سؤال وجواب جيب الكيا له قطع غيار متوفره؟ كد ومد؟

الديفي

عضو بلاتيني
السلام عليكم

الاحظ ناس هابه بجيب الكيا

شلونه هل هـو كثير الاعطال وقطع الغيار الناس من وين يشترونهم؟

والتكييف شلونه .. المكيف شيء اساسي بالنسبه لي

kia-sorento-xm.jpg


حسب معرفتي القديمه ان الكيا يحذرون منه يقولون خرابه كثير صحيح هذا الكلام ولا تغير؟
 

الديفي

عضو بلاتيني
مشكور يا تشالينجر

سيارتي شفر بليزر المكيف شغال حده ومزعج على الـطــل .. ماكو تبريد رغم ان فيها غاز

وينكم يا اهل الكيا شكثركم بالشارع عطوني رايكم بالكيا زينه ولا لأ؟!!

انا خبري بالكيا قبل 5 سنين كنت بمعرض بيت التمويل بالـري توني ركبت سيارة كيا ولا واحد من الاشخاص قال نصيحه وخـر عنها خرابها وايد ترى بـهـدلـتـنـا بلاعطال الكيا :(

الكادينزا هابين فيها هبه الناس .. كشكل سيارات الكيا حلوه حيل
 

FaHo0D

عضو فعال
للامانة الجيب الي فوق كان عندنا كيا سورينتو شريناه اب 7250 تقريبا فل اوبشن 4 سلندر
مكيفه حلو وقوي سنة كاملة ماشتكينا منه
ولكن سوينا حادث فيه الله يكافيكم شر الحوادث وطق الراديتر الحادث كان عميق داخل اخر شي قالو تصليحها السيارة
6500! ويقولون انه لو تويوتا جان تصليحها ماتعدى ال1500 دينار!

شوف الفرق!
 

تويتر الكويت

عضو مخضرم

جربت الصالون فترة بسيطة مكيفها تعبان يفصل مرة حار مرة بارد ودفع الهواء ضعيف

مع انها سيارة ماشية شي بسيط بس الكوري يختلف عن الياباني


اذا تبي ترتاح اخذ ياباني او الماني او فورد من السيارات الامريكية

 

الديفي

عضو بلاتيني
ولكن سوينا حادث قالو تصليحها السيارة 6500!

اوخ! تصليح الكيا 6500 دينار؟! اخاف بريميرا هذي؟

مبلغ مبالغ فيه؟ اذا جيب لكزس المره اندعم دعمه قويه ورا وجدام وتصليحه 1500 دينار وهذي لكزس شلون تقول الكيا تصليحها 6500!! لو مكانك ابيعها سكراب
 

KUWAIT_VOICE

عضو فعال
في قاعده عامه للسيارات وخصوصا للي ماعنده خبر بالسيارات

اي نوع سياره يديد توه ينزل الاسواق غالبا او 80% تكون سياره فاشله
و20% منهم سيارات ناجحه (لان ادري واحد ينط ويقول كلامي غلط)
بس ليش اروح للجانب 80% السيء



والامثله كثيييييييره

خذ مثال - جيب انفوي - GMC
فشل فشل ذريع الى ان وقف المصنع خط انتاج انفوي

والسيارات الناجحه دائما ماتكون سيارات عريقه ومشهوره وقديمه
والامثله كثيييييييييييييييره



واللي يقول من وين يبت لي 80%

ارد عليه واقول بالمنطق يعني اذا موعاجبتك 80%

خلها 82



للامانة الجيب الي فوق كان عندنا كيا سورينتو شريناه اب 7250 تقريبا فل اوبشن 4 سلندر
مكيفه حلو وقوي سنة كاملة ماشتكينا منه
ولكن سوينا حادث فيه الله يكافيكم شر الحوادث وطق الراديتر الحادث كان عميق داخل اخر شي قالو تصليحها السيارة
6500! ويقولون انه لو تويوتا جان تصليحها ماتعدى ال1500 دينار!

شوف الفرق!


هذا مثل نكته اللي لقى بالشارع 100 فلس عويه
وصلحها بربع دينار
 

الأموي

عضو مميز
انا ماجربت الكيا بس من خلال تجارب الربع مايمدحونه كلش ،،

الحين في ناس هابيين بشركة هيونداي الكوريه اغلب اللي مستعملينهم

يمدحون نوعية سياراتهم يعني منها نوعيها زينه واسعارها ارخص من التويوتا

والنيسان وتقريبا متقاربه مع الميتسوبيشي .
 

marl

عضو جديد
نصيحة وخر عن سيارة كيا بعد تجربة مع هذة السيارة قطع غيارها غالية وغير موجودة بس عند الوكيل حتي لو تبي تبدل زيت ماكنة لازم تروح الوكالة علشان تبدلة عندهم لان فلتر الزيت غير متوفر بس لدي الوكالة اما بخصوص الكفالة والسيرفس 5000كيلو تبديل زيت والثاني 10000كيلو سيرفس تدفع مبلغ للوكالة بدون قطع غيار بمعني اخر كل 10000كيلو راح تدفع مبلغ للوكالة
 

alaosaimi

عضو جديد
للأمانة انا عندي جيب كيـا موهافي 8 سلندر

دفع خلفي ( اغلب الجيوب الجديدة دفع امامي)

