سؤال وجواب Audi A8l رأيكم فيها ؟

k7elan

عضو بلاتيني
السلام عليكم

انا حصلت لي اودي A8L 2009 ستة سلندر بسعر ممتاز ومناسب لميزانيتي، سعر ( مغري ) علي قولتهم

المهم ودي اخذ رايكم بالسيارة؟

علي الرغم من انها المانيه و مواصفاتها عاااالية لكن نااادر وجودها بالشارع!!!

اذا احد استعمل الاودي A8 او يعرف احد استعمل يزيدنا معرفة بخبراته
 

Anu

عضو بلاتيني
الأودي للأسف من اكثر السيارات الألمانيه مظلومه بالكويت
محد يعرف قيمة الأودي إلا الألمان
A8L حلوه وسيعه بس من وجهة نظري شريحة السياره هذي عاده يكونون لكبار بالعمر والشريحه هذي بالكويت توجهوا بقوة من سنة 2007 الى لكزس LS و بي ام دبيو الفئه السابعه بالإضافة الى رواد مرسيدس S متمسكين فيها ومن النادر احد يغير الى سياره يديده وايضا تقديم بورش للباناميرا ساهم بشكل ملحوظ
من جذي نشوف الأودي A8L مو ماخذه لها حصه بقدر اسمها على الرغم ان لها رواد بالكويت ولكن عددهم ما ينقاس بقوه مع رواد الشركات الألمانيه الثانيه

على اي حال انا بالنسبة لي شخصيا احب اودي و بالوقت الحالي افضل A7 الجديده واشوف ان تتشابه مع الاودي A8 بالحجم و الاوبشن وغيره وتمتاز ان شكلها اكثر رياضي و شبابي

و إلي يجرب أودي ما يزعل

و الله ولي التوفيق
 

meshal

عضو بلاتيني
ولد اخوي يستخدم أودي معاه للسنه الثالثه جيده السيارة ولا يشتكي منها .

الأودي مثل ما قال أخونا مظلومة لكن الأهم تكون نظيفه وبتريحك . -
على فكره مبيعاتها في زياده وتعدوا المرسيدس (( 1.19 مليون سيارة مقابل 1.14 مليون سيارة مرسيدس )) يعني صعبه السيارة لو ما هي زينه بتنتشر وتتجاوز المرسيدس .
 

denamet

عضو
والله ياخوي الاودي شريحتة فوق ال40 عام اعمارهم
وكل سنة يقلون لان كل سنة يموتون او يبقون على نفس السيارة
سيارة مالها حق بالكويت ولا لها دور لان وكالته ماتحط الاعلانات القوية و تتعب عالاعلانات . عندهم عروض بالوكالة بس ماكو اعلانات فالمستهلك مايعرف انه في عرض .

السيارة استخدامها اليومي البسيط مع المحافظة عليها ممتاز بس هم لاتنسى قطع غيارتها مو بكل مكان مثل المرسيدس .
 

كويتنا3

عضو فعال
السلام عليكم

انا حصلت لي اودي A8L 2009 ستة سلندر بسعر ممتاز ومناسب لميزانيتي، سعر ( مغري ) علي قولتهم

المهم ودي اخذ رايكم بالسيارة؟

علي الرغم من انها المانيه و مواصفاتها عاااالية لكن نااادر وجودها بالشارع!!!

اذا احد استعمل الاودي A8 او يعرف احد استعمل يزيدنا معرفة بخبراته







الأودي سياره فخمه وقويه وجميله وقمه ولكن مالها سوق بالكويت لسبب انه قطع غيارها نار






اذا بتشتريها وكاله روح توكل على الله أأيدك وبقوه سياره صح وفخمه






أما اذا بتاخذ مستعمل مانصحك لانه قطع الغيار غاليه




اذا تقدر على قطع الغيار اخذها واذا ماتقدر




انصحك باللكزس 460 انا مجربه موتر خيال
 

k7elan

عضو بلاتيني
الأودي للأسف من اكثر السيارات الألمانيه مظلومه بالكويت
محد يعرف قيمة الأودي إلا الألمان
A8L حلوه وسيعه بس من وجهة نظري شريحة السياره هذي عاده يكونون لكبار بالعمر والشريحه هذي بالكويت توجهوا بقوة من سنة 2007 الى لكزس LS و بي ام دبيو الفئه السابعه بالإضافة الى رواد مرسيدس S متمسكين فيها ومن النادر احد يغير الى سياره يديده وايضا تقديم بورش للباناميرا ساهم بشكل ملحوظ
من جذي نشوف الأودي A8L مو ماخذه لها حصه بقدر اسمها على الرغم ان لها رواد بالكويت ولكن عددهم ما ينقاس بقوه مع رواد الشركات الألمانيه الثانيه

على اي حال انا بالنسبة لي شخصيا احب اودي و بالوقت الحالي افضل A7 الجديده واشوف ان تتشابه مع الاودي A8 بالحجم و الاوبشن وغيره وتمتاز ان شكلها اكثر رياضي و شبابي

و إلي يجرب أودي ما يزعل

و الله ولي التوفيق

جزاك الله خير ، نورتني بامور خافيه علي بالاودي

انا عمري 27 بالمناسبة، عجبتني بالسيارة فخامتها و قوتها كذلك سعرها المناسب لسيارةالمانية

شي مميز بالاودي مثل ما قلت انها غالبا ما القاها بالسوق ماشية اقل من 80 الف، قليل من " يكدها"

شكرا لك
 

k7elan

عضو بلاتيني
ولد اخوي يستخدم أودي معاه للسنه الثالثه جيده السيارة ولا يشتكي منها .

