ياجماعه أسألكم بالله هذا صاحي؟ .. فضيحة سكوب الجيده

ياجماعه
ياوزارة الأعلام

والله أن الوسيله الأعلاميه بيد الجاهل كالسلاح بيد الطفل
قناه تليفزيونيه بيد وحده متخلفه حواليها مجموعه من المتنفعين يشجعونها ويأيدونها والنتيجه مهازل أعلاميه بمعنى الكلمه

مقابر جماعيه
وأنتهاك أعراض !!
وعلى طبق من ذهب لأعداء الكويت
ويستمر الأنفلات الحكومي للأسف

 

36rgoogle

عضو ذهبي
اعوذ بالله من شياطين الارض حسبنى الله ونعم الوكيل بقناة الفساد الله لايوفقكم لادنيا ولاخره
 

poison

عضو فعال
اتوقع ان اللي قاعد يتكلم عسكري سابق من المقيمين بصورة غير قانونية و الظاهر انهم فنشوه و زعل عليهم
مجرد ظن و خصوصا ان لهجته فيها خلل ;)
 

بسطويسي

عضو مخضرم
اول ايام التحرير حدثت "تصفية حسابات" واعرف ناس "إختفت" وقتل على الهوية
ولاتنسون "الأحكام العرفية"
نصيحة اللى مالحق على هذه الفترة لايفتي!!
اللقاء خطأ ولكن لا أشكك بما قيل
 

محمد بن علي

عضو فعال
اتفق مع اخوي بسطويسي بالرغم ان قناة سكوب قناة فاسده
الا ان بعد التحرير بايام حصلت اشياء تقشعر لها الابدان من تصفية حسابات واختفاء لناس
واسالو عن الفلسطينيين اللي اختفو واللي اهلهم بالاردن اشتكو وقالو ان الكويت بعد التحرير اعدموهم
يمكن اللي بالفيديو يقصدهم
 

تويتر الكويت

عضو مخضرم
اتوقع ان اللي قاعد يتكلم عسكري سابق من المقيمين بصورة غير قانونية و الظاهر انهم فنشوه و زعل عليهم
مجرد ظن و خصوصا ان لهجته فيها خلل ;)

انت فيك عقدة من البدون احد منهم مسويلك شي
علمنا خلنا نعرف شنو سالفتك معاهم ليش حاقد عليهم
 

تويتر الكويت

عضو مخضرم
اذا عنده شي يروح للنيابة العامة ويقدم مالديه من معلومات أو أدلة
ليش يشوه سمعة الكويت أمام العالم في وسيلة اعلامية كويتية
 
اذا عنده شي يروح للنيابة العامة ويقدم مالديه من معلومات أو أدلة
ليش يشوه سمعة الكويت أمام العالم في وسيلة اعلامية كويتية

هذا هو الكلام الصحيح
وللأخوه بسطويسي ومحمد بن علي .. الكويت كانت في حالة فوضى وأحكام عرفيه وممكن أي شي يحصل
ولكن أن يتم أعدام 50 شخص وبقرار شخصي من ضابط مخفر .. ماتشوفونها واسعه شوي؟

وبعدين ليش سكت وبعد 22 سنه بط الجربه على قولة الذيخ مقدم البرنامج
أنا واحد من الناس كنت موجود وكانت جهات أجنبيه كثيره موجوده للحفاظ على حياة المدنيين وأذكر أن الجيش الأمريكي قبض على نقيب كويتي لأنه قتل جندي عراقي

والقصه الثانيه
الأخ صاير شريف روما .. يقول البنت ملكة جمال وأنا ماقربت لها
تحس أنه مو صاحي
الحرام حرام سواءً مع ملكة جمال أو عنز ولكن الأخ يبي يلمع نفسه ويهاجم آخرين لغرض في نفسه وعشان جذيه ماطلع أسماء أبداً وكل كلامه عام
 

