سؤال وجواب مخالفات المرور !!

[عبدالعزيز الحبلاني]

السلام عليكم ورحمة الله وبركاته


شلونكم اخواني خواتي


مدري هي مشكلة ولا انا مسويها مشكلة


السالفة وما فيها

دفتر سيارتي انتهى يوم 27 - 7 الشهر الي فات

المهم رحت جيكت على المخالفات والحمدلله ما طلع علي شي


علي

تفاجات لما جددت الدفتر وخلصت مدري شجاني باحد المجمعات (شرق ) والاقي جهاز يجيك اذا علي مخالفات ولا لا

المهم حطيت الرقم المدني ورقم لوحة سيارتي

ولا تطلع علي مخالفات قيمتها 50 دينار

وكلها تجاوز سرعه !!


والمشكلة تاريخ المخالفات
الاولى : قبل شهر ونص > قبل تاريخ انتهى دفتر سيارتي
والثانية : قبل شهرين ونص !!> قبل تاريخ انتهى دفتر سيارتي

معقولة !!

اجدد دفتر سيارتي ولا اسدد الي علي !!

مع اني اشك بالمخالفاات لان صارتلي هوشة مع ملازم مدري نقيب مش محترم
كان مسوي روحة جيمس بوند عند الاشارة يبيني اطوفها وسحبت عليه المهم نقز الرصيف ودخل بالحارة الثانية وصارت سيارتة بوجه سيارتي وينزل قال كلمة مكرم السامعين وصخة > وخليت العقال يطبع على ظهره وجت الشرطة ما خلوه يركب الدورية وانا هم بعد قلت مااركب الا لما يركب

المهم وخلونا كل واحد بسيارته وصفطنا عند المخفر

المهم بعدها خليته لازم يعتذر لازم يعتذر > خف علينا يا عبيد الوسمي

وانتهت السالفة بتنازل وتعهد

مدري يا اخوان شسوي ! احس هالمخالفات دابسها احد بظهري


شسوي شتنصحوني

 

[محمود المليجي]

انصحك جدد الدفتر واترك المخالفات تولي ... اساسا انا ما اجدد الدفتر ولا ادفع المخالفات ابدا الا اذا بغيت ابيع السياره

 

[أبوطلال]

بأمكانك ان تتقدم بالطعن فى عدم صحة المخالفات ..لدى ادارة تحقيق المخالفات
التابعة للادارة العامة للمرور ..مااذا كان عندك شك بعدم صحتهااو كيديتها .
.وسوف يجرى تحقيق بذلك ..لتبيان الحقيقة .
.والمخالفات غير مباشرة والسرعة او تجاوز الاشارة الحمراء بها ادلة من خلال صور الكاميرا المثبته فى الشارع ..وبحال عدم وجود دليل واضح كالصور ..
سوف يتم استدعاء من قام بتحرير محضر المخالفة الغير مباشرة للتحقيق معه ..
وسوف تتضح الحقيقة ..لو لك حق مايضيع ان شاء الله ..


عندى سؤال اخ عبد العزيز هل السيارة مسجلة بأسمك .؟؟؟
.لكون المخالفات تكون على الرقم المدنى والرقم الموحد
لمالك السيارة والمسجلة باسمه فقط.... وليس على رقم لوحة السيارة ..

وكما انت ذكرت انك من الاخوة البدون الغير محددى الجنسية ..
وهم غالبا سياراتهم تكون باسماء اقربائهم او اصدقائهم من الكويتيين او محددى الجنسية .لصعوبة تسجيلها باسمائهم ..
لو كنت لاتملك سيارة باسمك فالمخالفة واضح كيديتها ..

 

[عبدالعزيز الحبلاني]

بأمكانك ان تتقدم بالطعن فى عدم صحة المخالفات ..لدى ادارة تحقيق المخالفات
التابعة للادارة العامة للمرور ..مااذا كان عندك شك بعدم صحتهااو كيديتها .
.وسوف يجرى تحقيق بذلك ..لتبيان الحقيقة .
.والمخالفات غير مباشرة والسرعة او تجاوز الاشارة الحمراء بها ادلة من خلال صور الكاميرا المثبته فى الشارع ..وبحال عدم وجود دليل واضح كالصور ..
سوف يتم استدعاء من قام بتحرير محضر المخالفة الغير مباشرة للتحقيق معه ..
وسوف تتضح الحقيقة ..لو لك حق مايضيع ان شاء الله ..