الأودي مثل ما قال أخونا مظلومة لكن الأهم تكون نظيفه وبتريحك . -
على فكره مبيعاتها في زياده وتعدوا المرسيدس (( 1.19 مليون سيارة مقابل 1.14 مليون سيارة مرسيدس )) يعني صعبه السيارة لو ما هي زينه بتنتشر وتتجاوز المرسيدس .

الناس عندنا يعبدون وكالات معينة بسسسس

الاودي والله مظلومة، تدري اكثر من مرة افكر اركب عنادي واضرب بالعالم بالطوفة

و اشتري الاودي لكن مهما يكون راح ارجع لواقع السوق بالخليج عالعموم

سعر يطيح و بيعه صععععبه

هذي مشكلته الازليه
 

k7elan

عضو بلاتيني
تاكد انها تلائم جونا وقطع الغيار متوفره ولا لا. ولو هي زينه ماحصلته يبيعها بسعر مميز لو انه لاقي شرايه

القطع الغيار موجود بمكانين بس، الوكالة و شارع الكراجات الالمانيه بالشويخ ورى ميزان اسد

لكن الشرايه فأتوقع حسب ما عرفت ما يبي الاودي الا ناس معينين يبونها هي بالذات ( مثلي)

اما الشراي العادي ما يلتفت لها، فبيعتها تطول
 

k7elan

عضو بلاتيني
والله ياخوي الاودي شريحتة فوق ال40 عام اعمارهم
وكل سنة يقلون لان كل سنة يموتون او يبقون على نفس السيارة
سيارة مالها حق بالكويت ولا لها دور لان وكالته ماتحط الاعلانات القوية و تتعب عالاعلانات . عندهم عروض بالوكالة بس ماكو اعلانات فالمستهلك مايعرف انه في عرض .

السيارة استخدامها اليومي البسيط مع المحافظة عليها ممتاز بس هم لاتنسى قطع غيارتها مو بكل مكان مثل المرسيدس .

تنصحني ادور عليها بمقبرة صبحان :) هههه

وكالتها اول بهبهاني و الحين استلمها فؤاد الغانم و سمعت انه طور شوي بالوكاله عن اول

استعمالي عادي ما اسافر كثير
 

k7elan

عضو بلاتيني
الأودي سياره فخمه وقويه وجميله وقمه ولكن مالها سوق بالكويت لسبب انه قطع غيارها نار






اذا بتشتريها وكاله روح توكل على الله أأيدك وبقوه سياره صح وفخمه






أما اذا بتاخذ مستعمل مانصحك لانه قطع الغيار غاليه




اذا تقدر على قطع الغيار اخذها واذا ماتقدر




انصحك باللكزس 460 انا مجربه موتر خيال

و لا الف واحد نصحني باللكزس لكن ما رغبت فيها ( جذي اذواق الناس)

بالنسبة لقطع الغيار اذا هي مستعمله فعادي تجدد كفالتها سنويا ب 350 دينار


اشكر كل من شارك بمعرفته و رايه بالموضوع

يعطيكم العافيه و جزاكم الله خير
 
الاودي والفلكس فاجن مافيها عيوب أبدا ,, بالعكس سياره ممتازه بالقياده ومريحه وفيها تكنلوجيا متقدمه يمكن مافي بأفضل السيارات

العيب بالكويت كان من الوكيل بهبهاني لعب بحسبتها


حاليا اخذها الغانم اتوقع وتعدلت شوي


كسياره ممتازه ,, لكن كسوق بالكويت لأ


احرص انك تباريها وشغلها يكون بالوكاله ,, غير الوكاله انت قاعد تدوس في بطنها

ومبروك مقدما
 

k7elan

عضو بلاتيني
الاودي والفلكس فاجن مافيها عيوب أبدا ,, بالعكس سياره ممتازه بالقياده ومريحه وفيها تكنلوجيا متقدمه يمكن مافي بأفضل السيارات

العيب بالكويت كان من الوكيل بهبهاني لعب بحسبتها


حاليا اخذها الغانم اتوقع وتعدلت شوي


كسياره ممتازه ,, لكن كسوق بالكويت لأ


احرص انك تباريها وشغلها يكون بالوكاله ,, غير الوكاله انت قاعد تدوس في بطنها

ومبروك مقدما

الله يبارك فيك

السيارة هونت عن شريتها

انا ماني شريطي لكن بستعمل سيارة لمدة طويلة ما ودي بسيارة "يخفس" سعرها مثل

الاودي اذا لا سمح الله احتجت فلوس لضرورة

تفكيري تحول لبنات عمها الالمانيات
 
أعلى