سؤال وجواب شوية اسئلة قبل السفرة الله لايهينكم

Justice

عضو مميز
السلام عليكم ورحمة الله
انشاء الله ناوي العمره بالسياره وبحجز بفندق عن طريق بوكينغ


هل موقع يوكينغ مضمون ولا احتاج تنسيق مسبق مع الفندق خارج بوكينغ؟

جم سعر التامين والرسوم عالمنافذ وهل هو اجباري؟

واخر سؤال شنو افضل صراف من حيث السعر للريال السعودي ولا كلهم نفس الشئ؟

تحياتي :وردة:
 

Justice

عضو مميز
جزاك الله خير

وعندي سؤال لو تكرمتو السياره فيها دعمه من ورا تحتاج تبديل دعامية كاملة
فهل ممنوع اني ادخل فيها ولا عادي ؟
بارك الله فيكم
 

مقص الرقيب

عضو ذهبي
وعليكم السلام ...

طبعا التامين اجباري ولا تدخل السياره الا لو كان هناك تامين عليها وهو موجود بعد

ما تخلص كل الاجراءات للخروج قبل البوابه الاخيره .. وسعر التامين لاسبوع 70 ريال ..


بخصوص الصرف ما تفرق وايد كلهم نفس الشيء تقريبا ...


اخيرا موقع بوكينج مضمون والحجز مؤكد لكن الغريب ان الفنادق خصوصا في الدول

العربيه لما تحجز مباشره من الفندق يكون ارخص لك وفيه مزايا ثانيه لا تتوفر بالحجز

لمن هو حاجز ببوكييق !!


السنه اللي طافت رحت عمره برمضان وكنت حاجز عن طريق الموقع واستغربت ان

وجبة الفطور هي مجانيه لمن حجز مباشره واضطريت ادفع للبوفيه رسوم اضافيه .


وايضا بالموقع قد تصادف انه لا يتوفر حجز مع ان لو تتصل تحصل حجز هناك ..


بالمختصر خذ جوله على الفنادق في موقع بوكينق واللي يعجبك اتصل عليه مباشره

وعندك 10ايام قبل ان لا يلنغي حجزك فاما تبعث حواله بنكيه او تكون قبلها في مكه

وتدفع مباشر للفندق


وتقبل الله طاعتك .
 

مقص الرقيب

عضو ذهبي
جزاك الله خير

وعندي سؤال لو تكرمتو السياره فيها دعمه من ورا تحتاج تبديل دعامية كاملة
فهل ممنوع اني ادخل فيها ولا عادي ؟
بارك الله فيكم


لا يوجد اي منع اخوي هذا تامين فقط مو فحص فني .. انت بس تروح الحدود وتشوف

بعض السيارات اللي تعبر .. راح تشوف نفسك ملك
:D
 

Desert Eagle

عضو ذهبي
انا بجاوب على سؤال واحد هو اللي اعرفه

خلال اخر سنتين تقريبا او ثلاث

كل حجوزاتي من خلال بوكينغ اللي هو برنامج بالايفون

اخرها بشهر ٣ حجزت ٣ فنادق بسفره وحده سان فرانسيسكو ولوس انجلوس وسان دييقو

وحتى بالدول العربيه مثل السعوديه و ودبي


توكل على الله


انت احجز واطبع اللي يجيك بالايميل
 

KUWAIT_VOICE

عضو فعال
booking مجرد موقع يلم شمل جميع الفنادق حول اعالم يعني بالأخير الذمه على الفندق نفسه

وعلى الاغلب الفنادق الراقيه هي اللي تحجز لك الفندق بناء على الأيميل فقط بدون دفع المبلغ بالكامل للحجز (او حتى جزء من المبلغ)
اما اللي يطلب منك دفع المبلغ سوف يطلب منك عند وصولك للفندق دفع الضرائب .. الخ يعني الفندق الليله 50دك قد يصل الى 90 دك

بأختصار خلك على الفندق اللي يحجز لك عن طريق الايميل فقط بدون دفع المبلغ
------------------------

الريال السعودي افضل بيع وشراء له بالكويت

طبعا حال اذا كان المبلغ كبيير جدا ابتداء من 5000 -2000 د.ك

راح يفرق معاك بشكل كبير

عدا ذالك لا يشكل فارق كبير ممكن يفرق معاك دينارين او أقل حال صرف 200دك
 
أعلى