سؤال وجواب تكفون ياشباب ابي حل ( احس اني مسروق بديرتي )

[q8gym]

السلام عليكم

شباب القصه مختصره

اخوي سجل في احد المكاتب في السالميه لأبتعاث الطلبه في الخارج

وسلم المكتب المبلغ كامل كا رسوم تسجيل وغيره والمكتب قاله انطر ندز لك الجدول وتداوم


قعد نطر المكتب فوق السنه ماكو فايده رجعوا فلوسنا مارجعوها والمكتب سكر حالياَ


رحنا المخفر يجماعه نبي حل روحوا للمحكمه

زين نبي قضيه نصب واحتيال الظابط والمحقق يقولون مانكتب لك ( ولو ادري لي الحق فيها )

شي يقهر

رحنا المحكمه القضيه مرفوضه مرفوضه مرفوضه ثلاث مرات في كل الجلسات صاحب المكتب مو راضي يجي المحكمه دايمن يدزون له المندوب بخصوص القضيه عشان يجي المحكمه مايجي

مليت والله في حل ولا الفلوس راحت ؟

 

[denamet]

خذ حقك بيدك واختصر المشوار والله يعوض عليك يا عمي

 

[بدركوم]

خذ حقك بيدك واختصر المشوار والله يعوض عليك يا عمي

قل خير او اصمت

الرجل يبحث عن حل قانوني وليس حل شوارعي

عزيزي صاحب الموضوع استشر قانوني بهـذا الخصوص ومع كل الاثباتات علي صاحب المكتب ولا تترك القضية

بالتوفيق

 

[Burkan]

الله يعين
استشر محامي و انتبه لأن بعض المحامين ما عنده ذمة و لا ضمير

 

[الشكوىى لله]

عندك وصل او اي ورقه تثبت
انك دافع او مسدد لهم مبلغ؟

 

[q8gym]

عندي وصل بدفع المبلغ كامل من المكتب

الوصل الاصلي وكل شي بس مادري ليش مطوله السالفه


ياشباب ترجع الفلوس ولا لا حياه لمن تنادي

 

[بدر11]

الله يعين
استشر محامي و انتبه لأن بعض المحامين ما عنده ذمة و لا ضمير

 

[royal-heart]

الناس راحت ارقابها ودماء عيالها بالمحاكم


دامك تحس بقهر والسالفة سالفة فلوس ونصب

اجل لو انت مكان عبيد الوسمي والا محمد سندان

شنو راح تحس فيه ؟؟؟



.

 

[جيمس بوند الكويت]

عندي وصل بدفع المبلغ كامل من المكتب

الوصل الاصلي وكل شي بس مادري ليش مطوله السالفه


ياشباب ترجع الفلوس ولا لا حياه لمن تنادي

شردون عليك المخفر بالظبط يوم تروح تشتكي ؟؟

 

[طموح]

الله يكون بعونك ويردلك حقك ومن هذاب الباب حبيت انصح باقي الاخوه اي شخص لاتثق فيه لاتسلمه رسوم الجامعه يجيب القبول روح انت ادفع الرسوم للجامعه ولاكن هناك رسوم تسجيل بعض المكاتب او الطلبه اما ان تاخذ رسوم التسجيل للجامعه وبعضهم يكون انسان طماع شجع ويطلب مبالغ اضعاف مضاعفه لعملية التسجيل الان العالم مفتوح والانترنت جعل البعيد بمتناول اليد ادخل اسم الجامعه تأكد من اعتراف التعليم العالي وراسل الجامعه

 

[سيادة الدولة]

يجب أولا عليك التوجه إلى حماية المستهلك ,, وتزودهم بصورة العقد ليقوموا بإستدعاء صاحب المكتب.

وإذا إستنفدت كل الطرق الوديه تتجه للقضاء عن طريق حماية المستهلك الذين سيبلغون الداخليه بعدم تعاون المدعي عليه.


في مصيبه عند الكويتيين مايقرون العقود قبل التوقيع


معلومه قد تكون غائبه عند البعض


التوقيع باللون الأخضر يبطل العقد والتوقيع بالأحمر يبطل العقد ,, التوقيع لايكون الا بالأزرق.

سواء بالعقود أو الكمبيالات أو وصولات الأمانه يجب أن تكون بالأزرق.

 

[ابو مناحي المطيري]

الله يعينك والله غبنة

ما في حل غير تقابل الشخص بنفسك والله يعينك على وقاحتة