

مو شرط الحمله ٣٠٠ دينار رصيف

اكو حملات غاليه وصدمت الناس طلعت رصيف

المهم والغايه الأجر والله يكتب لك الحج هالسنه

ادري الفلوس تروح وترد بس مو هالغلاء الفاحش وانا اخوك .

على شنو كلها 4 ايام حجتنا تاخذ 1300 دينار هذي ارخص حمله المقصد وانا اخوك تسهل الحج لبيت الله

مو يكون هدفك الربح الفاحش

الحملات الكويتيه الحلاق ياخذه معاه وياخذ منه فلوس حجته والطباخ نفس الشي تبي تحج تعال اطبخلى وادفعلي

على شنو مصاريف يتكلمون عليها
 

تأبط خيرا

عضو مميز
حملات الحج صح غاليه

لكن المسئول عن هذا الغلاء هم الاخوان في المملكة بالدرجة الاولي

حتي أراضي عرفة ومني قاعد تؤجر علي الحملات وكل يوم يزيد سعرها

مع انها اوقاف

وكله في جيوب المطوفين والنصابين
 

ابو سعود

عضو ذهبي
حملات الحج صح غاليه


لكن المسئول عن هذا الغلاء هم الاخوان في المملكة بالدرجة الاولي

حتي أراضي عرفة ومني قاعد تؤجر علي الحملات وكل يوم يزيد سعرها

مع انها اوقاف

وكله في جيوب المطوفين والنصابين

اغلى حملات الكويتيه
الارض توزع عليهم ببلاش بمنا وعرفات بس تعال وضبط شغلك

الاخوان بالسعوديه ماهم مقصرين بس ربعنا اللي الله يهداهم
 

madre

عضو مميز
حملات الحج صح غاليه


لكن المسئول عن هذا الغلاء هم الاخوان في المملكة بالدرجة الاولي

حتي أراضي عرفة ومني قاعد تؤجر علي الحملات وكل يوم يزيد سعرها

مع انها اوقاف

وكله في جيوب المطوفين والنصابين


انت اكيد من اذناب ايران ومن ربع حيدر ومن جماعة الا الرئيس

تحرض الناس علي المملكة العربية السعودية

تبا لكم يا اذناب طهران

:)
 

تأبط خيرا

عضو مميز
اغلى حملات الكويتيه
الارض توزع عليهم ببلاش بمنا وعرفات بس تعال وضبط شغلك

الاخوان بالسعوديه ماهم مقصرين بس ربعنا اللي الله يهداهم



الحكومة السعودية مو مقصرة نهائيا و الله يعطيها العافية علي جهودها

لكن غير صحيح أن الاراضي ببلاش

انت اكيد من اذناب ايران ومن ربع حيدر ومن جماعة الا الرئيس

تحرض الناس علي المملكة العربية السعودية

تبا لكم يا اذناب طهران

:)

تبا ألف مرة علي كل ذنب سواء لأيران أو غيرها :)

أكرر

الحكومة السعوديه مو مقصرة

لكن البلاء من المطوفين وأعوانهم

اللي كل واحد مشبك قطعة ارض في عرفة او مني وحاط اسمه عليها

ويؤجرها بمبلغ وقدره .. مع انها اوقاف

واللي مسوي البنية التحتية هي الحكومة وببلاش


وهذا رابط رسمي

http://islam.gov.kw/cms/news/ministry/8694/


وأقرأ آخر المقالة .. وهذا اقتباس لها


تعويض الحملات

وأكد د.المذكور ان لجنة شؤون الحج خاطبت مجلس الوزراء بالنسبة لرسوم المبيت في منى وعرفات بان تتحملها الحكومة بدل أصحاب الحملات لضعف الإقبال على الحج هذا العام، مضيفا ان أصحاب الحملات قدموا مذكرة لسمو رئيس مجلس الوزراء بتعويضهم عن الخسائر التي تكبدوها بسبب الظروف، والمسالة لا تزال تبحث خاصة حتى تتحمل الحكومة مبلغ الإيجارات لأراضي منى وعرفات والبالغة قيمتها 200 ألف دينار.




