الرد على الاستفسارات المتعلقة بحماية المستهلك

السلام عليكم ورحمة الله وبركاته
عندي استفسار بارك الله فيكم ،زوجتي شافت جلابيه في احد المواقع على النت وقررت اشتريتها هديه لها في العيد الماضي ،وصلت الجلابيه بس غير اللي طلبناها واتصلنا عن طريق الواتز اب براعية الحلال وتعذرت انه مساعدتها غلطت وانه بالإمكان استبدالها وبناء عليه أرسلنا الجلابيه عن طريق أرامكس وبعد شهر رجعت نفس الجلابيه وأفادو شركة أرامكس انه راعية الجلابيه رفضت تستلم الشحنة
اتصلت شخصيا بالتليفون وكلمت اللي باعت لنا ليش ترفضي استلامها قالت أنها مسافره مع العلم أنها هي اللي قالت أشحنها عشان نبدلها ،الآن خسران حق شحن تقريبا نفس سعر الجلابيه ومو هذا المهم اللي يزعلك التلاعب هذا، الآن حتى الواتز اب ماترد عليه كلمتها مره ثانيه وقالت مايهمك مايصير خاطرك إلا طيب والنتيجة ولا شئ ،هل غلطت في التعامل مع موقع عربي ،الأخت هذي تونسية وعايشه في الكويت وأول مره يصير معاي الحادثة هذي متعود اشتري من مواقع أمريكية وللأسف أنهم اصدق في التعامل من ربعنا
ايش الحل مع الإنسانه هذي ما اعرف وش رأيكم لاعدمتكم هل فيه جهه في الكويت اشكيها وإلا أنسى الموضوع
انا من السعودية للمعلوميه بس

الرد : للأسف قضيتكم لا يمكن تداولها بالكويت لأعتبارات الأختصاص المكاني ، وللعلم موضوع شكواكم يندرج تحت النصب والأحتيال .
 
أعلى