سؤال وجواب الوافدين يلحون بطلب المال مني؟

الديفي

عضو بلاتيني
السلام عليكم

لدي مشكله محرجه وهي ان اصدقائي الوافدين بالعمل ينظرون لي وكأني بنك

الفرّاش كنت اعطيه مبلغ من المال يعني 20 دينار كل كم شهر الان يلح ويطلب مني 1000 دينار! يقول زوجته بسريلانكا لازم نسوي لها عمليه بالقلب وهذا تقريرها اقراه

الباكستاني توه مسكر الخط مني الحين يبي 50 دينار باجر قلت له حاظر :confused:

المصري يلمح لي ويقول ان بحاله ماليه صعبه بسبب الغلاء

شنو اسوي مع اللي يطلبون السلفه مني رغم اني موظف متواضع راتبي بالكـاد يكفيني توهقت :باكي:

احد الاشخاص قال لي ان انــا هو السبب لأني عودتهم وكنت اعطيهم اللي اقدر عليه من اموال ... الحين اكلها :(
 
وعليكم السلام
يا اخوي مو ملزوم تعطيهم قول ما اقدر وكان الله غفور رحيم
طال عمرك والله انت تعطيهم لطيبت قلبك ولكن هم وانا ماابي ادخل بذمتهم ياخذونها عن طمع فيك
وانت كيفك بس انصحك لا تعطيهم واذا تبي تصدق فيهم ابرك واجر لك
 

جواهر*

مشرفة
طاقم الإشراف
وعليكم السلام

اخوي عسى الله يوسع عليك ويزيدك من فضله

ببساطة الموضوع هو قدرتك على قول لا وماقدر لاي شخص بيتسلف منك وانت فعلا ماتملك او ميزانيتك محدودة

سواء للوافدين او غيرهم ان كان بمقدورك تفريج كربة او توسع على ضايق جزاك الله خير
وان كنت ماتقدر لاتجامل على حساب بيتك واهلك وتقصر بحقهم

وتحياتي
 

AlBadel

عضو مخضرم
أأأأأخ منك يالديفي ;)
من ورااااااي تفسفس بيزاتك حق زيد وعبيد
قول ماعندكم أنتو سلف طايف علي أجار
:وردة:
ــــــــــــــــــــــــــــــــــــــ




تستطيع أن تري العالم وتتجول من خلال هالرااااابط
http://www.nationalkuwait.com/vb/showthread.php?t=249558
وهنا تستطيع أن تكتب عندما تحتاج إلي الكتابة المطلقة
http://www.nationalkuwait.com/vb/showthread.php?t=249335
 

OK

مشرف
طاقم الإشراف
اول شي جزاك الله خير على اللي تسويه ولعل اللي تسويه اساسا يفكك من مشاكل انت ما تدري عنها لان فوايد الصدقه كثيره وفوايد تفريج الكربه كثيره عند رب العالمين

بس اذا انت ما تقدر على هالشي حاول تخفف مو تقطع ولعل دينار تعطيه لفقير او وافد وانت بنيتك الخير يفكك ان شاء الله من مشاكل في الدنيا والاخرة
 

الديفي

عضو بلاتيني
طيب منو عنده 1000 دينار صدقه يعطيها للفراش؟! ;)

الحين هو مجابلني ويخزني حيل الفراش بغضب ابو 1000 دينار يعني يقول ليش كسرت فيني

لأن هذي الـ 1000دينار تعادل راتب شهر بالنسبه لموظف يالحكومه وعندي اجار شقه 450 دينار والتزامات الاطفال والسكن

بس ابشركم قبل شوي مريت البنك سحبت 50 دينار للباكستاني بسلمهم له بعد شوي يعني لا تخافون مستمر بالـحـَـلـب اقصد بالصدقات

صورة من شقتي:

Image2.jpg



 

خولة

عضو مخضرم
طيب منو عنده 1000 دينار صدقه يعطيها للفراش؟! ;)


الحين هو مجابلني ويخزني حيل الفراش بغضب ابو 1000 دينار يعني يقول ليش كسرت فيني

لأن هذي الـ 1000دينار تعادل راتب شهر بالنسبه لموظف يالحكومه وعندي اجار شقه 450 دينار والتزامات الاطفال والسكن

بس ابشركم قبل شوي مريت البنك سحبت 50 دينار للباكستاني بسلمهم له بعد شوي يعني لا تخافون مستمر بالـحـَـلـب اقصد بالصدقات

صورة من شقتي:

Image2.jpg

عطه الي تقدر عليه واعتذر منه وقل له يعرض التقرير على باقي الزملاء .. ويرزقه الله .
 

