هل قانون الأحوال الشخصية السني ظالم للرجل ؟!

روائي

عضو مميز
كثر والعياذ بالله نسبة الطلاق في السنوات الأخيره وذالك الأسباب كثيرة ربما تكون بسبب خلافات واستحالت العشره بين الزوجين أو أسباب ماديه أو أو .. إلخ

كثيرا ما اسمع الناس يقولون بأن لقانون الأحوال الشخصية السني النصيب الأكبر من حالات الطلاق وكيف؟

فالمرأه المطلقه تتكفل وزارة الشؤون براتب شهري لها مع حصولها على سكن وما تأخذه من الزوج من نفقة ومتعه ومؤخر وعلاوة أبناء ان وجدو ...

فهذه القوانين ساهمت برفع معاناة المرأه المطلقه لكنها ساهمت بشكل غير مباشر برتفاع حالات الطلاق !!!

وكثيرا ما أسمع الشباب يقولون " لومالج عالجعفريه ابركلي " او " لو وثقت عقدي بالسعودية لأختلف الوضع" فالعقد السعودي يلزم الحضانه للاب والبننت ترجع لأبيها فيصرف عليها ويتكفل بها ! طبعا هذي بعض أسباب ربما البعض لديه أسباب آخرى .. لكن المشكلة نفسها

أخيرا وليس بأخر .. سؤال/ هل توافق على تعديل قانون الأحوال الشخصية للمحكمة السنية؟ ولماذا؟ وماذا تريد ان يتغير من قوانين أو أحكام فيه ؟


مشاركة للرجل والمرأه من حقها الدفاع والرد :)

 

AlBadel

عضو مخضرم
أخوي روائي واحد يبي حريته نصرخ بوجهه ونقوله .............................. لاااا
أرحموا من في الأرض يرحمكم من في السماء
 
من قاله يطلق؟؟؟؟؟ قلعته وعفيا عليها خل تكسر ظهره بالنفقه هذي وحده ولاتسوق خل تحط سايق وخل تأجر بالمكان اللي ايوزلها
ثاني شغله الكويت ياعمري عمرها قوانينها بصف المره فديتها ،،عيل تتطلق المسكينة ومآلها حقوق كالجعفريه مع احترامي لهالمذهب اللي شافط حقوقها،عيل شنو حضانة البنيه للأبو شهالمصخراا ؟؟ الحنان والتربيه من الأم ولا الأبو؟؟ البنت اقرب للابو ولا الأم اللي تعرف حاجاتها؟؟
تره شرعا المرأه ملزومه بتربية العيال هذي وظيفتها الاساسيه
ولا أم يطلع ريلها ودر وماكو خلاص منه إلا الطلاق فتتطلق وياخذ بنتها منها مؤ بتموووت قهرر هذي حرمه تفكيرها بقلبها
بعكس كاتب هالموضوع حسيت بكتابته جانب مادي طغى عالجانب الانساني على هالكائن الضعيف
أعوذ بالله من قهر الرجال
 

روائي

عضو مميز
من قاله يطلق؟؟؟؟؟ قلعته وعفيا عليها خل تكسر ظهره بالنفقه هذي وحده ولاتسوق خل تحط سايق وخل تأجر بالمكان اللي ايوزلها
ثاني شغله الكويت ياعمري عمرها قوانينها بصف المره فديتها ،،عيل تتطلق المسكينة ومآلها حقوق كالجعفريه مع احترامي لهالمذهب اللي شافط حقوقها،عيل شنو حضانة البنيه للأبو شهالمصخراا ؟؟ الحنان والتربيه من الأم ولا الأبو؟؟ البنت اقرب للابو ولا الأم اللي تعرف حاجاتها؟؟
تره شرعا المرأه ملزومه بتربية العيال هذي وظيفتها الاساسيه
ولا أم يطلع ريلها ودر وماكو خلاص منه إلا الطلاق فتتطلق وياخذ بنتها منها مؤ بتموووت قهرر هذي حرمه تفكيرها بقلبها
بعكس كاتب هالموضوع حسيت بكتابته جانب مادي طغى عالجانب الانساني على هالكائن الضعيف
أعوذ بالله من قهر الرجال

شوفو الاسلوب :)
اذا هذا أسلوب الحريم تستاهل تطلق واقل من يراها!
دامها حنونه تتحمل عشان عيالها شوفو حريم قبل لأتعرف محاكم ولا طلاق ورياييل قبل أقسى من الحين ومايتفاهمون وعاشو الحريم كبرو وربو الله يعطيهم الصحه ويرحم اللي ميتين

