قصيده من العوازم الى وزير الداخليه

[أحمداني]

قم يا وزير اسمع وخل التفاهات ---- قواتكم نارت وحنا سلاطين​

من فك عمره بينهم صد بسكات ----وعصيهم توزعت للوراعين​

صف العوازم مايفرقه قوات ------ حيث العوازم نسل ناس(ن) عزيزين​

لو كان لك ميدان من بين الاصوات --- حنا لنا بالفعل كل الميادين​

الحق حق ويقضب الحق صملات ---- وفزعاتنا حق(ن) علينا من سنين​

.​

 

[kwt.store]

صح لسانك ..

والله يستر

 

[أحمداني]

الجهراوي..

ترا مو انا الى قايلها لا توديني بداهيا

وما أنتمى لـ قبيله العوازم العريقه

تحياتى

 

[@Noura@]

شصاير يعني ؟؟

ليه اخوانا العوازم ما يتقبلون من أولو الأمر منهم ؟؟؟

ليه وصّلوها لهذه المرحلة ؟؟

أخي أحمداني

يعلم الله

العوازم والنعم فيهم من خيرة الناس ....كرم وطيبة وراعين فزعات ..

بس هوّلوا الأمور بالانتخابات بشكل مو طبيعي ...

 

[المقاطى]

والنعم بعيال عطا

 

[وادي المسك]

والنعم بالعوازم وبأهل الكويت كلهم ...


لكن ماقدر اقول للي كتب القصيده صح لسانك ...بل اقوله طاح حظك ...


الي حدث ماهو عوازم ... الي حدث مواطنين الصباحيه ... قصت عليكم جرايد الفلس الي تطبق سياسه واحده بالتوازي مع الداخليه ...


تغيير مصطلح بس لعب فيكم وفر القضيه فوق حدر ... يعني بدال ماتقول مواطنين ...قالت عوازم .!!!!

لو قالت مواطنين فعليها وعلي كل كويتي الدفاع عنهم وعن حقوقهم .... لكنها قالت عوازم عشان تخليها قضيه خاصه ....


وبعدين هالامور عفا عليها الدهر وراحت خلاص الي ماأخذ حقه منها راحت عليه ونتهت ...

نحن الان لاعوازم ولا عجمان لاحضر ولا بدو لاسنه ولا شيعه نحن الان كويتيين ...

 

[بو حمد]

قم يا وزير اسمع وخل التفاهات ---- قواتكم نارت وحنا سلاطين​

من فك عمره بينهم صد بسكات ----وعصيهم توزعت للوراعين​

صف العوازم مايفرقه قوات ------ حيث العوازم نسل ناس(ن) عزيزين​

لو كان لك ميدان من بين الاصوات --- حنا لنا بالفعل كل الميادين​

الحق حق ويقضب الحق صملات ---- وفزعاتنا حق(ن) علينا من سنين​

.​

اللي بصير الحين طال عمرك .. بتم التبليغ عنك في اقرب مخفر شرطه ​

بجونك 7 على جمس اسود ملغوووووووووم... وعينك ماتشوف الا النور!! واللي يحب النبي يضرب!​

 

[أحمداني]

اللي بصير الحين طال عمرك .. بتم التبليغ عنك في اقرب مخفر شرطه ​

بجونك 7 على جمس اسود ملغوووووووووم... وعينك ماتشوف الا النور!! واللي يحب النبي يضرب!​

لا تحاتى حاسبين حسابنا

مو صاحى أكتب هالقصيده وأنا داخل الكويت

 

[ansab-online]

والنعم بالعوازم وبأهل الكويت كلهم ...


لكن ماقدر اقول للي كتب القصيده صح لسانك ...بل اقوله طاح حظك ...

صح لسانك يا وادي المسك .... :وردة:

 

[غربة وطن]

والنعم بالعوازم والنعم بكل القبايل وعيال الكويت

بس يا جماعه والله مو صح اللي قاعد يصير ووزير الداخليه مو شخص عادي عشان تنكتب القصيده له بهالطريقه .. ما تشرع القانون إلا لمصلحة الكويت

فكر إنك كويتي وخل القبلية والطائفية والعنصرية عنكم لا تضحكون الخلق علينا