مدينه ليدز .... اللي عنده خبره فيها يتفضل
- بادئ الموضوع ChanZeen
- تاريخ البدء
و عليكم السلام ..
الله يكون بعونكم .. مابي أحبطك بس ليدز مدينه للدراسه فقط و خلص الشهرين اللغه و شوف لك مكان ثاني ..
أما بالنسبه للأطفال فكل شي متوفر لأن مستلزمات الترفيه للاطفال شي سهل ..
المشكله انها للكبار كئيبه .. أدري ضيقت خلقك ولكن شهرين تقزر مو مشكله و بعدها شوف لك مكان ثاني ..
الله يوفقكم و يحفظكم انت و اسرتك الكريمه ..
تقدر بالويك اند تروح مانشستر قريبه عليكم و تقدر تروح ليفربول هالمدينتين حلوين يصيرون غرب ليدز طبعا ليفربول ابعد ..
و تقدر تروح مدينة هول تصير العكس شرق ليدز واهي مدينه ساحليه مثل ليفربول و حلوه المدينه تستاهل الزياره للتغيير ..
بالفعل
وازيد عليهم ... زور مدينة يورك York ... بيها كنسية جميلة جدا بالاضافة الى الجدار والسنتر الجميل
زور مدينة سكابرا ساحلية وفيها مدينة العاب مائية على ما اذكر scarborough
واذا اشتقت تشوف الجالية العربية والباكستانية فزور برادفورد كله عشر دقائق من ليدز الي بالاحرى يطلق عليها برادستان من كثرة الباكستانين هناكوبالتوفيق لك .
بالفعل
وازيد عليهم ... زور مدينة يورك York ... بيها كنسية جميلة جدا بالاضافة الى الجدار والسنتر الجميل
زور مدينة سكابرا ساحلية وفيها مدينة العاب مائية على ما اذكر scarborough
وبالتوفيق لك .
تصدق بالزميل عماني أمس حاولت اتذكر مدينة يورك اسمها ما جاء على بالي مع اني اذكر كل اللي قلته عنها بس الاسم ما قدرت اتذكره ..
فعلا يورك جميله و اذا تبي اسكن بفندق الهيلتون جدامه تل صغير و عليه مثل قلعه صغيره و بظهر الفندق سوق يورك الجميل ..
و عندك السفاري المفتوح (حديقة الحيوان) بالطريق بين مانتشستر و ليفربول حلوه للاطفال لا تطوفكم ..
والله يا عماني مانتشستر اللي لازم يسمونها مانتشسترستان اتدور الانجليزي فيها دواره ما تشوفه من كثر العرب و الآسيويين و الافارقه اللي فيها !! ..
هذا موقع القطارات في بريطانيا وتقدر تعرف المدة لكن اتوقع نصف ساعه
http://www.thetrainline.com/
مثل ما نصحك اخوي . لو حاب تتمشى كل ويكند لمانشستر ويورك وغيرها من المدن افضل شي تاخذ
بطاقة تسمى Family and Friends Railcard تعطيك خصم اتوقع ثلاثين بالمية او اكثر في سعر التذكرة. وسعرها فقط 25 باوند لمدة سنة كاملة
مشكورين والله ما قصرتوا الله لا يحرمنا منكم
تكفون اذا تعرفون مناطق واماكن حلوه للاطفال والعائله عطوني الاسماء وما قصرتوا
استفسار اخير بالنسبه للخادمه تنصحوني اخذها معاي؟ اهي سيلانيه ولها سنه ونص عندي وبصراحه واجد زينه قدمت لها علي فيزا ووافقوا عليها سوا لها فيزا ٦ شهور ومتردد اخذها ولا لا ناس تقول تنحاش وناس تقول يبهذلونك بالمطار ولها اجراءات معقده
والله متردد ابي شوركم ياخواني
تكفون اذا تعرفون مناطق واماكن حلوه للاطفال والعائله عطوني الاسماء وما قصرتوا
استفسار اخير بالنسبه للخادمه تنصحوني اخذها معاي؟ اهي سيلانيه ولها سنه ونص عندي وبصراحه واجد زينه قدمت لها علي فيزا ووافقوا عليها سوا لها فيزا ٦ شهور ومتردد اخذها ولا لا ناس تقول تنحاش وناس تقول يبهذلونك بالمطار ولها اجراءات معقده
والله متردد ابي شوركم ياخواني
لا شكر على واجب ..
بالنسبه للخادمه بصراحه ما انصحك لأنها حتى اذا زينه اذا إلتقت بسيلانيه مثلها تعلمها سوالف الهجره و غيره من هالسوالف و ممكن ترفع عليكم قضيه ..
و تبهدلكم بالقانون البريطاني و تدفعك بلاوي زرقه و تاخذ هي حق لجوء و انت ترد الكويت و تدفع غرامه في السفاره البريطانيه لأنك وقعت تعهد بخروجها من بريطانيا !! ..
و إحتمال تنحط بلاك ليست بالسفاره البريطانيه و عمرك ما تدخل بريطانيا !!! ..
شلك بعوار الراس و اذا هي على التنظيف و من هالسوالف في هناك خدامات بارت تايم و بعض الشقق الفندقيه فيها خدمه تنظيف !! ..
و ليش هذا و ذاك ساعد المراه انت و شققهم صغيره ترى !! ..
اما بالنسبه للوناسه تقدر تروح بلاك بول فيها مدينة ملاهي كبيره بس شغل قديم شوي يعني مو مثل ديزني لاند ..
و عندك منطقة البحيرات حلوه بعد فيها مطاعم على البحيرات و قوارب رحلات بالبحيره اسمها Windermere ..