سؤال وجواب المخفر مو راضي يعطيني مخطط الدعمه!!

الديفي

عضو بلاتيني
السلام عليكم

هندي دعم سيارة المره وعدمها ومن قوة الدعمه دعمت هي السيارة اللي امامها يعني 3 سيارات

الغريب العجيب اننا رحنا المخفر والمحقق حولها قضيه ونسى او تـنـاسـا المحقق يعطينا رسم الكروكي مخطط الحادث!!

الحين لنا اسبوع نراجع المخفر ويماطلون يقولون بلاستقبال شغلكم مع المحقق والمحقق ما نشوفه!! تدرون فيهم

شنو اسوي؟ ابي مخطط الدعمه؟ انزل اعلان مناشده لوزير الداخليه ولا اسوي اعتصام؟
احد يعرف احد بالداخليه رتبه ليتوسط لي ويكلم المخفر ليعطيني حقي وهو مخطط الحادث؟

الخبير الفني قال ماراح اسويلك شيء الا لما المحقق يعطيك ورقة مخطط الحادث؟

 

إسبآنيول

عضو مخضرم
روح ادارة التحقيقات وارفع قضية على وزارة الداخلية وعلى المخفر المذكور وعلى ضباطة ضابط ضابط وافرادة فرد فرد حتى فراش المخفر

وادفع 25 دينار بمحكمة الرقعي وانساها وبعد سنه راجع المحكمة وراح تلقا نزل لك تعويض 5001 دينار

بس سجل مماطلة المخفر بالصوت والصورة ووثقة بسي دي وارفقه بملف القضية

حتى ما تحتاج محامي

لا تعور راسك بالمراجعات
 

الديفي

عضو بلاتيني
مشكور إسبآنيول

توني راد من المخفر عند منتصف الليل.. لا محقق مداوم ولا سكرتيره .. المخفر هدد .. :(

تصدق قبل ما ادش المخفر فكرت اسجل صوتهم بنقالي بس قلت يمكن يعتقدون اني جاسوس! واتحول لأمن الدوله :(
 

بدركوم

عضو مميز
شوف راح اساعدك مو حباً لك ولكن كرهاً للمحققين بالكويت لانهم لا يحترمون اوقات المواطنين

اتصل علي ١٨٨٨٨٣٠ وقدم شكوى بآسم المحقق ورقم القضية

وشوف شلون المحقق يدق عليك غصباً عنه
 

الديفي

عضو بلاتيني
مشكور يا بدركوم

ذكرتني اعتقد هذا هو رقم اللي اسمهم الرقابه والتفتيش؟ نسيته مع الاسف الرقم اللي اشتكي فيه اذا صارت لي مماطله او ظلم بالداخليه صح ؟..

انا لاحظت امس بالليل ان افراد المخفر يرفضون اعطائي اسم المحقق اللي ماطل معاي او حتى رقم نقاله!
يعني طلعو يخافون اشتكي عليه؟

اليوم داومت بالمخفر طبعاً انا كل يوم بالمخفر وطبعاً المحقق مو مداوم واخذت هالصوره وصار لي اسبوع بالضبط وانا اداوم بالمخفر هذا وصارو يعرفوني اللافراد فيه :(

Image1.jpg


نطرته وما حضر لكن اعطيت رقم نقالي لواحد كان موجود بالمحفر وطلعت رحت الدوام و اتصل علي بعد ما خرجت وقال الحق صاحبك وصل المحقق! طبعاً انا مو مصدق طياره دشيت عليه كأني كابس عليه لا ينحاش وقلت له عطني المخطط .. قال ماراح اعطيك المخطط !!

قلت ليش؟ قال ورني التقرير؟! قلت التقرير عند شخص ثاني اللي اندعم هو ايضاً .. قال خله هو يزورني وانا اعطيه المخطط!

بنشوف يوم الاحد هل راح تنتهي الدراما هذه ولا لا؟

 

إسبآنيول

عضو مخضرم


مافي شي بالقانون اسمه اسم المحقق ورقم نقاله

روح اشتك على محقق المخفر الي انت تروح له كل اسبوع والساعة واليوم الي ما يكون متواجد فيها بصفته المعنوية وبس

 

بدركوم

عضو مميز
من حضرته مايقول اسمه او يرفض يقول وسبب ان الافراد بالمخفر مايعطونك اسمه الا تستر عليه وصدقني دام قالك جذيه راح يرقصك يومياً تعال وروح ولا تطلب رقمه الشخصي خل تعاملك معاه في مكتبة وفي المخفر واوقات عمله

اذا ماحد قالك اسمه اتصل الرقم الي عطيتك وقدم شكوي وقولهم الافراد والمحقق رفضو يعطوني اسمه وانك في منشأه حكوميه مكتوب عليها مخفر والافراد العاملين فيها موظفين في التحقيقات والداخليه وواجبهم خدمة المواطنين مو عصابه مالهم اسماء


اذا بتقعد تشكي بالانترنت ماراح يمشي شغلك
 

الديفي

عضو بلاتيني
اليوم صار شيء يفوق الوصف.. توني راد من المخفر .. رحت اليوم مرتين المخفر تقرير الخبير الفني ابي اسلمه له

الحين طاف علينا 12 يوم على الدعمه اي نعم 12 يوم والمحقق هذا اخرنا بسبب انه مـو ملتزم بعمله.. وبالعافيه نصيد المحقق وبعد اخذ وعطا بالمخفر قالو لنا المحقق يداوم بالـ 9:30 بالليل

وكاني راد من المخفر لقيت محقق ثاني مكانه يلعب بلايفون ماد البوز .. قلت له خلصنا قال "ماراح اخلصكم.. قضيتكم مع المحقق (...) اللي راح يداوم يوم السبت 10 بالليل!!"
يعني انطر 5 ايام لما نصيد هالمحقق كونان هذا ؟

منو المسؤول عن هذا التأخير الكبير؟ المخفر ام المحقق ام البيرقراطيه بالداخليه؟​
 
أعلى