اهل برشلونه ضروري

اخواني الاعزاء
سؤالي عن برشلونه بلي يخص السياحه
السكن وكيفها بفصل الشتاء
ناوي اروح شهر يناير
مع العلم اخوكم انجلش مييييييح والروحه لوحدي وهيا بالاصح فصلة :)
اهم شي الاكل وكيف التعامل والاقامه اسبوع
بالعربي كم يوفي مصروف يومي واذا احد له معارف هناك ناس محترمين يدوجون فيني ببرشلونه وكل شي بحسابه اتمنى يرسل ارقامهم ؟
ولكم جزيل الشكر واخوكم بالانتظار لان قاعد اجمع معلومات عنها
:وردة:
 

S3d1987

عضو فعال
انصحك لاطول فيها اقعدلكم ثلاث ايام كافي واخذلك قطار لمدريد مدريد خياال ومتعه اكثر من برشلونه قسم السفره بينهم وتقدر تخلي حجزك الروحه لبرشلونه والرده من مدريد


وبنصحك نصيحه نزل برنامج مترو برشلونه لانه بسهههههههههههههههل عليك المترو بشكل كبير كل ماعليك تحدد المحطه اللي بتطلع منها والمحطه اللي تبيها ويحددلك الدرب واي خط تسلك لان المترو عندهم خطوط كثير وكل خط ملون وله رقم محدد بدون البرنامج بتعققد واتمنالك سفره موفقه


وبالنسبه للاكل انصحك بمطعم ارابيا ببرشلونه اكله حلو قريب من ساحة بورتو ديل انخل وعندك كنتاكي اكلللله رهيب باسبانيا فرق عن اللي عندنا بالكويت
 

S3d1987

عضو فعال
في شغله ثانيه الباص السياحي ببرشلونه شركتين الباص الاحمر والباص الازرق انصخك بالباص الاحمر ارقى وافضل الازرق بيغرونك بالخصومات على المطاعم والمزارات ومادري شنو خضوماتهم كلها حجي فاضي يورو او يورو نص خلك عالباص الاحمر احسن بواجد وارقى تحصل الشركتين بساحة كتالونيا اخذلك يومين الباص بيفر فيك برشلونه كلها
 

آصال

عضو بلاتيني
اخذني وياك شدعوه ..


برشلوونه الله ابي ارووووووووووووووووووووح تيننن ولا السوق ياويلي ..

.. شعب منعنش عالاخر
 

المهذب

عضو فعال
كنت في برشلونه صيف العام 2010 يعني بعد مونديال جنوب افريقيا
واذكر اني بغيت اشوف ميسي وشلة ابطال كاس العالم عالطبيعة
وقالولي ميسي مو موجود لانه راح يصيف مع عائلته بالارجنتين بعد عناء البطولات :( شهالحظ..!

شوف برشلونه من افضل المدن الاوروبية حق الشخص اللي يسافر وحده
كل اللي عليك انك بعد ما تنزل مطار برشلونه تتجه الى سرداب المطار حيث ستجد باص رقمه اذا مو غلطان هو a1
وهالباص يتحرك كل عشر دقائق ( وهالكلام صيفا) الى ساحة كتالونيا كوجهه اخيرة هناك تنزل وتسحب جناطك مشي الى
شارع الرامبلاس وبهالشارع تجد جميع انواع الفنادق حسب ميزانيتك ...انا شخصيا سكنت في فندق نظيف جدا وسعره
للشخصين 62 يورو وكان قريب من الكنتاكي ومحطة المترو الموجودين بمنتصف شارع الرملة او الرامبلاس كما ينطقونه
وهو شارع حافل بالعروض الفكاهية التي يعملها بعض الموهوبين ولا اعتقد انك راح تمل لو سكنت اسبوع
وبالنسبة للمطاعم سوف تجد في شارع الرامبلاس ودواعيسه جميع انواع المطاعم التركية والهندية وغيرها
يعني ما في مشكلة عالمطاعم ..ومن المترو الموجود بهذه الساحة تقدر تروح لمباراة برشلونه واسبانيول بتاريخ
6 يناير 2013 او مباراته مع اوساسونا يوم 27 يناير هذا اذا كنت تشجع البرشا.
عموما برشلونه مدينة تكاليفها اقل نسبيا من باريس ولندن وتستاهل الزيارة
هذا كل اللي اعرفه عن هالمدينة ورحلة سعيدة:وردة:
 

