السلام عليكم ورحمة الله وبركاته
انا عندي شكوي لوزير الداخليه بما ان قيادات الداخليه لايفقه اكثرهم باحوال البلد كثر مايفقهون بكراسيهم ومناصبهم وتوزيع المدراء في اداراتهم علي حسب اهوائهم
في مشكله بدت تظهر بالكويت وكثير منا لاحظها ولكن الاغلبية لم يلاحظوا انها عمليات منظمة يتم من خلالها استغلال الكفيل واستغلال الثغرة الكبيرة في نظام الهجرة اللي تخدم كثير من العماله السيئة علي حساب الكفيل بمباركة الداخلية وخاصتا ادراة الابعاد
اكثر الناس اللي استقدموا خدم واقصد الرجال يعني سايق او خادم او راعي بالاخص وبعد مادق اقامته يلاحظ ان اكثرهم يهرب ويتجهون للسوق السوداء
واقصد بالسوق السوداء الجواخير والمخيمات والمزارع لان الرواتب مرتفعه وتصل من 140 دينار الي 200 دينار في الشتاء ووقت المخيمات
انا شنو ذنبي لما استقدم عامل براتب 60 دينار او 65 دينار خاصتا لما نستقدمهم من خارج المكاتب والعامل اول مايوصل الكويت عنده خبر انه لما ينحاش مني ويروح للجواخير راح يكون راتبه 150 دينار او اكثر ويقعد مندس في احد الجواخير وبعد مايشبع ويبي يرجع الي اهله يسلم نفسه لاقرب مخفر ومن ثم يحولونه الي الابعاد ويعطونه تذكرة علي ظهري ويرجع واقعد انا ملعوب علي ومقهور من تصرف الداخليه اللي بسبب قانونها هذا سببت هالمشكلة لنا
اذا العامل مايلقا عقوبة تردعه بسبب هذا التصرف اكيد انه بيسرح ويمرح وعقبها بيطلع منها سالم
ارحمونا يالداخليه ... قسما انها صارت تجارة عند العمال يدورون اي كفيل بس علشان يطلعون منه فيزا وعقبها ينحاشون
لازم تراجعون في نظام الهجرة والابعاد مايصبر هالثغرة مفتوحه وميسرة لهالعمالة الامان
وشكرا