سؤال وجواب سؤال لاهل الخبره في البر والمخيمات ( الحطب )

Desert Eagle

عضو ذهبي
السلام عليكم


اخواني الربع مسوين مخيم وحصلت لنا مشكله اللي هي نوعيه الحطب والمخيم بالوفره

نشتري من البقالات ادبلت كبدنا بسرعه يخلص ما يمدي نحطه الا وهو خالص ولا منه فايده وصار ميزانيه علينا ودخانه ذبحنا


بغيت منكم نوع من الحطب الزين الي يطول معانا وتدلوني على مكانه وسعره

جزاكم الله خير
 

جمـوح الخيل

عضو مخضرم
أكيد الافضل الارطى ويتوفر بالنفود
والنوع الثاني أكيد الغضى والافضل غضى القصيم
الاثنين دخانهم قليل وجمرهم حامي ويبطي
بس عاد بالكويت وين ينباع هذه ما أدري.../
اتوقع اللي تشترونه من المحطات اسمه سمر
لاني اشوف اغلب المحطات عندنا تبيع السمر:إستنكار:

اتمنى اني افدتك و الله يهنيكم ويسعدكم.../
 

الجنازه

عضو بلاتيني
نعم الارطى والغضى ولا كن لاتوجد بالكويت وبالسعودية سعره غالي :

الحطب الي بالكويت هو شجر الكنوكابرس وهو خطر على الصحة :

افضل شي بالكويت :

الرمث للمزاج : الان ناره تطفي بسرعة وتحتاج كميات وجوده قليل بالكويت:

السدر للطبخ والنفخ او الكينا او اي شجرة تكون يابسة ولا تكون تسقى من مياه المجاري اعزكم اللة وغير

الكابرس :
 

جمـوح الخيل

عضو مخضرم
نعم الارطى والغضى ولا كن لاتوجد بالكويت وبالسعودية سعره غالي :
الحطب الي بالكويت هو شجر الكنوكابرس وهو خطر على الصحة :

افضل شي بالكويت :

الرمث للمزاج : الان ناره تطفي بسرعة وتحتاج كميات وجوده قليل بالكويت:​

السدر للطبخ والنفخ او الكينا او اي شجرة تكون يابسة ولا تكون تسقى من مياه المجاري اعزكم اللة وغير​

الكابرس :​



أخوي الرمث لو تجيب حمولة شاص و تشببوه ما يسوي لك شي لا ينجز
طبخ و لا يونس خاطر هو عامل مساعد لشب النار بسرعه.../
 

الجنازه

عضو بلاتيني
أخوي الرمث لو تجيب حمولة شاص و تشبوه ما يسوي لك شي لا ينجز

طبخ و لا يونس خاطر هو عامل مساعد لشب النار بسرعه.../


الرمث مزاج دخانة حلو وشبتة حلوه وجمره حلو وياحلو المطر وشبت النار والفنجان الاشقر :

يارب ارزقنا المطر

وغضى عنيزه ماعلية كلام وتغنوا فية :)
 

Desert Eagle

عضو ذهبي
والله ما ادري يقولون في بالشويخ وين دورا الخضرة واسواق الجملة شي جذي

وفي عندك موقع مزاد الكويت مره شفت واحد يبيع حطب

موضوع قديم شوف جان عنده

http://www.mazadq8.com/vb/showthread.php?t=521552

دورت بقوقل والمنتديات الكويتيه وبرامج الايفون ودقيت على الرقم هذا ومليون رقم غيره واللي ما يرد واللي مغير رقمه


معقوله ديره مافيها حطب ؟؟؟!!!
 

Desert Eagle

عضو ذهبي
هههههههههههههه

والله ما ادري ياخوك

شوف في شيرة مطيحينها بحديقة العديلية خشب يعجبك نصها قاصينها وماخذينها والله من صجي اتحجى روح كسرها واخذ حطبها

ههههههههههههههه

جعلك تحيا مو اي حطب تشبه

بعضهم يدخن وما يدفي عادي بس دخان يدبل الكبد

وبعضهم ريحته تذبح وبعضهم دخانهم يوجع عيونك حيل


المعروف غضا هو الزين والشيبان يقصدون عنه وكان عندنا جايبنه من سعوديه لكنني متعيجز اسافر عشان حطب


تعال المخيم وتشوف حطب الوفره شلون يغث :p
 
أعلى