بسطويسي

عضو مخضرم
أخوي كويتي مال أول
مسألة صاحي والا مجنون لا تقدم ولاتؤخر "بالفضيحة الواردة"
حسب ماسمعنا أنه عسكري بالداخلية وجميع ماذكره قابل للصحة وله مؤشرات وأحاديث بالدواوين كانت متداوله "بالأسماء" ذيك الفترة
منها اسماء "شيوخ" ورتب حاليا "كبيرة" وبعضها تقاعد
مسألة الأغتصاب واضح ان ماعرف يعبر عنها وكان يقصد "زنا" لانها راضية وهذه أيضا تحدث ولا أحد ينكرها أو يستبعدها
المسألة الأهم هي قناة "البسوس" بفعلتها هذه هي أضرت الكويت قبل أن تضر أي شخص
ولا أستبعد فتح "بيبان" يصعب إغلاقها خصوصا وأن بعد التحرير هناك أشخاص لهم جنسيات من مايسمى بدول الضد قد إختفت الى يومنا هذا!
أضف لذلك بدون وكويتيين لم يعرف لهم مكان منذ التحرير
فالأوجب التصرف بحزم مع هذه القناة "النجسة" على فعلتها المشينة بحق الكويت
أو انها تكمل الموضوع لنهايته وتذكر الأسماء وتقدم بلاغ للنائب العام لنستطيع أن "نغلف" فعلتها بالجانب "الأنساني" او "الأسلامي" او اي شئ حميد
وهذا الفعل أجزم انها لن تفعله لان هذه القناة نجسة ومن "يرضى" بها فهو "أنجس" منها
 

Al_Mutairi

عضو جديد
@تويتر الكويت خف علينا يابو وطنيه
سؤال انت ليش تحشر أنفك بـ كل المواضيع؟
عادي يعني علق على المواضيع لاكن مو بهذي الشراسه ياوحش ترى ماراح تربح جائزه الولاء على هالكلام
ولا راح تغير شيء فـ لا تحاول تفحم الناس وأنت اصلا "فرد"

بالنسبه للفيديو شفته كامل مدته ساعتين تقريبا

الحين الرجال تكلم بـ موضوع ليش تدخلون بـ أصله و إنتمائه وهالخرابيط
عيب والله هذا رجال وقال اللي عنده مايجوز الإستهزاء خاصه من الشخص اللي رافع الفيديو وعنوان المقطع

ومن وجهه نظري وحسب تحليلي المتواضع اشوف انه صادق بكلامه والله اعلم راح يبين كل شيء
 

عمر بن معاويه

عضو مخضرم
عاصرت احداث التحرير و كانت الامور فوضي خصوصا بأنقطاع الكهرباء و سمعنا عن احداث اعدام في جنوب السرة حاليا كانت منطقة بر سابقا و تنصب بها الخيام في الربيع
 
@تويتر الكويت خف علينا يابو وطنيه
سؤال انت ليش تحشر أنفك بـ كل المواضيع؟
عادي يعني علق على المواضيع لاكن مو بهذي الشراسه ياوحش ترى ماراح تربح جائزه الولاء على هالكلام
ولا راح تغير شيء فـ لا تحاول تفحم الناس وأنت اصلا "فرد"

بالنسبه للفيديو شفته كامل مدته ساعتين تقريبا

الحين الرجال تكلم بـ موضوع ليش تدخلون بـ أصله و إنتمائه وهالخرابيط
عيب والله هذا رجال وقال اللي عنده مايجوز الإستهزاء خاصه من الشخص اللي رافع الفيديو وعنوان المقطع

ومن وجهه نظري وحسب تحليلي المتواضع اشوف انه صادق بكلامه والله اعلم راح يبين كل شيء

للجميع حق المشاركه فالموضوع لكل الأعضاء مادري ليش الحساسيه من تويتر؟
يمكن لأنه بدون وأنت شايف نفسك عليه لأنك مطيري كل شوي الحكومه داشه عليك صباح الناصر ودابغينك
, الله أعلم ... ( وعشان ماتطير بالعجع ترا أنا مطيري بس الحمدلله شفيت من الحساسيه والنخوه الله فيك ) ..

