سؤال وجواب اعضاء مجلس ادارة الجمعيات التعاونيه ؟

[q888q777]

مرحبا

ياجماعه بخصوص انتخايات الجمعيه , هل اللي ينجح في انتخابات الجمعيه له امتيازات معينه ؟ وشنو الاشياء اللي يستفيدها المواطن اذا اصبح

عضو في الجمعيه ؟ شنو ممكن تسوي ؟

سؤالي :

هل عضو الجمعيه يمشيله معاش ؟ وهل اذا اصبح عضو في الجمعيه يتوقف معاشه الاساسي من وظيفته ؟ ام يصبح لديه معاشين ؟

والسؤال الثاني :

شنو الامتيازات اللي يحصل عليها الشخص من كونه عضو في الجمعيه ؟؟؟


وشكرا لكم

 

[أم فواز]

مراحب اخوي
بالنسبة للامتيازات اللي يحصل عليها عضو الجمعية ​

لازم تروح الجمعية اللي بمنطقتك وتسأل أي عضو فيها .

اما من ناحية الاشياء اللي يستفيد منها المواطن :
* الجمعية تسوي رحلات حق العمرة ويكون التسجيل فيها عن طريق القرعه
* الارباح السنوية - طبعا على حسب الجمعية وضمير الاعضاء فيها
سنه يعطونك همجة فلوس .. وسنة يقولولك انكسرنا بالسوق
* عمل تخفيضات على التذاكر .. سواء الاكوابارك او الترفيهية
في اشياء وايدة يسوونها .. بس الافضل انك تروح لادارة جمعيتك
وتستفسر منهم .​

 

[q888q777]

انا اللي اقصده ان بعض اعضاء الجمعيه يدشون بطرق المعاش وبعدها بفتره نشوف عنده فلوس بالاف

شسالفه شلون

 

[أم فواز]

اللي يقدر يجاوبك لازم يكون عضو في الجمعية ..
واعذرني اخوي ما فهمت سؤالك عدل ..

 

[أمين أفندي]

السلام عليكم
أخونا الكريم
الواحد لما يصير عضو بمجلس إدارة الجمعية
يعطونه بونص سنوي وماله علاقة براتيه الحكومي

 

[q888q777]

مشكورين ويعطيكم العافيه

 

[المهذب]

عضو مجلس ادارة الجمعية ياخذ ...3 الاف دينار سنويا كمكافأة
وبعضهم ..ولا اعمم عالكل .، يأخذ عمولات من بعض الاشخاص والشركات
لتسويق سلعهم ...ويضع بضائعهن في الرفوف الاولى في جمعية العضو
وخاصه الاعضاء المتنفذين بالجمعيات..مثل امين الصندوق وغيره...واحيانا تتوزع الافرع على كل عضو
ولعل قسم الخضار والفواكة هو اكثر االاقسام اللي فيه تنفيع ..!
ومرات كثيرة يكون الشخص التاجر المنتفع متخفي من خارج اعضاء مجلس ادارة الجمعيه
لكن له دور كبير في تجميع الاصوات لصالح انجاح ربعه في انتخابات الجمعيه حتى يخدمونه لاحقا ( بعد نجاحهم )