مقالة منعت من النشر بالجريدة اللي اكتب فيها ! .

ألووو .. ياأمم : احم احم لاتنسون اليوم ! .
-------------------

قبل نقطة نهاية المقالة باسطر كثيره راح اسطر كم جملة بكم سطر لعل تعجب حضرتك عزيزي القارئ .. اليووم هو اليووم الموعود واليوم المحدد لااضخم عملية تصويت في تاريخ رياضتنا لانتخاب اعضاء جدد بالاندية الرياضية جميعها بعد سنوات شد وجذب وانتقاليات ومحاكم وطعون وتدخلات من طيور ظلام وطيور نهار وكتاب رايح وكتاب جاي ويهديكم ويرضيكم .. وانا اليوم وعلي قولت الكشاف اعوذ بالله من قولت انا لاانه مايحب يكتبها بكتاباته (هو حر وانا حر وانت حر) .. كل واحد حر بحره .. ماعليه ندخل بركب السطور من جديد وانا اليوم جني اشوف نتائج الانتخابات علي ماهي عليه كل مره فلول المجاميع تنساق الي الصناديق بدون لابوووم او احد يفتح بووقه الكل ياحبة عين امه موجه توجيه بالريمونت كنترول .. سواء مع او ضد ولا احد يقص عليك بانه جاي باقتناعه لان هؤلاء علي اليد الوحده تعدهم ويقولون ديمقراطيه وش ديمقراطيته اللي تجي الناس بتوجهات مسبقه يمين يمين يسار يسار ان كان الواحد مسير لا مرحبا فيه ولا بصوته لان رياضتنا فيها اللي مكفيها .. والله الواحد يستغرب من اعضاء الجمعيات العمومية ايييه الي متي معاهم معاهم عليهم عليهم شنهو ماتشوفون التخلف اللي حل بانديتنا الرياضة .. انا مابي اقوول تخلفنا عن الركب الخليجي لان هذي مفروغ منها التخلف اللي اقصده هو بالكويت كم نادي فوق والبقيه تحت وللاسف اللي تحت تتبع اللي فوق .. انا اعوذ بالله ما اقول تفرقوا بل اقوول خلو لكم كلمة ماتقولون لي وش فايدة التجمع والتبعية وانديتكم مالها ممثلين بالمنتخبات الوطنية الا بكم واحد ينعدون عد علي اليد والوحد .. وياليتها تبقي علي هالحال اول ماينتقل لاعب من لاعبينكم الي احد الاندية الكبيرة علي طول ينظم للمنتخبات حتي لو كان باقل مستوي له او احتياط .. وعلي هذا الاساس ارجو من فلول المصوتين ان يحكموا العقل باختيارهم لان هالوضع مايسر .. ايييه الي متي واديتكم مع الخيل ياشقراء وانتم عندكم كل شي واقصد بكل شي حتي لايتاول الامر اللاعبين الموهوبين بكل الالعاب يعني الاندية الكبيرة هي المحتاجه لانديتكم .. وبسحبت سايد يتلوها تفكير انتم الاكثرية وخيوط اللعبة كلها بايديكم اختاروا من ترونه مناسبا حتي ترتقي رياضتنا الي الافضل بعيدا عن المصالح اللي وقفت حال رياضتنا عشرات السنين .. وهالحين العذر والسموحه منكم ولاحد ياخذ بخاطره مني لاني اقصد الاصلاح وقبل لااختم واشرايكم اصووت لمنهو لان ماخاب من استشار ويالله يابوصلاح حط النقطه علشان نخلص بلاها مراجعه لا اغير رائي وسلامتكم .


ألووو اخير : فيليكس الطيار يتحدث خلال مؤتمر صحفي ويقول : أكثر مالفت انتباهي وصم اذاني اثناء هبوطي على الأرض هو كثرة المشاكل الرياضية بدولة الكويت .
 
أعلى