سؤال وجواب والله العظيم سؤال محيرني عن التجار

[كويتنا3]

شباب في شغله انا متعقد منها ومو فاهمها



ألحين التجار الي عندهم ملايين شلون صاروا تجار؟ مو معقوله كلهم وارثين؟




أنا مستغرب شلون صاروا تجار






يعني لو انه امورهم قانونيه وماشين فيها جان كل العالم سوت مثلهم وصاروا تجار






ودي اعرف شنو الدبايه الي ماسكينها توصلهم للملايين






ودنا نعرف احد يفهمنا شي






يعني انا مستغرب شلون تصير عنده ملايين ودنا نفهم

 

[Anu]

طبعا جميع العصاميين الي صار عندهم ملايين من غير ورث شقرديه و عندهم هدف و حققوه بالخطه
كل شي يصير بالتخطيط الواحد يحدد له هدف ويبين الطرق الي توصله للهدف هذا ويسعى الى تحقيقه

والي ساعد الكثير من المليونيريه بالسابق كان في ثغره بعقود القروض بين المواطنين و البنوك والي حصل
ان الكثير من المواطنين لعبوا و بهدلوا البنوك ومنهم ناس اعرفهم , ياخذون قرض بالملايين على سبيل المثال ياخذ قرض ب 30 مليون لمده محدوده ويشتري فيهم عقارات و يمتنع عن التسديد للبنك الى ما البنك يرفع قضية وكان في ثغره تخليهم يمطمطون القضية و يستهلكون فيها الوقت اكثر من سنه او سنتين الى ما يصدر الحكم و بعد ما يصدر الحكم تكون العقارات اسعارها ارتفعت ويبيعون بعض العقارات ويسددون للبنك فلوسه

يعني لو العقار تكلفته 30 مليون ونقول بذلك الفتره العقار قيمته ترتفع بالسنه 12%
ال30 مليون بالبيت النازل ب 3 سنوات على سبيل المثال قيمتها 42 مليون وكسور هذا غير اذا كان ايرادات شهريه
يعني بالبيت النازل دخل 12 مليون بفتره قصيه يرد للبنك فلوسه ال 30 مليون ومن صافي ال 12 مليون له يسدد فوايد القرض و كل واحد يصلح سيارته و كان الله غفور رحيم

واحسب لو قيمة الارض بالسنه تزيد من 15% الى 20% و ب5 سنوات يتدوبل سعرها
وخل الحاسبه بتحسب
طبعا اعتقد بالتسعينات البنك المركزي عمر تغييرات كبيره و سد الثغرات الي كانت بقانون القروض وصارت البنوك اقوى بعد ما خذوا درس من المواطنين الي ملينوا على افا البنوك

وايضا هناك مجموعه من العصاميين الي توفقوا في اختيار الاسهم و تمسكوا في اسهمهم ومنهم الي تمسك بسهم زين من يوم كان سعره مناسب وقبل ما يطق الدينار و الخمسه
ومجموعه اخرى من العصاميين الي تعلموا لهم صنعه وجابلوها وكافحوا و وسعوا من اعمالهم

المليون سهل الواحد يوصله بس يحتاج خطه واضحه و يحتاج يشتغل مو يقعد بالبيت ويحط ريل على ريل ويرفع ايده ويقول ابي مليون والمليون ينزله من السما
افهم احتياجات الناس و اشتغل عليها و الله الرازق

 

[سيادة الدولة]

بالكويت أغلبهم من الوكالات يعني لاعوائل نبيله ولا سعاد


كلهم طرق ..... والوكالات درت عليهم فلوس


احد التجار لأنه تاجر حبوه صارت جنسيته من ثانيه إلى أولى ,, وأحد التجار المشبوهين صارت جنسيته أولى.



