سؤال وجواب حــاب اتعلم طبخ المكبوس

الديفي

عضو بلاتيني
السلام عليكم

طباختنا سافرت ولم تعد رغم اننا مو مقصرين معاها

قررت اتعلم طبخ وشريت جــدر جديد

شاهدت فيديوهات باليوتيوب عن اعداد (المجبوس الكويتي) اللي خارج الكويت يسمونها (الكبسه) وكانت صعبه حيل (المقادير كثيره.. خيط الدياية واربط ريوليا) :(

يريت لو طريقة اعداد المجبوس لكن بمقادير غـيــر مـبـالـغ فيها وبعيداً عن التعقيد

انا دوامي بالغالب بعد الـ 2 الظهر والمشكله الصبح المره بالدوام :(

ملينا من اكل المطاعم اريد اطبخ مجبوس وكــشـــري

16065-1.jpg


 

الديفي

عضو بلاتيني
مشكور يابوصالح على هالردود بتعبك معاي :(

الدياي اذا ضغطها بجدر الضغط 15 دقيقة تستوي خلاص؟ يعني لحمها يصير مستوي وناكلها؟ انا اللي اعرفه اللحم لازم ينطبخ بالنار؟ لأني متعود اكل مجبوس كلاسيك. اي يفوحون الديايه وثم يـحـمـشــونــها


بخصوص المجبوس فأنا مـــــا ابي اجـبــس العيش على ماي الدياي لأن وزني زاد من جباس ماي الدياي اللي فيه دسم الدياي..

ابي مجبوس لــو فــات

بخصوص السمج الفيلية الابيض اللي يباع بالثلاجات عرفته؟ هذا كم دقيقه بجدر الضغط وهل يستوي بعدها؟
بالبدايه تغسل الفيلية ونـنـقـعـه بماي مفلتر فيه ليمون وملح؟
prophoto2881.jpg



انا شريت جدر تـيـفـال ضـغـط من كارفور حجم 10 لتر .. وهو كبير يشيل ديايتين مع العيش!

Image0.jpg


Image1.jpg


Image2.jpg


 

الديفي

عضو بلاتيني
بشر يا الديفي تعلمت طبخ المجبوس ..

إي طبخت مجبوس :إستنكار: :باكي:


فحت الدياية وخليتها ربع ساعه على ماي مغلي علشان الزفره ( الــزنــخــه ) تروح ..

بعدها حطيتها بجدر الضغط وحطيت فوقها طمام وبصل وثوم وحمستهم مع شوي لومي وكركم وملح ومكعب ماجي وكلمت الحماس..
وبعدين حطيت ماي حار يغلي بالجدر وترست لي وصل الماي حــد الــديــايــه الفـوقـي

واغلقت جدر الضغط وضغطته 20 دقيقه

والنتيجه جدامكم كارثه ؟

قلت اتحمل وحطيت العيش وسكرت الجدر مره ثانيه وضغطته 15 دقيقه وفتحته والنتيجه كــارثــه مو مجبوس :باكي:


k1.jpg



العيش صار طويل وكأنه معكرونه ومتروس ماي ؟؟ الديايه داخل!

k2.jpg



k3.jpg



انا لازم يكون معاي واحد طباخ اجابله يعلمني الطباخ اما كلام بالمنتديات فماراح اتعلم :(

 
الديفي ابعلمك طبخ العيش ومايبيله كلافه تعلمته من واحد من الربع طباخ ماهر في المخيم
تنقع العيش ربع ساعه وتصفيه من الماي وتصب ماي بجدر وتخليه يغلي مع شوية دارسين وفلفل اسود وملح وتكب العيش فوقه وتخليه لين يستوي نص استواء وعقبها تشخله بمشخال وتقصلك حبة بصله وتحمسها بجدر مع شوية زيت وتكب العيش فوقها وتغطيه عشر دقايق وانجب واضرب بالخمس ..
 

ابوصالح

عضو ذهبي
هههههه

ياحلوك يالديفي

تعجبني والله

الضاهر انا لقيت ناس مثل سوالفي

انا اقعد احيانا بعد صلاة الظهر واسوي طبخات على مزاجي مثلك

بس الهنديات يجهزون كل شيء وانا اقولهم حطو جذي وجذي وتدري توجيهات عليا هههههه

اخوي انتبه للشغلات هذه

جدر الضغط فقط للسرعه ..... وليس للعيش

العيش يبيله جدر عادي علشان يتناشف الماي ويتشرب بالعيش

اما جدر الضغط الماي مايروح منه ابد ههههه

بعدين الدجاج بجدر الضغط لمدة 10 دقايق فقط

-----------

انت اللي سويته خليت الدجاج ينطبخ 15 دقيقه وبعدين صبيت العيش والماي كثير داخل جدر الضغط

بجدر الضغط مايصلح تسوي العيش فيه الا اذا قللت الماي اولا ثم تنفس على البخاري لكي يخرج منه
 

