عطونا الله يعطيكم

[سيادة الدولة]

فائض فائض أصابني غثه من هالكلمة من كثر ماأقرأها .. أشعر وكأن تلك الفوائض ليست لنا.​

حق منو عيل سحيله أم الخلاجين مثلا ؟​

نبي الدولة تعطينا ,, أغلبنا طرق هالمعاش وطارت مدخراتنا أما بسبب بنيان أو بسبب الغلاء وغيرها من الإحتياجات المهمه.​

ترى ماراح نشتري يخوت ولا مرسيدسات ,, تعلمنا الآن كيف نحفظ القرش لليوم الأسود بس المشكلة كل هالأيام سود .. البعض آخر الشهر يجمع خردة السيارة يشتري فيهم زقاير ​

المديونيات الصعبه وسوق المناخ طاحوا عنهم القروض .. وهل نحن قطاوة سود ماتطيح قروضنا ؟​

مانبي معكرونية باقر .. ولا لجنة الزلزله .. ولا 10 آلاف صفاء .. ولا أي إقتراح مضحك مجرد مخدر.​

الحل بتصفير العداد .. ولنبدأ ببناء كويت مابعد إسقاط القروض .. كويت النهضه والرخاء.​

أما الوضع الحالي فهو مثل الغنم اللي يهشونهم من كل صوب مايدرون وين يروحون وانا اتكلم عن المقترضين والمحتاجين والمقرودين والمقهورين ومن عليهم القاء قبض خاس في بيته بعضهم .. نسى لون الرصيف. ومحشومين طبعا.​

اعذروني من زمان ماكتبت فكتبت بالمحلي يبيلي جم موضوع على ماأرجع فصحى .​

:وردة:​

 

[الأرستقراطي]

وضعك صعب ،،، مثل أوضاع كثير من الكويتيين ،،، بس للعلم عمك أصمخ ،،، يعني يدري و مو متعب نفسه حتى يرد عليك ،،، بس تبي الصراحة نستاهل اللي يصير لنا كلما عطونا كف ندير لهم الخد الاخر و هكذا ،،، معلومة بيني و بينك ،،، في بداية حياتي ذهبت لآخذ قرض 4 الاف للزواج من بنك الخليج و أردها أول ما أستلم 4 الاف الحكومة ،،، و انا عند مكتب المدير ياله اتصال يقوله بنتي كانت عندك أمس تبي قرض 20 الف تبي تسافر ليش ما عطيتوها ،،، جان يقوله المدير طال عمرك خل تيي البنك و مايصير خاطرها الا طيب ،،، سكر التلفون جان أقوله بشر متى استلم قرضي ،،، قالي ما تنطبق عليك الشروط ،،، تبي اقهرك أكثر و الا اكتفيت

 

[شرااار]

سبحان الله

اجل شتقول عن البدون الى يدور وظيفة ل120 دينار
احمد ربك على النعمه ولاتقول كل ايامك سود

واحمد ربك ان عندك راتب ولو الراتب هذا لبدون كان حمد ربه على النعمه

مو يتشكى دايم

 

[شرااار]

ونسيت لاقولك

بسسك طراره

 

[Q8Shaw]

قاعدين لنا قعده !!!!!!!!!!!!!! ..

نفس الخدامه لما تعطيها تدفع حق خدمة التوصيل تقول للمعزبه هذا واحد عشا نص معاش مال انا واحد شهر !!!!!!! ..

شباب .. ششششش خاموش ترى مراقبينكم الحبايب !!!! ..




​

 

[newhistory]

اشوف الحكومة والسلطة معطين بعض الناس طاف !!!

بعض الناس اللى مو راضين عن المعارضة ؟ و يشكون فيهم

ويهددون ان اذا الاوضاع ما تعدلت اكثر الناس راح ينزلون الشارع ,.. الاغلبية الصامتة على قولتهم

 

[36rgoogle]

تصدق كل ماشوفـ هالفوائض وبدون تنميه ولا حلو مشكله اهل القروض الي هم والبنك المركزي السبب الرئيسي فيها ... والله ماألوم المعارضه فيهم