تبا للإمعات :p



 

الشاهيين

عضو مميز
ليش ما تسافر السعودية وتحج من السعودية

صحيح ليش ماتسافر السعوديه وتروح مع حمله بالسعوديه وايد ارخص واوفر
انا اعرف ناس شخصيا يسافرون بالسياره لحفر الباطن ويحجزون مع حمله ماتكلف شي للعمره او الحج
ويقولون ان الحملات ماشيه علي مدار الساعه يعني ماتعطل تسجل مع الحمله وخلال ساعه ماشيه حملتك
 

الطاحونة

عضو فعال
قاعدين نسافر بالصيف وندفع بالآلاف ... شنو يعني ألف عشان تحج بيت الله ، وأنا كنت بالرياض قبل يومين وقلت خل أستفسر عن أسعار هالحملات عندهم عشان يمكن أحجز إذا الأسعار أقل والصدمه إنها على 10 آلاف ريال .. يعني متقاربه جداً الأسعار .. وبالعكس خدمات ربعنا أفضل ، صدقني بالحج بالذات إدفع أكثر عشان تخفف من التعب
 

المطيري 2

عضو ذهبي
غاليه مافي مشكله بس عسى تكون تستاهل هالمبلغ مو مافي تنظيم و مشاكل و اكل مش و لابد

انا سمعت بالحج الي طاف حملات 5 نجوم و مدفوعه الاجر مسبقا و اخر شي خدمه رديئه و مشاكل

كثيره ؟
 

sager

عضو ذهبي
اخوي مع اني اشوف ان حملات الحج حيل غاليه بس مثل ماقالو الاخوان هل شي من السعودية مو من الكويت لي صديق في مصر يقولي عندهم حملات ارده من حملاتنا و ياخذون 2000 بسبب الاعداد الكبيره الراغبه فشي طبيعي ان كل شي يكون غالي من تذاكر و فنادق و ايجارات عليهم و الخ

في كل دول العالم صار هل غلاء على قولتك سعوديين و في السعودية شركات سعودية تدزهم الحج علي حسابها بديرتهم فمابالك من خارج المملكه لازم يسكنون في فنادق اول مايوصلون و ايضا تذاكر طيران و باصات و موظفين يعملون على خدمه الحجاج


ما اقولك ان السعر مو مبالغ فيه بس المشكله فى المصدر و ليس في حملاتنا مع ان هم لازم يتم محاسبتهم في حال التقصير بمقابل الاموال الى يقبضونها

انت بس روح عمره في رمضان لو ليلتين بتدفع نص سعر الحج و هاذي عمره
 

عزيز وغالي

عضو بلاتيني
للاسف حملات الحج كل سنه يزيد سعرها
والاخ الي يقول الحملات تدفع فلوس بمكه
اغلب الحملات عندهم عمارات ملك خاص والي بياجر ياخذ بمكان بعيد لرخص الايجار
والخدمات كل 4 او 5 حملات صاروا يتعاقدون مع شركات خدمات من مكه لقلة المصاريف
ومني وعرفات اراضي توزع من قبل المخصص من المملكه لكل دوله لحملات الحج بالمجان

والي يقارن الحج بسفر السياحه من حيث المصرف
ما فكر شوي ان الصرف علي قدر الخدمه والمشقه
ولا عمل مقارنه بالدول المجاوره
وعندك اقرب مثال الي يحجون بما يسمي حج الرصيف
لا يكلف عليهم ان زاد علي 100 دينار اذا كانوا 5 او 6 شباب
اغلب حملاتنا خدماتهم سيئه وبعضهم ياجر بالبباطن فالهدف الاول عندهم مادي بحت

ونتمني للجميع حج مبرور وذنب مغفور
والاهم من هذا وذاك اداء هذي الفريضه وعدم التاخير وان كلفت عليك
 

أمين أفندي

عضو بلاتيني
حملات الحج الكويتيه كانت اغلى حمله بالكويت 1000 دينار الحين ارخص حمله وخدماتها صفر 1200 دينار ؟؟!!



ـــــــــــــــــــــــــــــــــــــــ

بالسعوديه التجار جزاهم الله خير يدزون الحجاج على حسابهم الخاص للي ما يقدر يحج .