MeshoX

عضو
هاهاهاهاها اول مره اشوف عيش بهذا الشكل اخاف غلطان حاط شعريه ؟
مثل ماقال ابو صالح .. العيش لازم تراقبه لين ينشف مايه .. وعشان ينشف لازم جدر عادي مو ضغط ..
تصدق عاد انا حاولت اسوي مجبوس على وصف الوالده الله يحفظها وضبطته من اول مره .. بس القياسات عطتنياها امي ماحفظت منها شي .. خل جدر الضغط يولي استعمل الجدر العادي .. وبعدين التزم بتوقيت يعني مو كل شي فوق بعض الدجاج على العيش على البهارات على الخضره والطماط تصير شوربه :D
اول شي تحمس البصل بالدهن لين يصير اشقر عقب تضيف عليه ملح وبهارات وتضيف الدجاج ( الي غسلته مسبقا لين مايصفى مايه ) وتحركه دقيقه مع البصل بعدين تضيف كميه من الماء تغطي الدجاج .. ثم تغطي الجدر وتخليه فتره مادري شكثر حول نص ساعه بعدين تطلع الدجاج بروحه وتدهنه بالبزار وتخليه يبرد 10 دقايق وبعدين تدخله الشوايه تحت لين ماتشوفه استوى وصار احمر يعني على عينك .. على هالحجي انت تكون مغسل العيش حول 5 غسلات الى 7 غسلات لين مايطلع كل النمل الي فيه ويقل النشاء .. وتنقعه بماي مده نص ساعه .. لين ماتطلع الدجاج من الجدر مثل ماسبق ذكره بعدين تحط بمكانه العيش الي نقعته بماي ( طبعا تكب الماي المنقوع فيه وتنزل العيش بدون ماي ) .. ثم تترك العيش فتره ابو ربع ساعه الى 20 دقيقه تراقبه كل ما نقص الماي تزيده ماي حار عشان مايصير صجم وماتزيده ماي حيل عشان مايصير ملبوج .. نرجع للدجاج اذا خلص طلعه من الشوايه وطلع عيشك وانجب ..
المرق اتوقع اسهل من العيش واسهل شي بالنسبه لي الدقوس لانه بس طماط مقطع وفلفل ومعجون طماط مايحتاج خضره وتقصيص .. وتعيش وتسلم
 

جواهر*

مشرفة
طاقم الإشراف
الاخوان ابو صالح والديفي ماشاء الله عليكم:)

بجد استفدت من خبرتكم بالطبخ

اخوي الديفي الله يسعدك مع ام العيال احسن شيء التعاون والتفاهم

ويارب تتوفق بطبختك
 

عبدالباري

عضو ذهبي
بصراحه أنا أأيد اخونا الديفي


الى متى ناكل من المطاعم ؟؟؟؟


ليش مانسوي اكلنا بنفسنا


بعض المطاعم قذره بكل معنى الكلمه واللي يسوون الاكل قذرين


وزهيويه وحشرات الله اعلم فيها



اخوي الديفي واصل وعلمنا أول بأول


لآني بتعلم منك واسوي غداي وعشاي بنفسي وبلا مطاعم وصخه بعد اليوم


بارك الله فيك

والله يسعد زوجتك فيك ايها الزوج الصالح

 

الديفي

عضو بلاتيني
مشكورين على الردود وانا اقراها كلها :(

لكن لا ارد لأن حاشني احـبــاط قـوي بـعـد تجربتي الاولى في عمل الكبسة بالمضغوط وتحولت الكبسة الى نكسة وكابوس

الغلطة اني على طول اردت اعمل كبسه على جدر الضغط وانا جديد بعالم المضغوط اللي بالفعل يحتفظ بالماى بشكل كبير ولا يسمح بتبخر الماء بسرعه كما هو حاصل بالجدر العادي


حالياً راح ابدأ خطوه خطوه اطبخ بجدر الضغط عيش ابيض شاول بس اما الدياي فأستعمل دجاج امريكانا الجاهز واقليه بالمقلات اي شغل مشي حالك..

واذا نجحت فسوف اترقى وأستعمل صدور دجاج ساديا وبعدها اسوي حـمـسـت دجـاج مـاسـالا الهنديه اللذيذه

وبعدها افكر بالمكبوس!