عندى سؤال اخ عبد العزيز هل السيارة مسجلة بأسمك .؟؟؟

اي اخوي لجنة البدون سمحت للبدون انه يسجل سيارة بس وحدة يعني


.لكون المخالفات تكون على الرقم المدنى والرقم الموحد
لمالك السيارة والمسجلة باسمه فقط.... وليس على رقم لوحة السيارة ..

وكما انت ذكرت انك من الاخوة البدون الغير محددى الجنسية ..
وهم غالبا سياراتهم تكون باسماء اقربائهم او اصدقائهم من الكويتيين او محددى الجنسية .لصعوبة تسجيلها باسمائهم ..
لو كنت لاتملك سيارة باسمك فالمخالفة واضح كيديتها ..

بس يا اخوان

المخالفات

يا اخوان على ليسني المخالفات !! مو على الدفتر !!

وانا ولا احد خالفني !! انزين لو كاميرا شكو المخالفات تنزل على الليسن

شوفو




وفوق هذا المحيرني

شلون يجددون لي دفتر سيارتي والمخالفات وقتها ما كان علي ولا مخالفة


استعباط منهم ولا !! ولا الدعوة فيها قصة

 

[محمود المليجي]

اخوي عبدالعزيز المخالفات الي على الليسن تكون مباشره يعني يستوقفك الشرطي ويطلب ليسنك ويسجل عليك مخالفه ويعطيك مسودة المخالفه ... اما المخالفات الي على رقم السياره تكون غير مباشره اما تجاوز اشاره او سرعه او ممنوع الوقوف وعرقلة حركة السير ..
يعني مخالفاتك اكيد ومافي شك انها كيديه الا اذا احد الشرطه استوقفك وحررلك مخالفه وانت ناسي ..

 

[عبدالعزيز الحبلاني]

اخوي عبدالعزيز المخالفات الي على الليسن تكون مباشره يعني يستوقفك الشرطي ويطلب ليسنك ويسجل عليك مخالفه ويعطيك مسودة المخالفه ... اما المخالفات الي على رقم السياره تكون غير مباشره اما تجاوز اشاره او سرعه او ممنوع الوقوف وعرقلة حركة السير ..
يعني مخالفاتك اكيد ومافي شك انها كيديه الا اذا احد الشرطه استوقفك وحررلك مخالفه وانت ناسي ..

متذكر ومخي ما عمره ناسي بالذات المرور

اخوي محمود انا من سنتين ونص او اكثر محد خالفني مباشر او على الليسن

وطول عمري ما وقفت وعرقلة السير > لو عندي جيب اول من يطبق القانون بنفسي

انزين والحل اخوي !!

يعني شسوي بالضبط

شتنصحني

 

[محمود المليجي]

انصحك تراجع مدير مخالفات المرور الي تابع لمنطقتك وتشرحله وضع المخالفات الي عليك وراح يبين منو الي سجلك المخالفات زورا وبهتان ... واذا مانفع مدير المخالفات توجه الى محكمة المرور وقدم شكوى رسميه ..

 

[سيف علي]

المخالفة ممكن تتسجل على الليسن إذا كنت مأجر سيارة باسمك ففي هذه الحالة أي مخالفة تكون على الليسن وليست على دفتر السيارة ​

 

[عبدالعزيز الحبلاني]

المخالفة ممكن تتسجل على الليسن إذا كنت مأجر سيارة باسمك ففي هذه الحالة أي مخالفة تكون على الليسن وليست على دفتر السيارة ​

عيني باوع الموضوع عدل

السيارة باسمي

اروح فدوة لشبابك :وردة:

 

[Q8 1]

راجع محقق قسم المخالفات الى تابعه له المخالفه ( الغير مباشره ) مو الكاميرات
يفتح تحقيق مع محرر المحضر لكن حط فبالك اذا استدعى الشرطى واقر انها صحيحه راح تدفعها
يعنى مراجعات وخساره بانزين علفاضى اسأل مجرب 00000000 للعلم فيه مخالفات تطول على ماتنزل فى الجهاز مرات توصل لى سنه 000000 موفق

 

[تجمعنا الكويت]

يمكن توه نزلت عليك عادي في مخالفات ماتنزل الا بعد شهرين ثلاثه يكون الشرطي مخالفك وبعد شهرين ينزلونه بالجهاز شي طبيعي هذا صب قهوه خلنا نتقهوه