ابوصالح

عضو ذهبي
ياجماعة الخير لازم تفرقون بين طيبة القلب وصفاء النيه وبين السذاجه والغباء اول شيء

لازم تفرقون بين الصدقة والمساعدة او غيرها من دفع الخير وبين الشخص الذي امامك وبين النصاب المحتال

لعل بعض الناس يقول : يابوصالح انت لاتستطيع الحكم على نية الناس اقول له نعم لانعلم مافي صدور الناس ولكن الحذر مطلوب

مثال على ذلك

التجارب خير مثال

اولا الصدقات من الافضل دفعها الى اللجان الخيريه وخاصة بالذات لجان جمعية احياء التراث لانه ثبت لي بما لاشك فيه انهم ناس فيهم الخير ويتحرون الخير دائما

ثانيا اذا شخص يريد 1000 دينار مثلا فهذا يطلب المستحيل . اما اذا تغير طبعه وصار يغضب علي فهذا نصاب درجة اولى واعتقد ان لديه اشياء يضعها بالشاي لكي يؤثر عليك ويختبرك اذا مفعول سحره قوي او لم تتاثر فيه

من الممكن ان تتقدم له بعشرة دنانير مثلا ولعل الله ان يفرجها عليه

المشكله ان بعض الوافدين يضنون ان الكويتيين اثرياء ونحن اغلبنا مغلوب على راتبه الاقساط والايجارات وعسى الله يفرجها علينا وعليكم

اخوي الديفي

الكلمة الحلوة والاحسان بالرد مطلوب ويجب ان تكون صادقا وعسى الله ان يفرجها علينا وعليهم
 

ليله ويوم

عضو بلاتيني
ألف دينار ؟؟


روح دله على اللجان الخيريه


انت مو لجنه خيريه


الصدقه هي المبلغ اللي تقدر عليه

انت مواطن حافي ومعاشك نصه يروح للايجار

والاخ معصب علا شنو ؟؟؟


مايدري انك متشرد 20 سنه من شقه الى شقه والاجار مرتفع

حتى سقف غرفتك متقشر

وحكومتك تعطي المليارات حق الدول العربيه يمين ويسار
 

بدركوم

عضو مميز
ظاهر شخصيتك ضعيفه مع العلم انت مو قاعد تدفع صدقة لانها غصب عنك وبدون خاطر فلا توهم نفسك بانها صدقة

الحل تمسك واحد فيهم وتعطيه كلام امام الجميع منها تفتك منه ومنهم
 

أم فواز

فـزّاعة
في مثل يقول : الطيب مع الطيب تجارة والطيب مع الردي خسارة

وحرام طيبتك هذي تفسفسها مع ناس مستغلينك

هي كلمه ورد غطاها .. تقول ( اسمحولي ما اقدر أعطيكم )

وعندي اقتراح ثاني وهني عاد يبين اللي يبيك عشان انت طيب معاه وإلا عشان مصلحته

قول لهم نبتدئ نسوي جمعيه يعني اذا أنتوا خمس أشخاص مثلا

تتفقون على مبلغ معين يندفع كل شهر وكل واحد يدفع هالمبلغ

وبالدور كل واحد يأخذ فلوس الجمعية .. و بجذي تبعدهم عنك وتفتك من طلباتهم
 

Burkan

عضو فعال

قول لهم نبتدئ نسوي جمعيه يعني اذا أنتوا خمس أشخاص مثلا

تتفقون على مبلغ معين يندفع كل شهر وكل واحد يدفع هالمبلغ

وبالدور كل واحد يأخذ فلوس الجمعية .. و بجذي تبعدهم عنك وتفتك من طلباتهم
و ياخذون فلوس الجمعية في الشهور الأولى ثم يتوقفون عن التسديد
خوش حل :cool:
 

Burkan

عضو فعال
صورة من شقتي:

Image2.jpg



المعذرة على هالكلام
بس هذي ثاني مرة اشوف صور سقف شقتك و تشتكي من تقشر السقف, اخوي عندك الجرايد الإعلانية متروسة صباغين و اعتقد تكلفة صبغ شقتك كلها اقل من التبرعات اللي قاعد تدفعها
اكثر من مرة نسكن شقق و نغير فيها اشياء كثيرة اقلها الصبغ
 

الديفي

عضو بلاتيني
مشكورين على الردود

امـا سالفة الفراش ابو 1000 دينار فأنا اقترحت ان الكل يدفع جزء يعني الموظفين الكويتيين على 200 دينار لكل واحد وانا منهم والمصريين كل واحد على 50 وجذي نقدر نجمع الالف دينار

النتيجه ان الكــل رفــض التبرع! المصاروه قبل الكويتيين!

ابشركم توني معطي الباكستاني 50 دينار قبض وراح .. اللي بـعـدو :)
 

بدركوم

عضو مميز
المعذرة على هالكلام
بس هذي ثاني مرة اشوف صور سقف شقتك و تشتكي من تقشر السقف, اخوي عندك الجرايد الإعلانية متروسة صباغين و اعتقد تكلفة صبغ شقتك كلها اقل من التبرعات اللي قاعد تدفعها
اكثر من مرة نسكن شقق و نغير فيها اشياء كثيرة اقلها الصبغ

هل تعرف ماهو اسم الديفي السابق قبل تغييره ؟؟ " الجمبازي " عاد انت افهمها :;)
 
هذي مو مصدقه هذي طراره ومبلغ تعطيه احد غصبن عليك لانك مستحي ترده ما ينقاله صدقه

مو كافي خذو وضايفنا وصرفو كهربتنا وصكرو شوارعنا ؟؟ مو كافي ؟؟ هم مناشبين الكويتي على معاشه !!

اذا انت مستحي منهم عطني عنوان شغلك وانا اعلمك بهالاشكال
 
أعلى