عادي اخوي أنت بالكويت

 

[ميثاق]

الحياة..فرص

 

[كويتنا3]

طبعا جميع العصاميين الي صار عندهم ملايين من غير ورث شقرديه و عندهم هدف و حققوه بالخطه
كل شي يصير بالتخطيط الواحد يحدد له هدف ويبين الطرق الي توصله للهدف هذا ويسعى الى تحقيقه

والي ساعد الكثير من المليونيريه بالسابق كان في ثغره بعقود القروض بين المواطنين و البنوك والي حصل
ان الكثير من المواطنين لعبوا و بهدلوا البنوك ومنهم ناس اعرفهم , ياخذون قرض بالملايين على سبيل المثال ياخذ قرض ب 30 مليون لمده محدوده ويشتري فيهم عقارات و يمتنع عن التسديد للبنك الى ما البنك يرفع قضية وكان في ثغره تخليهم يمطمطون القضية و يستهلكون فيها الوقت اكثر من سنه او سنتين الى ما يصدر الحكم و بعد ما يصدر الحكم تكون العقارات اسعارها ارتفعت ويبيعون بعض العقارات ويسددون للبنك فلوسه

يعني لو العقار تكلفته 30 مليون ونقول بذلك الفتره العقار قيمته ترتفع بالسنه 12%
ال30 مليون بالبيت النازل ب 3 سنوات على سبيل المثال قيمتها 42 مليون وكسور هذا غير اذا كان ايرادات شهريه
يعني بالبيت النازل دخل 12 مليون بفتره قصيه يرد للبنك فلوسه ال 30 مليون ومن صافي ال 12 مليون له يسدد فوايد القرض و كل واحد يصلح سيارته و كان الله غفور رحيم

واحسب لو قيمة الارض بالسنه تزيد من 15% الى 20% و ب5 سنوات يتدوبل سعرها
وخل الحاسبه بتحسب
طبعا اعتقد بالتسعينات البنك المركزي عمر تغييرات كبيره و سد الثغرات الي كانت بقانون القروض وصارت البنوك اقوى بعد ما خذوا درس من المواطنين الي ملينوا على افا البنوك

وايضا هناك مجموعه من العصاميين الي توفقوا في اختيار الاسهم و تمسكوا في اسهمهم ومنهم الي تمسك بسهم زين من يوم كان سعره مناسب وقبل ما يطق الدينار و الخمسه
ومجموعه اخرى من العصاميين الي تعلموا لهم صنعه وجابلوها وكافحوا و وسعوا من اعمالهم

المليون سهل الواحد يوصله بس يحتاج خطه واضحه و يحتاج يشتغل مو يقعد بالبيت ويحط ريل على ريل ويرفع ايده ويقول ابي مليون والمليون ينزله من السما
افهم احتياجات الناس و اشتغل عليها و الله الرازق

حبيبي الغالي انا ماقلت ابي مليون وانا قاعد وماهو شي جديد انه الفلوس تبيلها حركه هذا شي معروف اصلا حتى الطفل لما يكون خاطره بلعبه لازم يروح محل العاب ويشتريها هذا شي انا اعرفه






ولكن السؤال هل انت تعرف جهه تدعمني أنا عندي مشروع ومضمون/ وين الي يعطوني قرض ملايين فيدني جزاك الله خير

 

[Anu]

حبيبي الغالي انا ماقلت ابي مليون وانا قاعد وماهو شي جديد انه الفلوس تبيلها حركه هذا شي معروف اصلا حتى الطفل لما يكون خاطره بلعبه لازم يروح محل العاب ويشتريها هذا شي انا اعرفه






ولكن السؤال هل انت تعرف جهه تدعمني أنا عندي مشروع ومضمون/ وين الي يعطوني قرض ملايين فيدني جزاك الله خير

قرض ملايين ما اعتقد
البنك الصناعي او شركة المشروعات الصغيره الي موجوده بشارع فهد السالم
ممكن يمولونك و يدعمونك الى نص مليون دينار كويتي
ويساعدونك في دراسة الجدوى و شراء الاصول ويقومونلك مشروعك و حتى يدعمونك دعم اضافي بقرض حسن