ممتاز جدا صارله عندي 4 شهور ما اشتكيت منة بشي حتى السفايف مو غالية يعني معقولة نوعاً ما 35 دينار والبرادو نفس الموديل 30 دينار


عموما انا اخذتة مستعمل 2011 4800 دينار

مقارنة سعرة مع موصفاتة ممتاز جداُ

لكن لو سألتني يستاهل تاخذة من الوكالة لا ما انصحك لانة بيفرق معاك واجد بالبيع

عيوبة شي واحد فيها مطامر شوي يعني اذا مشيت بالقار وفية تموج بالقار تحس المعاونيات مو ذاك الزود يعني لما تظرب المطبة وتطوفها ب3 متـر تحسها لحد الحين السيارة ترتفع وتنزل :)
 

Craftsman

عضو بلاتيني
السلام عليكم

الاحظ ناس هابه بجيب الكيا

شلونه هل هـو كثير الاعطال وقطع الغيار الناس من وين يشترونهم؟

والتكييف شلونه .. المكيف شيء اساسي بالنسبه لي

حسب معرفتي القديمه ان الكيا يحذرون منه يقولون خرابه كثير صحيح هذا الكلام ولا تغير؟

شوف الشيخ أنا مثلك وسألت عنه وعن موديلات سياراتهم وكل من يقول أنهم "فله" على فترة الكفالة وبعدها كل شيء يخترب , فإذا يناسبك توكل على الله و مثل ما يقولون نتمنى لك قيادة ممتعة.​
 
التعديل الأخير:

FaHo0D

عضو فعال
ما صلحناه ولله الحمد عقب ما قالوا لنا 6500 تصليح طقينا على روسنا وحولنا ع الشامل وقطيناها سكراب وخذينا نسبة من سعر السيارة لانه التأمين كان شامل ردلنا حول 5000 دينار زدناهم وشرينا ياباني

فعلا قطع غيااار ناار
سطاب من الوكالة حق السورينتو اب 250 دينار كويتي !

شدعوه!
والياباني يقولي 100 دينار ولا يقولي فيه خصم عليه!
 

Fresno

عضو
وعليكم السلام ورحمة الله وبركاته ...

عندما طرحت شركة سيارات كيا وهيونداي سياراتها بالأسواق العربيه كان هناك تخوف كبير من استخدامها ورد الفعل هذا جدا طبيعي ويحدث مع اي سياره جديده تطرح بالأسواق وخصوصا عندما يتواجد بالسوق منافسين كبار مثل تويوتا ونيسان وميتسوبيشي وغيرهم من الشركات العريقة ... والمشكله هنا ليست بالسيارات وانما بثقافة الناس واتجاهاتهم وانقيادهم وراء ( سياره مو زينه دير بالك ) وهذا الحديث يكون بدايه بسؤال في الديوانيه وينتهي بالحكم على تكنلوجيا متقدمة ... وقد لا تكون المشكله في السياره بحد ذاتها فقد يكون الوكيل ضعيف .. صعوبة الحصول على قطع غيار .. ثقافة السوق .

أما بالنسبة لسيارة كيا فبلا شك أن الشركة قامت بأبحاث تطوير كثيره والمتابع لمنتجات الشركة المتتابعه على مدى السنوات يلمس مدى تطور السياره ومنافستها بل ان سيارة كيا حاليا تتسيد المبيعات الأعلى ان لم تكن تويوتا او هيونداي إلا ان الوكيل لم يقم بخدمة السياره كما يجب فالكراج لازال صغير جدا ولا يتحمل حجم المبيعات وفي حالة السيرفس العادي فأكاد أجزم ان السرعه موجوده والأسعار غير مبالغ فيها ولكنها يجب أن تكون أقل من سيارة تويوتا مثلا ... وبالمقابل يوجد تاخير كبير في استلام وتسليم السياره في حالة الحوادث لا سمح الله وقطع الغيار تشعر أنها مرتفعه ولا ترتقي لإجتذاب العميل ... أما بالنسبة للتكييف فأنصح بتجربة السياره عن طريق التأجير يوم او يومين قبل عملية الشراء ومن ثم الحكم على التكييف وعلى حسب نوع السياره فأنا امتلك كارينز والتكييف معقول وليس سيئ .. ولكنه ليس بارد جدا وقد يرجع هذا لدرجة الحراره العاليه بدولة الكويت ووقوف السياره في اماكن قد تكون غير مظلله ... الموديلات الجديده 2016 و 2017 قد تكون تطورت كثيرا لا اعلم عنها ولكن يبدو لي ان تكييفها افضل بكثير عن السابق .

تحياتي لك .
 
أعلى