Anu

عضو بلاتيني
بالشتا برد الله يعينك

وسالفة الانجليزي بسيطه لانهم اهم بالاساس ميح بالانجليزي
تكلمه انجليزي يرد عليك اسباني تقوله ما اعرف اسباني يكلمك اسباني
الله يعز لغة الاشاره
بس جاملهم بجم قله
Hola مرحبا
Como estas يعني شلونك
Gracias يعني مشكور
والكلمه الي يحبونها الكويتييين cuanto يعني هاو ماج
وانت بالسليم

وتروح و ترجع بالسلامه
 
في شغله ثانيه الباص السياحي ببرشلونه شركتين الباص الاحمر والباص الازرق انصخك بالباص الاحمر ارقى وافضل الازرق بيغرونك بالخصومات على المطاعم والمزارات ومادري شنو خضوماتهم كلها حجي فاضي يورو او يورو نص خلك عالباص الاحمر احسن بواجد وارقى تحصل الشركتين بساحة كتالونيا اخذلك يومين الباص بيفر فيك برشلونه كلها

الله لا يهينك يا خوي عالرد وتم تسجيل المعلومات :وردة:
 
كنت في برشلونه صيف العام 2010 يعني بعد مونديال جنوب افريقيا
واذكر اني بغيت اشوف ميسي وشلة ابطال كاس العالم عالطبيعة
وقالولي ميسي مو موجود لانه راح يصيف مع عائلته بالارجنتين بعد عناء البطولات :( شهالحظ..!

شوف برشلونه من افضل المدن الاوروبية حق الشخص اللي يسافر وحده
كل اللي عليك انك بعد ما تنزل مطار برشلونه تتجه الى سرداب المطار حيث ستجد باص رقمه اذا مو غلطان هو a1
وهالباص يتحرك كل عشر دقائق ( وهالكلام صيفا) الى ساحة كتالونيا كوجهه اخيرة هناك تنزل وتسحب جناطك مشي الى
شارع الرامبلاس وبهالشارع تجد جميع انواع الفنادق حسب ميزانيتك ...انا شخصيا سكنت في فندق نظيف جدا وسعره
للشخصين 62 يورو وكان قريب من الكنتاكي ومحطة المترو الموجودين بمنتصف شارع الرملة او الرامبلاس كما ينطقونه
وهو شارع حافل بالعروض الفكاهية التي يعملها بعض الموهوبين ولا اعتقد انك راح تمل لو سكنت اسبوع
وبالنسبة للمطاعم سوف تجد في شارع الرامبلاس ودواعيسه جميع انواع المطاعم التركية والهندية وغيرها
يعني ما في مشكلة عالمطاعم ..ومن المترو الموجود بهذه الساحة تقدر تروح لمباراة برشلونه واسبانيول بتاريخ
6 يناير 2013 او مباراته مع اوساسونا يوم 27 يناير هذا اذا كنت تشجع البرشا.
عموما برشلونه مدينة تكاليفها اقل نسبيا من باريس ولندن وتستاهل الزيارة
هذا كل اللي اعرفه عن هالمدينة ورحلة سعيدة:وردة:


المهذب اسم على مسمى الله يعطيك العافيه ومعلوماتك سلسه وطريقة الشرح مفصل لا خلا ولا عدم لا هنت اخوي :وردة:
 
بالشتا برد الله يعينك

وسالفة الانجليزي بسيطه لانهم اهم بالاساس ميح بالانجليزي
تكلمه انجليزي يرد عليك اسباني تقوله ما اعرف اسباني يكلمك اسباني
الله يعز لغة الاشاره
بس جاملهم بجم قله
Hola مرحبا
Como estas يعني شلونك
Gracias يعني مشكور
والكلمه الي يحبونها الكويتييين cuanto يعني هاو ماج
وانت بالسليم

وتروح و ترجع بالسلامه

دام جذي السالفه يعني ابتسم انت بعالم الاشارة واهلاأ وسهلأ :D

مشكور عالرد عزيزي :وردة:
 

S3d1987

عضو فعال
الله لا يهينك يا خوي عالرد وتم تسجيل المعلومات :وردة:


حاضرين يالغالي بس اهم شي لاتنسى تنزل برنامج مترو برشلونه اذا جهازك ايفون او جلكسي اغلب الاجهزه موجود بالبرنامج

وبالمترو في تذكره اسمها t-10 بعشره يورو حق عشر رحلات اخذها اوفرلك وطريقة استخدام المترو سهله جدا دور عليها بالنت بتحصل شرح بالعربي واي استفسار ثاني حاضر
 
أعلى