سؤال وجواب خادمتي الاثبوبيه سافرت ولم ترجع؟

الديفي

عضو بلاتيني
السلام عليكم

لدي خادمه اثيوبيه مو مقصر معاها يعني ما نهاوشها بالعكس علاقتنا معاها زينه وتضحك من قفشاتنا ..

جددت اقامتها سنه على اساس انها قالت بتروح ديرتها شهرين وبــتــرجـــع لـنــا .. ووصلت لأثيوبيا وطرشت مسج لنا من نقالها بأنها وصلت بخير وتسلم علينا..

الان لا حس ولا خبر منها نطرش لها مسجات نـقـول لها ليش ما تكلمينا.. طمنينا؟ مـا تـرد علينا.. رافعه الجامه؟

أي صارت خارج منطقة التغطيه شكلها هونت ماتبي ترجع؟ هي مره زل لسانها وقالت انها تتمنى تشتغل بدبي ماتبي الكويت! .. شنو اسوي الحين انا اريد اكنسل اقامتها مع ان قبل جم شهر بس جددت اقامتها سنه بس كسرت فينا :(

كلمت موظفة خدمة المواطن قالت لي كلام غريب تقول ( تدل يوريكا العاصمه.. روح هناك تلقى امامه مركز التحكم.. دش داخل مركز التحكم وقول لهم بأن يلغو اقامة الخدامه اللي كسرت فيك.. بس روح يوم الاحد فقط من كل اسبوع)!​
 

بقيييط

عضو ذهبي
انت داج والموظفه داجه قص تذكره وروح دوره في ديرته احسن اختيار وان مالقيته جبلك وحده وانت جاي
:D
اما الموظفه ماعنده سالفه تبي تمشورك علي الفاضي ماتكنسل اقامته الا لمه يصير له ست شهور بره الكويت
 

الديفي

عضو بلاتيني
تونا استقبلنا مسج منها بعد انقطاع

تقول انها قررت ان ما ارجع لنا .. تقول دورو عن خدامه غيري!

يعني انطر 6 اشهر علشان تتكنسل اقامتها لوحدها؟ مافي حل ثاني اسرع واسهل لكي اكنسل اقامتها؟

 

المهذب

عضو فعال
الحين وبعد ما عرفت رد الخادمة وتأكدت بانها ما تبي ترجع لازم تسمع كلام الموظفة اللي قالت لك تروح لخدمة المواطن اللي بالشويخ اللي عند يوريكا بس اليوم الاحد طاف حسب كلامها يعني روح الاحد القادم 25 نوفمبر وكنسل اقامتها وحاول تقدم على طلب جديد من الحين لجلب خادمة بديلة كسبا للوقت ....واتوقع ما راح تدفع اى مصاريف اضافية مثل 50 دينار على الخادم الرابع او 100 على الخادم الخامس حتى لو كان باقامتك 3 اشخاص واكثر الا لما توصل الخادمة الجديدة الى الكويت وساعتها (قبل حضور الخادمة الجديدة) تكون كنسلت اقامة الخادمة الاخيرة (الاثيوبية اللي اخلفت بوعدها وجددت لها سنة) وفتحت مجال للخادمة الجديدة للعمل بكفالتك....وعموما لازم تعرف شغلة وهي ان الخدم الزينين اصبحوا قلة ..ومهما كانوا يضحكون معك فان اللي ينفع معاهم هو النوط يعني الفلوس وأنت اذا شايف ان الخدامة الليً راحت من الصعب تعويضها بأخرى في نفس مستواها ..احسبها صح وحاول تغريها بزيادة معاشها ولو 5 او 10 دنانير او ربما اكثر وشوف ردها لان الجديدة راح تكلفك مصاريف اكبر مثل مصاريف المكتب والفحوصات وغيرها ناهيك عن حداثتها وتخوفك من مستواها وكذلك الزيادات التي صارت على رواتب الخدم واذا ما رجعت وغسلت ايدك منها ما لك الا تختار خادمة جديدة والله يوفقك:وردة:..​
 

الديفي

عضو بلاتيني
مشكور بالمهذب ردك شافي وكافي ..

بالفعل الخدم الزينيين اصبحو قله وانا كنت حريص ان لا اغضبهم بشيء
هي بالمسج تقول مريضه وشوفو وحده غيري وماراح ارجع لكم!.. بحاول اغريها بالزياده بقول ان معاشها بصير 70 دينار :(
اعتقد هذه حركه او مساومه من طرفها بس زوجتي تقول ما نبي نترجاها ..

موظفة خدمه المواطن تقول لي تعرف يوريكا العاصمه مقابله مركز التحكم!
هي ليش ماقالت يوريكا الشويخ اسهل بجانب شارع الصحيه انا راح تفكيري بالديره!.. عرفته مركز تبصيم الخدم احنا نسميه وشنو المستندات صورة من جواز سفرها.. وبطاقتها المدنية؟

وين نلقى غيرج يا كيشا.. هي اسمها الحقيقي كيسي بس احنا استحينا وسميناها كيشا!​
 

المهذب

عضو فعال
العفو اخوي الديفي واتوقع ولست متأكدا من ان الموظفة تقصد ان تذهب الى جوازات العاصمة القريبة من يوريكا الشويخ بما انه لا يوجد يوريكا داخل الكويت العاصمة( عدا السالمية والفروانية - الفحيحيل ) حسب علمي.​
 
أعلى