سؤال وجواب خطوات تحويل ملكية السيارة

الديفي

عضو بلاتيني
السلام عليكم
انا اخر مره بعت سيارتي قبل 5 سنين وكان وقتها سهالات كنت اخذ البطاقة المدنية للمشتري واروح خدمه المواطن ويحولون السيارة
الان قالولي خبرك قديم .. لازم البائع والمشتري يراجعون مع بعض للمرور .. الداخليه تشددت..

ممكن خطوات تحويل السيارة للمشتري.
ومتى بالضبط اخذ الفلوس من الشخص الذي اشترى سيارتي قبل التحويل ولا بعد التحويل؟​
 

كويتنا3

عضو فعال
السلام عليكم
انا اخر مره بعت سيارتي قبل 5 سنين وكان وقتها سهالات كنت اخذ البطاقة المدنية للمشتري واروح خدمه المواطن ويحولون السيارة
الان قالولي خبرك قديم .. لازم البائع والمشتري يراجعون مع بعض للمرور .. الداخليه تشددت..

ممكن خطوات تحويل السيارة للمشتري.
ومتى بالضبط اخذ الفلوس من الشخص الذي اشترى سيارتي قبل التحويل ولا بعد التحويل؟​







بطاقة الشاري والبايع واول شي تروحون شركة بيمه يسويلكم طلب تحويل دفتر




وبعدين تحضر انت وياه عند خدمة المواطن ويحولون لك السياره ب 10 دقايق






تستلم الفلوس حسب اتفاقك انت وياه




بس خله يجيب لك الفلوس واذا الفلوس واجد قبل لاتحولون السياره روح حق صراف وهو يعدلك الفلوس بالأله






الصراف يمكن ياخذ منك دينارين على هالخدمه










اتمنى اني اكون افدتك لاني كنت موظف بخدمة المواطن قبل وهذي وظيفتنا
 

الديفي

عضو بلاتيني
مشكور يا كويتنا3 على عالرد المفيد

واضح صار تشدد من الداخليه وهو الحضور الشخصي للبائع والمشتري.. بالسابق البائع يحضر ومعاه بطاقة المشتري بس وتنتهي المعامله

طيب لما اروح لشركة البيمه تقصد شركة التأمين .. هل لازم اروح لـنـفــس شركة التأمين الخاصه بالسياره ولا اي مكتب شركة تأمين يخلص المعامله وجم ياخذون مصاريف تحويل السياره؟

السيارة موديل 2000 زين اذا بعتها بـ 1000 دينار وما أحتاج مكينة عد!!

بس السؤال المحرج الفلوس اخذها قبل تحويل بخدمة المواطن ولا بعد التحويل بخدمة المواطن وهل لازم اكتب عقد بيع وما ادري شنو ولا بس .. سلم واستلم والسلام ؟
مو اخاف ثاني يوم المشتري يقول انت بعت لي سكرابه رجع فلوسي!!



 

Burkan

عضو فعال
استفسارات الأخ في محلها
ماكو ثقة هاليومين و عيال الحرام خربوا على عيال الحلال
يعني مثلا لو افترضنا ان المشتري طلع نصاب و رفض الدفع بعد تحويل دفتر السيارة باسمه شنو راح يصير في هالحالة؟
يقدر يقول انه دفع القيمة او يشكك بالقيمة المتفق عليها او يقول ما عندي الحين ادفع
و يمكن البائع يطلع هو النصاب و لو استلم القيمة قبل التحويل يمكن يقول انه ناسي الدفتر او يتعذر بشي علشان ما يحول السيارة
الحذر مطلوب و النصابين كثروا
و الحل حسب رايي كتابة عقد بين الطرفين قبل التحويل
 
أعلى