مساعد الشويب
عضو بلاتيني
السلام عليكم
يا أخوان افضل مستشفي لعلاج مرضي السكري
وين مكانه وبكم التكلفه وين تنصحوني
وشكراً لكم
يا أخوان افضل مستشفي لعلاج مرضي السكري
وين مكانه وبكم التكلفه وين تنصحوني
وشكراً لكم
الحين بطلوا الخلايا الجذعية بمصر والسعودية.
لكن بالنسبة للسكري:
1- أوراق الزيتون من الحواج اخذ خمطة بحجم ايدينك اثنينهم.
2- لتر ونص ماي.
اغسل اوراق الزيتون عدل وبعدين خلهم يطبخون مع الماي، ولما يبدون يغلون ويطبخون حرك الجدر لمدة 3 دقايق. بعدين سكر النار وانطر لما يبرد.
تالي اشخل الماي من الورق، وحط الماي ببطل يفضل قزاز وخله بالثلاجة.
ينوخذ منه مقدار فنجان قهوة فل قبل الريوق، وقبل الغدا، وقبل العشا.
وماتشوف شر
لا اريد أن يصيب السائل بخيبة أمل..ولكن الحقيقة مرة
مرض السكري مرض عالمي..والكويت فيه نسبة كبيرة من المصابين والسبب طبيعة الاكل زائد الكسل وعدم الحركة
لحد يقص عليك ويقول لك فيه علاج..
الموجود هو محاولات لتخفيف نسبته وعدم ارتفاعه أو نقصانه..يعني يخليه بالمعدل الطبيعي ما بين 5 إلى 8
اشتر جهاز فاحص السكري وهو رخيص نسبيا ما بين 10 دنانير إلى 25 دينار بالصيدليات ومو مهم اي نوع
فجميعهم يؤدون نفس العمل..لحد يقص عليك
وأحسن علاج طبيعي هو الصمغ العربي السوداني..لا تاخذ اي صمغ عربي((احسن تقرير عملته قناة الجزيرة عن هالموضوع رغم الحظر الاقتصادي على السودان من قبل الامم المتحدة إلا إن امريكا سمحت للسودان بتصدير هذه المادة المهمة وخاصة لامريكا لانها تدخل بمنتجات المشروبات الغازية كالبيبسي والكوكاكولا كعنصر مهم جدا))
تقرير الجزيرة
http://www.youtube.com/watch?v=XwLEMMQNsgk
وتلقاه عند الحواج..والكيلو حوالي 4 دنانير
ولا يقص عليك الحواج ويعطيك صمغ عربي حتى لو سوداني وفيه وسخ..
لاحظ كرات الصمغ كلها لازم تكون كبر التيلة((التيلة اللي كنا نلعب فيها وإحنا صغار)) ويكون لونها يميل للاصفر الفاتح
مع شفافية باللون..هكذا
وطريقة استعماله..
اشتر أكثر من 5 كيلو
اشتر مرطبان بلاستيك كبير شوي
خذ الصمغ كله وطحنة بالطحانة (خلاطة العصير كمثال)
وراح يصير مثل الرمل..
صعه بالمرطبان
وجذي صار عندك الصمغ جاهز للاستعمال
طريقة تناوله
سخن ماي حار وصبه بكباية ((كباية شاي صعايدة الكبيرة))
وضع فيه ملعقة كبيرة من الصمغ المطحون..وحركة سريعا
واستمر بالتحريك لا تتوقف إلى أن يذوب الصمغ ويختلط بالماء
تبي تخليه لين يبرد شوي..مو مشكلة..ولكن افضل أن تشربه وهو دافي..شربه وحده
كباية الصبح عالريق وكباية ثانية بالليل
يعني مرتين باليوم واستمر لمدة 3 شهور
بعد 3 شهور..
لا تاخذ اي علاج من الطبيب توقف مباشرة
واستمر بشرب الصمغ..وراح تلاحظ إن المعدل لن يرتفع عن 8 ولن ينقص عن 5 وهو المعدل الطبيعي
وبعدها..
أكل كل ما تشتهي
عيش خبز حلويات مجابيس إلخ
عليك بالعافية
وانا أحد المجربين والحمدلله معدلي ثابت والحمدلله منذ سنة ونصف تقريبا ولا آخذ أي علاج ومع هذا كل 6 شهور اسوي فحص شامل بالمستوصف لاتأكد من فعالية كل شيء وخاصه الكبد والعين..والحمدلله على كل حال
غير هالكلام..لحد يقص عليك
اللهم اشفنا واشف جميع المسلمين..اللهم آمين