سؤال وجواب شنو التصرف المناسب اذا رايت قطيع من البعارين بالشارع؟

[S3d1987]

السلام عليكم انا دوامي ينفط الخليج بالوفره فصادفني هالموقف مرتين الاولئ كانو يعبرون وقفت وطقيت الانذار لين عبرو لكن امس كان الموقف غير كانو معاكسين الخط ويمشون بوجهي وتوهقت صراحه خفت اطق هرن يتجمعون عالصوت او يتنحاشون وتصير مجزره بالخطين ومررها الله علئ خير لكن ابي التصرف المناسب شنو افيدوني يااهل الخطوط والحلال

 

[تشالنجر]

وقف و انطر لين مايروحون ترا البعير مايفهم

و استغرب وين وزارة الداخلية عن اصحاب الحلال وعبور الخطوط السريعة وتعريض حياة الناس للخطر

 

[S3d1987]

المشكله انهم معاكسيني بنفس الشارع بالوجه انا ابي اعرف لو اطق هرنات شنو ردة فعل البعير

 

[الفوهرر2013]

اول شي مافي الا العافيه ان شاء الله بس عادي اذا طقيت هرن يروحون يسار وان شاء الله ما يجونك ولو تنزل ومعاك عصا وتخوف فيهم افضل تبعدهم وبعدين تكمل بسيارك طريقك ترى البعير جدا مسالم ويخاف على فكره ولا تحاتي

 

[قانوني جامعه الكويت]

اخوي يشتغل عندكم ب نفط الخليج تخصصه - قوى محركه - دبلوم هندسه ميكانيكيه ودوامه كله صباحي وصارت له نفس المشكله

قاله الوالد امش بالسياره بسرعه خفيفه 20 او اقل وهم لا اراديا راح يوخرون عنك وانت حاول تلاقي لك مخرج بالtwo side's

 

[KUWAIT_VOICE]

امش 40-20 كلم
ووخر عنهم

وانتهت المشكله


----------------------------------

ومنا الى اصحاب الجواخير والداخليه الى هذا التسيب لان حوادث البعير مميته

 

[ملك القراصنة]

دق هرن راح يوخر ما راح يركض لا تخاف الابل مسالمة جدا وتخاف

 

[ابو مناحي المطيري]

بسم الله عليك الرحمن الرحيم

 

[غيث]

لاتجفل البل امش خفيف ولا تسوي شي
ترى بعض البل اذا عصبتها تخرب سيارتك

 

[joblak]

الوكاد اذا دعمت لك نافة الله لا يقوله دنَق حط راسك تحت السكان ههههههههههه
​

 

[royal-heart]

هههههههههه

والله انك وسعت صدري بسؤالك الله يوسع صدرك دنيا وآخرة


نصيحتي لك

البعير اذا اقبلت عليه وانت على سيارة لا تخطم عليه لكن اعقبه

لانه يمكن يجفل ويتبرجدك اذا خطمت عليه

( تخطم = تجي من قدامه ) ( اعقبه = يعني تجي من وراه )

( يتبرجدك = يهرب إليك فيصتدم بك )




اذا انت بتسوي خير فيها يالخالدي وبالمارين مع الطريق

حول على رجولك وسق البل لين تقطعها الخط ورا واذا انت مستعجل

امش على هونك لين تعداها والهرن لا تستخدمه ابدا مع الابل

لانه يجفلها ويلعب فيها وان شافك راعيها راح تهاوش انت وياه لانها غالية عن اهلها

وانت في غنى عن مقاشر الناس


( مقاشر = مهاوش )












.

 

[joblak]

لانه يمكن يجفل ويتبرجدك اذا خطمت عليه

( تخطم = تجي من قدامه ) ( اعقبه = يعني تجي من وراه )

( يتبرجدك = يهرب إليك فيصتدم بك )




.

ههههههههههههههههههههههههههههه

اضحكتني الله يسعدك الترجمة كلام كبير ههههههههههههههههه
​

 

[عبدالله الرشيدي]

افضل شي تكلم الصبي الي معاهاا يعطيك رقم صاحب النياق وقوله الي بخاطرك

والإبل على حسب تطبيعها في تطبيع إذا دقيت هرن تجيك على طول وفي ناس مطبعينها إذا سمعوا صوت الهرن يهجون وهي سبحان الله طبعها فضولية وإذا جسرت عليك تجيك

ويموتووون على الخبز إذا شافوه بيدك مستحيل يخلونك

مثل مايحب السبيطي المصران

 

[مساعد الشويب]

ههههههههههههههه هذا وجهي اذا سألكم مره ثانيه

 

[S3d1987]

ناس متخلفه الله لايبلانا ومنتو كفو تكتلوجيا وتطور .. كلامي موجه للناس اللي تستهزء