اما مشروع تفوق قيمته عن النص مليون دينار تدور لك مستثمر عنده كاش يبي يستثمر فيهم
الي عليهم تقدم مشروعك و كامل تفاصيله و تقدم برزنتيشن للمستثمر و تعرضله مشروعك و تبين فيه الجدوى من المشروع و خطة العمل و الاهداف الي راح تحققها و العوائد المتعوقه و تحديد المخاطره
و اذا اقتنع بالمشروع تدخله معاك شريك و كل واحد بحصته او على حسب الاتفاق الي يصير بينكم

المسأله مو مستحيله بس يبيلها شغل

في مستثمرين وايد عندهم استعداد يدخلون بس تكون العوائد المتوقعه مو اقل من 10% و يكون في خطة عمل واضحة

بالتوفيق :إستحسان:

 

[سيادة الدولة]

حبيبي الغالي انا ماقلت ابي مليون وانا قاعد وماهو شي جديد انه الفلوس تبيلها حركه هذا شي معروف اصلا حتى الطفل لما يكون خاطره بلعبه لازم يروح محل العاب ويشتريها هذا شي انا اعرفه






ولكن السؤال هل انت تعرف جهه تدعمني أنا عندي مشروع ومضمون/ وين الي يعطوني قرض ملايين فيدني جزاك الله خير

استثمر بره يالغالي


هنا بالكويت محتكره ,,,


روح السعوديه خير وفير وسوق مفتوح غير عن الكويتلو تبيع قلاصات ماي يصرخ تاجر العقار او تاجر السيارات لأنهم حسودين

 

[Anu]

استثمر بره يالغالي


هنا بالكويت محتكره ,,,


روح السعوديه خير وفير وسوق مفتوح غير عن الكويتلو تبيع قلاصات ماي يصرخ تاجر العقار او تاجر السيارات لأنهم حسودين

ليش تنحش الريال من ديرته ؟
يستثمر فلوسه في الكويت افضل له من ان يستثمرها في المملكة
السعوديه ما راح تدعمه مثل الكويت
وثاني شي الناس تقوي اقتصاد بلدها واذا سوه بزنز راح يساهم في تقوية الاقتصاد و تدوير الاموال
ككويتي مقومات الاستثمار في الكويت افضل له من الاستثمار في السعوديه

اضافة الى ذلك اتمنى ما تتهم تجار الكويت بالحسد :إستنكار:

 

[اليعربي]

ههههههههههههه

التجار عندنا تجار وكالات من غيرها مايساوي فلس وعلى قوله المثل ما تسرحه بالغنم

لاحظ معاي يوم صدقوا نفسهم انهم تجار وحاولوا يستثمرون برا انطقوا صح وجووك مهرولين مستغيثين بالحكومه
وانقذتهم الحكومه بقانون الاستقرار الاقتصادي والذي يعتبر صمام امان لهم في الماضي والحاضر والمستقبل

يعني سوي الي تبي اذا خسرت يتم تعويضك من المال العام
طبعا هذا القانون لفئه تجار الوكالات فقط وليس لي ولك

 

[Anu]

يا كثر الحساد و بياعين الحجي

 

[اليعربي]

يا كثر الحساد و بياعين الحجي

منو الحاسد
احنا ولا اهم

مو مشكله حسب الدستور متساويين بالحقوق والواجبات

ابي قانون الاستقرار الاقتصادي يشملني ... فيها شي ؟؟؟؟ حالي حالهم

شكو يتم تعويضهم من المال العام ؟؟؟؟ ناس خسرت وخسارتهم براا الكويت شكو الدوله تعوضهم

ولا حلال عليهم حرام علينا

 

[ابوصالح]

اليعربي
شلونك

اخوي الارزاق بيد الله وحده وليست من اي شيء ثاني

يعني تعال احنا الكويتيين مثلا والله الحمد

يعني لو الله سبحانه وتعالى ماهيئ هذا البترول اللي يدر علينا المليارات . كان شنو نشتغل ونسوي

كذلك التجار واصحاب الملاين الله رزقهم برزقه بالاراضي والعمارات والشركات واللي يزكي من امواله ويتصدق يبارك الله له ويزيده

ارزاق ياطويل العمر فلا تعترض عليها وقول اللهم ارزقني رزقا حلال

وتذكر ان هذه الاموال انت مسؤول عنها يوم القيامه