ذائــــــ شعريهـ ــــــــــقهـ

ملغي

عضو مميز
‏راحت سنه وايام تمشي ورى ايام
‏ازعل واعاتب وافرح شوي وآلوم

ماغير اشيل هموم واشره على اوهام
‏لين انقسمت ثنين ، (واهـم ومهموم) !!!
 

تباشيرالأمل

عضو مخضرم
‏القلوب اسـرار و الدنيا عبر..
‏و العمر لو طـال تاليه الرحيل...

‏و الخواطر كسرها ماله جبر..
‏لو يعيد الوقت ماضيه الجميل...
 

تباشيرالأمل

عضو مخضرم
‏مآكل منهو دوّر الشي يلقآه
‏ومآكل منهو لآ سعى ينجز آلشـي

‏بعض آلبشر حظـّه يسوقه وينصآه
‏وبعض آلبشر حظه كوى خآفقـه كي
 

ملغي

عضو مميز
‏عايش حياتي رضا وعناد ومواجه
‏وان طال فيني فرح حنّيت لاوجاعي

مااقدر اردّ البحـر وآغيّر امواجـه
‏لكني اقـدر اغيّر وجهة شراعي !!!
 

تباشيرالأمل

عضو مخضرم
‏'

‏لولا الأمل ماعاشوا الناس سالين
‏ ولولا المــواقف ماعــــرفنا بعضنا

‏نكسب ونخسر والتجارب براهين
‏ وياليتنـا ممــا نشـــوف اتعضنا...،،
 

الباحث بواحمد

عضو فعال
ان جانك منت ممن من
لا يعدون من الجريب
ولا انت من من
لا تحمل صفة العدو ولا الحبيب
روح روح وخلك بعيد بعيد
ولا اركن نفسك برفوف الغريب
من الخواطر العابرة
 

تباشيرالأمل

عضو مخضرم
دنـيــاك لاضـاقــت عـلـيـك وتــكــدرت
وفـوق الزمن ربعـك غـدوا لــك عقـوبـه
واخـذت لــك سـاعـة لحـالـك وفـكـرت
وحسيت عينك في الدمـوع مغصوبـه
لا تنكسـر لـو شفـت نفسـك تكسـرت
مــادام فــي هـ الـكـون ربـــك وتـوبــه
الله الــيــا مــــن دعـيــت وتــذكـــرت
يـاخــذك مـــن هـــم الـظلام ودروبـــه
عـنـدك انــا يـامـا مـشـيـت وتـعـثـرت
بـ غلطـات مـن غيـري علـي محسـوبـه
وانـا استحيـت مـن الذنـوب وتغيـرت
ولا كـل واحـد يستـحـي مــن ذنـوبـه
يالله تـغـفـر لـــي اذا يـــوم قـصــرت
جمـلـة وقـلـهـا بضيـقـتـك كـــل نـوبــه
الـنــاس تـتـأثـر مــثــل مــــا تــاثــرت
احيـان مــا يتحـمـل الشـخـص ثـوبـه
لكن وصاتي لا قسى الوقت وانهرت
تـــذكـــر ان بـ الــكــون ربك وتـــوبــــه
__________________
 

الباحث بواحمد

عضو فعال
بيتين من الشعر اعجباني فنقلتها هنا وبسبب اني اجهل كاتبها فسأضع كلمة مجهول من كتبها
وهذين هما البيتين من الشعر
الردي يبيع خوتك لاول من يسوم
والكريم يشب النار في سوامها
وخوة ماهي لله ليمكن تدوم
تقدر بقدر المصالح تعد أيامها
 

تباشيرالأمل

عضو مخضرم
ابعتـذر وانـا ادري انـه مايفيـد الاعـتـذار
لكن لوانك في مكانـي كانـك الحيـن امعـذور


متردد انطق كلمتين فـي ضميـري مـن نهـار
مخطي وسامحني عسى ذنبي من الصد امغفور


اخـاف تتركنـي بلاميعـاد وايامـي قـصـار
مدري غيابك من زعل والا غلا والا غـرور!!!
 

تباشيرالأمل

عضو مخضرم
من "غبت" عنّي مابقى شيّ منّي
كلّ [ الأماكن ] في غيابك غريبة

كنّك " ضما " وأنا من الفقد كنّي
ليل جفاه الضيّ وأعلن ( مغيبه )
 

تگرم عيونگ

عضو مميز
‏.
‏من باعني زعلان بعته إليا رقت
‏ماني معلق في سواحل ؛ عيونه !
‏ٰ
‏عندي قناعه : ماتغير مع الوقت
‏ان الغلا يستأهله من يصونه !

‏⁧‫#
 

تباشيرالأمل

عضو مخضرم
تسأل عن غيابك طيور الشبابيك وتسأل زوايا بيتنا وين الأحباب؟
والفجر يسأل عنك ومصايح الديك والورد نام.. وكان لابس لك ثياب
وعطرك.. ومسباحك.. وخاتمك يبكيك ودفتر خواطر حاوي حضور وغياب
 

تگرم عيونگ

عضو مميز
‏الهوى وردي ومن داخل رمادي
‏ذكرياته سوّت وسوّت وسوّت ..
.
‏لا تقول الذكريات تموت عادي !
‏ما تموت الذكريات ، إلا تموّت .
 
أعلى