احب اوريكم صور أطباق لشخص قريبي من هواة الطبخ بجدر المضغوط يتفنن بجبسة اللحم والدياي

شرايكم بطبخه؟ :)

f1.jpg



f2.jpg



 

ابوصالح

عضو ذهبي
اوه اوه اوه ههههههه

يامشاء الله على هالنثري الحلو هههههه

لا لا لا لا في تحسن واضح ههههههه .... انت الضاهر ناوي على ان تفتح مطعم يالديفي

يامعود جان دزيت شويه لنا هههههه

عوافي عوافي يالديفي

والله تراني حشيت فيك هههههه وصورة فيديو وجبت طاريك فيه بس شوف اللقطات اللي تكلمت عنك فيه

انت ركز على بعد مرور دقيقة ونصف من الفيديو وشوف اشلون الطبخ العدل



http://www.youtube.com/watch?v=zmOR_wE0fKQ
:D
 

أبوطلال

"رئيس المشرفين"
طاقم الإدارة
طاقم الإشراف
اوه اوه اوه ههههههه

يامشاء الله على هالنثري الحلو هههههه

لا لا لا لا في تحسن واضح ههههههه .... انت الضاهر ناوي على ان تفتح مطعم يالديفي

يامعود جان دزيت شويه لنا هههههه

عوافي عوافي يالديفي

والله تراني حشيت فيك هههههه وصورة فيديو وجبت طاريك فيه بس شوف اللقطات اللي تكلمت عنك فيه

انت ركز على بعد مرور دقيقة ونصف من الفيديو وشوف اشلون الطبخ العدل


http://www.youtube.com/watch?v=zmOR_wE0fKQ
:D

ههههههههههههه والله يابو صالح مت ضحك على هالفيديو
شهالفوضوى اللى عندك والاغراض المتكودة فوق بعض
:D والوايريات على ماتقول امك الله يرحمها ..
جنها غرفة عزابية بخيطان :p..
بس احلى شى مرقة الهامور باللومى خوش شئ :إستحسان:
يااخى اعزمنا يوم عندك على مرقة هامور من طباخك .:confused:
بعدين يايبه التاريخ 20/5 / 2013:eek:ماوصلنا يابو صالح والادخت من مرقة الهامور ؟؟
اما اخر كلمة فى اخر ثانية وانت تسب القطوة هههههههههه:eek:

تحياتى بو صويلح :وردة:

لعلمك الديفى مجبوس الدياى فى الصورة هذا طباخ صاحبه مو طباخه
للحين الريال ماتعلم شئ .:confused:
 
ههههههههههههههههههه
لا لا لا يابو صالح انت حدك صعب
حلوووووة التعليقات بالمقطع
وعلي قولت اخوانا العزيز ابو طلال اعزمنا ياخي انا اقص البصل والطماط واحمس الحشو وابو طلال ايغسل المواعين بعد الطبخة ههههههه

بالعافية يابو صالح
ويالديفي تكفي ليكون انت للحين ماعرفت تطبخ لا لا لا تري ازعل عليك ههه
 

AlBadel

عضو مخضرم

ابوصالح

عضو ذهبي
ههههههه

ياهلا بالشباب

تستاهلون كل خير والله

سامحوني على التاخير تراني توني واصل من الخبر اللحين هههههه

قاعد اشوف تعليقاتكم واضحك

بس تستاهلون هالتصوير والله ويعلم الله قاعد اتذكركم وصورة هالصور ههههههه





وهذا الفيديو تراه مكرر شويه بس

http://www.youtube.com/watch?v=6U-kabVE3xM&feature=youtu.be
 

أبوطلال

"رئيس المشرفين"
طاقم الإدارة
طاقم الإشراف
ههههههههههههههههههه
لا لا لا يابو صالح انت حدك صعب
حلوووووة التعليقات بالمقطع
وعلي قولت اخوانا العزيز ابو طلال اعزمنا ياخي انا اقص البصل والطماط واحمس الحشو
وابو طلال ايغسل المواعين بعد الطبخة ههههههه

بالعافية يابو صالح

بو عزوز يالحبيب هههههههههه يامعود انا مستعد اغسل الحوش مو بس المواعين
على الطباخ الطيب ..بس شكله الريال حده مايندى ..ماعزمنا :باكي:

الحين 4 انا وياك والبديل وسايروس نطالبه بطبخه من هالطباخ الطيب ..
بوصالح صار زلمة شوهاظ ؟!!!:eek:ذكرنا بالزلمات الفلسطن قبل عند سينما غرناطة اللى يقصون علينا ويبيعون لنا التذكرة سوق سوداء ام 100 فلس ب 200 فلس ؟!!!

يبه انا شكلى بعزمكم عندى بالمخيم بس وقت يكون هواء علشان تشوفون طيورى الطيبة
اشعل بو ثلاث شلون يلوت ويعكس ويطق روس :p
والنوبى والقندى والمقنزع والحرق !!طيور كلها طيبة و لوت
مو طيور بو صالح كلها دشاشي وتلش :cool: بس لا تفتنون على تقولون مطيرجي
علشان قريب بطلع تقاعد وافتتح مكتب محاماة ان دروا يمنعونى من الترافع بالمحاكم :باكي:


:D;) الحين الشباب يصدقون انى مطيرجى وراعى حمام ..غشمرة يبه ..:)

ناطرين المجبوس ؟؟؟:confused:
 
أعلى