مثلا حملات الحج المجانيه بشركة بن لادن /مشرف الحج ابراهيم محمد ورقمهم 0556664651

وشركات الراجحي وغيرها من تجار السعوديه اللي يدزون اهل السعوديه الغير مقتدرين على حسابهم الخاص .

احنا تجارنا بس شاطرين يلهفون من المناقصات

واصحاب حملات الحج يتنافسون في رفع اسعار الحج كل سنه يزيدون 300 دينار وعليك الحساب .


ـــــ



تدري ليش يابوسعود تجارهم يتبرعون ويحججون الغير مقتدرين

لأنهم ناس يدورون الأجر العظيم اللي عند رب العالمين

وشوف الشيخ الملياردير سليمان الراجحي تنازل عن ثروته كلها وتبرع فيها

وقعد على دخل ثابت عسىالله يبارك فيهم ويزيدهم أجر

أما عندنا تجارنا كل شي لهم حلال ومباح لكن المواطن العادي يطحنونه طحن

ودهم يستعبدونه وفيهم الطمع لا حول ولا قوة إلا بالله

وتذكر قبل سنتين لما طلعت سالفة إن سمو الأمير يفكر بمشروع لإسقاط القروض

شلون بسرعة شكلوا كتلة 26 وركضة للأمير يطالبونه بعدم إسقاط القروض

لأنها حسب إفتراءاتهم وزورهم سوف تؤثر بالميزانية و..و.. و.....

شوف أخوي بوسعود الحسد مصيبة وتجارنا متخصصين بالحسد واللهف وطماعين

لايكلون ولا يملون شفط بشفط ليلآ ونهارآ.
 

ام فاطمه

عضو جديد
اولا الله يكتب لنا حجه فبيت الله

وبعدين استغرب من الي يقولون ادفع الاف بس اهم شي ارتاح واحصل الرفاهيه مثل الحمله الكويتيه الي جايبين لهم ستار بكس ياخي الحج جهاد مثل ماقال رسولنا صلى الله عليه وسلم افضل الجهاد حج مبرور

وفعلا اسعار الحملات الكويتيه مبالغ فيها فصار لازم رب الاسره يجمع له سنه كامله او اكثر عشان يحجج اهله
 

ابو سعود

عضو ذهبي
اذا واحد عنده مجموعه من خواته ولا بناته وما عندهم محرم ولازم يحججهم

اضرب 1300 على 6

وشوف صاحب الحمله جم ياخذ ربح على كل حاج وكم هي التكلفه الفعليه لكل حاج

الله يكون بعونا اجمعين
 

ابو سعود

عضو ذهبي
قاعدين نسافر بالصيف وندفع بالآلاف ... شنو يعني ألف عشان تحج بيت الله ، وأنا كنت بالرياض قبل يومين وقلت خل أستفسر عن أسعار هالحملات عندهم عشان يمكن أحجز إذا الأسعار أقل والصدمه إنها على 10 آلاف ريال .. يعني متقاربه جداً الأسعار .. وبالعكس خدمات ربعنا أفضل ، صدقني بالحج بالذات إدفع أكثر عشان تخفف من التعب

منو يقولك السعوديه مثل اسعار ربعنا ؟!!

ومنو يقولك ان خدمات ربعنا افضل ؟

ربعنا اعلاناتهم افضل بس خدماتهم صفر
 

ابو سعود

عضو ذهبي
ماكو تفاعل مع الموضوع ؟

الظاهر اخواني عاجبتهم الاسعار والزياده كل سنه على قيمة الحج وماكو حسيب ولا رقيب
 

اوكي

عضو مميز
نحتاج لتدخل اتحاد الجمعيات التعاونية والجمعيات التعاونية


للوقوف ضد الاسعار الخيالية لدي حملات الحج


بأن يقوم أتحاد الجمعيات التعاونية بأستخراج ترخيص للحج

وكل جمعية تسجل 50 حاج كل عام بمبلغ لا يتجاوز 500 دينار

حجه واحده لكل مواطن مساهم والأولوية للحاج أول مرة وكبار السن
 
أعلى