سؤال وجواب معهد يساعدني ع الترقية

يارب أرزقني

عضو جديد
السلام عليكم ورحمة الله وبركاته

انا موظف في وزارة الكهرباء ومعاي ثانوية وعلى الدرجة السابعة

شنو المعهد اللي اقدر اكمل فيه ويعطوني الوزارة درجة

انا موظف من 1/2011

ومعاشي مو مكفيني

لو درست في المعهد الاثري وقدمته للوزارة يعطوني درجة
 

قبس

عضو مميز
معاهد ام سنة ماتسويلك شي

عندك حليين رئيسيين

الاول:
تاخذ تفرغ دراسي من دوامك (اجازة دراسية) وتسجل بالتطبيقي (كلية او معهد) سنتين ونص وتتخرج دبلوم وترد دوامك على الخامسة او الخامسة وثلاث علاوات على حسب تخصصك او تسجل بجامعة اربع سنين وتتخرج عالدرجة الرابعة.

الثاني:
تسجل بالجامعة العربية او بمعاهد التطبيقي فترة بعد الظهر وراح يطلبون منك للتسجيل تجيب ورقة من دومك اسمها (اذن دراسي) بحيث ان هذي الورقة تذكر ان العمل موافق على دراستك بشرط ان فترة الدراسة ما تتعارض مع فترة العمل (بمعنى ان العمل صباحاً و الدراسة بعد الظهر).

وموفق خير
 

الميموني7

عضو فعال
المعاهد ما تتفعك ومو معترف فيها عند الوزارات

مالك حل إلا تدرس بالتطبيقي أو بأي جامعة بالكويت أو خارجها على أن تكون معترف بها عند وزارة التعليم العالي

بالتوفيق
 

i-tech

عضو فعال
دورات 9 شهور تنفع لك وممكن تبدي فيها من اللحين.

أخذ دورة تمديدات كهربائية أو ما يوازيها لمدة 9 أشهر ، بعدين روح للتطبيقي علشان يسوون اختبار لك في الدورة وان شاء الله سهل الامتحان بعدين لما تنجح تاخذها وتوديها الديوان.

مسماك راح يصير فني ثالث ، ويزيد معاشك بحدود 200 دينار أو أكثر لو كنت بالمحطات.

أو ممكن تدرس دورات خاصة بالتطبيقي العصر لمدة سنتين وتصير فني ثاني وتكون زيادتك بحدود 320 دينار.

أو انك تاخذ اجازة دراسية وتصير مهندس .
 

يارب أرزقني

عضو جديد
حسن العصيمي قبس الميموني ٧ i-tech الله يعطييكم العافيه مااقصرتو

انا كنت مسجل في التطبيقي سنة ٢٠٠٢ وصارت لي ظروف ماكملت ولا راجعت التطبيقي من سنة ٢٠٠٢ اللحين شنو الاجراءت اللي اسويها ابي ارجع ادرس في التطبيقي ومتى التسجيل

انا فتحت السايت ومكتوب ان انا مفصول بسبب عدم الحضور

ماقصرتو الله يعطييكم العافيه
 
الدراسه بالجامعه او التطبيقي مضيعه عمر ووقت

شنو يعني انطر سنن عشان جم امية ؟؟؟

الدراسه فاشله بالكويت اخذلك دورة بو 9 اشهر ولو انها هم وايد لكن احسن ما تقضي سنين تدرس

عندك دورات مكنيكا ولا كهربا منها امتيازات ومنها خبرة لك بحياتك

موفق خير
 
أعلى