لكن كل وحده تطلع عشان فلوس وتبي تستانس مجمعات ومسحه ورفيجاتي ترا هالوناسه عمرها ينتهي مع بلوغ الابناء مردهم لابوهم ساعتها شنو بينفعها؟ لو متفاهمه مع زوجها وطوفت مثل حريم قبل شوفو شلون يتحملون الحين لو قالها يبيلي قلاص ماي قالتله طلقني!
وطبعا احنا نتكلم عن قوانين اللي تبي حقوقها وتنسى واجباتها اعتقد ظلمت نفسها وعيالها
ترا المره تدلل وتعزز وتتغلا اذا كانت صاينه بيتها لكن اذا خشمها بالعالي مرده بيندفن تحت التراب :)
 

Bo fai9al

Banned
اعتقد اذا كانت المطلقه تعمل وراتبها قوي ماله داعي تحميل طليقها نفقات فوق طاقته بما معنى تكون النفقه في حدود المعقول يعني الرجل من حقه يتزوج ويبني اسره من جديد ويصرف عليها ويعيش برفاهيه مو مضغوط من الجهتين ..بعدين الاخت الي تقول محد قاله طلق ويستحق تكسر ظهره اعتقد ممكن الطلاق يكون رحمه للإثنين مو للرجل فحسب .شنو هو انتقام وثار يعني ! في حريم العيشه معاها تقصر العمر خاصه العوبه ولسانها متبري منها وياكثرهم ..وفي رجال ايضا العيشه معاهم جحيم .محد كامل ولا نلقي اللوم على جنس دون الآخر .
 

Bo fai9al

Banned
حبيت أضيف في حريم رغم ان طليقها ماقصر معاها ماديا ومعطيها كل حقوق النفقه تتليعن عليه في موضوع رؤية الابناء ولا يطلع أحد يدافع شايفين وعايفين ...لا يزعلون الاخوات لكن كيد النسا فاق العقل ..والواحد يعض اصابع الندم انه تزوج حيه رقطه مو انثى حقيره ماتعرف الله ولا تعرف العيب .والتعميم مرفوض طبعا انا اتحدث عن بعض وليس الكل .
 
الزين اللي يعرف حديث الرسول عليه الصلاة والسلام عن المرأه بما معناه(إن ما أكرمهن إلا كريم وما أهانهن إلا لئيم)
وانه في خطبة الوداع وصى بالنساء ( رفقا بالقوارير)
والشين اللي يطلع عينها عباله بنات الناس لعبه؟؟؟ فالمسكينه مالها خلاص إلا الطلاق هذا أن طلق مالعوزها،،،فهني ان طلق خل تتولاه .
 

بن ذى يزن

عضو بلاتيني
الزين اللي يعرف حديث الرسول عليه الصلاة والسلام عن المرأه بما معناه(إن ما أكرمهن إلا كريم وما أهانهن إلا لئيم)
وانه في خطبة الوداع وصى بالنساء ( رفقا بالقوارير)
والشين اللي يطلع عينها عباله بنات الناس لعبه؟؟؟ فالمسكينه مالها خلاص إلا الطلاق هذا أن طلق مالعوزها،،،فهني ان طلق خل تتولاه .



طيب أكرمها واتزوج عليها عادي !؟
لان الشرع حلل اربع

ولا أصير لئيم
 

فهد الخليج

عضو مميز
الشرع حدد كل امور المرءه والرجل بالزواج والطلاق وﻻ اعتقد ان الله والرسول ظلموا احد والعياذ بالله
لكن القانون الوضعي بالكويت تعدي علي الشرع بالنسبه للاوﻻد والحريه الخاصه للبنت بسفر مثلا من غير محرم وعدم محاسبتها بعمر 21 سنه وكثير من الامور اللي خلت الانحلال الاخلاقي بمجتمعنا الحالي
وارجوا ﻻ تدخلوا الشرع بالقانون لان قانون الاحوال مافي شي من الشرع اﻻ زوجتك نفسي بس
 

حمامي عروبي

عضو فعال
بصراحه موضوع مهم وحساس ويهم كل اسره بالكويت

المفترض على من يرغب بالزواج ان يعرف حقوقه قبل الزواج وان يحضر دورات تشرح ماله وما عليه مثل الفحص الطبي قبل الزواج لانه الكثير من الشباب يتزوج وبعدها بسنه ولا سنتين وبعد ما يخلف يطلق وتصير المشاكل والمحاكم
مع الاسف القانون الكويتي ظالم الرجل وشجع الكثير من النساء على الطلاق كل شي لها ولاشي للرجل
حضانة الاولاد
نفقه
نفقة الاولاد
خادمه
سايق
سكن
وهذا شجع حريم هالزمن على الطلاق وفلس الرجل
لذلك على الشباب التفكير جيدا ومليا قبل لا تندفع وتتزوج وتروح فيها
لابد من النظر في قانون الاحوال الشخصيه
مو معقوله خالة الام لها حق الحضانه اكثر من الاب وحتى خالتهم ماتستحق انها تربي عياله فقط الام واذ لم تستطع فلازم يروحون عند ابوهم وهو التحق والكثر حنانا على عياله من خالتهم او خالة امهم
 
أعلى