أما تحليلك فأسمح لي أنت علطان
والله حنا كنا موجودين ونعم حصل تجاوزات ولكن كل قصصه كاذبه وماعرف يرد على اللي أتصلوا فيه

نقطه أخيره
وين أنا أستهزأت باًصل اللي بالفيديو بالضبط؟
 
اقول

بلاغ للنائب العام شبفيد مع احداث وامور صارت من قبل 20 سنه

قضايا قتل توها وبادلتها واقفه بالمحاكم تبي يطلعولك حق سالفة صارت من 20 سنه !

اى طل

اظاهر ناس شيشوه وطلع الي بقلبه
 

تويتر الكويت

عضو مخضرم
للجميع حق المشاركه فالموضوع لكل الأعضاء مادري ليش الحساسيه من تويتر؟
يمكن لأنه بدون وأنت شايف نفسك عليه لأنك مطيري كل شوي الحكومه داشه عليك صباح الناصر ودابغينك
, الله أعلم ... ( وعشان ماتطير بالعجع ترا أنا مطيري بس الحمدلله شفيت من الحساسيه والنخوه الله فيك ) ..

أما تحليلك فأسمح لي أنت علطان
والله حنا كنا موجودين ونعم حصل تجاوزات ولكن كل قصصه كاذبه وماعرف يرد على اللي أتصلوا فيه

نقطه أخيره
وين أنا أستهزأت باًصل اللي بالفيديو بالضبط؟

اخي كويتي مال أول أنا سبق أن وضحت عدة مرات أنني مواطن كويتي
متبني قضة البدون وأدافع عنها وهذا لايعني أنني من الكويتيين البدون
أنا فقط مناصر لهذه القضية لثقتي التامة بأنهم مظلومين ويستحقون الدفاع عنهم
والبدون لايدافع عنهم الاشخص واثق من نفسه أما المشكوك في وطنيته فهو الذي لايثق في نفسه
الشاعر والكاتب بدر بورسلي ابن أسرة كريمة سكنت الكويت قبل الصباح
ومع ذلك يدافع عن البدون وله مقالات منشورة في الصحف الكويتية يدافع فيها عن البدون
اما مزدوج الولاء وحديث القدوم الى الكويت او حديث التجنيس
فهو تجده غير واثق من نفسه ولايدافع عن البدون لانه بلا انسانية وحاقد حتى على نفسه واقرب الناس له
تشوف سيارته قديمة وثاث بيته معفن لانه بخيل حتى على نفسه وعياله
وبخيل المال لازم يكون بخيل في المشاعر والاحاسيس ولايشعر بمعاناة الاخرين
فرق الانسان عن الحيوان هو في انسانيته وعقله وفكره واحساسه بمعاناة الانسان مهما كان بعيد عنه من ناحية النسب
 

تويتر الكويت

عضو مخضرم
اقول

بلاغ للنائب العام شبفيد مع احداث وامور صارت من قبل 20 سنه

قضايا قتل توها وبادلتها واقفه بالمحاكم تبي يطلعولك حق سالفة صارت من 20 سنه !

اى طل

اظاهر ناس شيشوه وطلع الي بقلبه

وليش هو ساكت كل هذه السنوات شنو كان نايم وتوه قعد من نومه
هذي السوالف يسمونها قلة عقل ونقص عقل انك تتكلم في شي مضى وانتهى ولافي فايدة من الكلام فيه
حتى القانون لايعاقب على قضية مر عليها 15 سنة حسب علمي
وتسقط القضايا القديمة بالتقادم ومضي فترة زمنية محددة
 

poison

عضو فعال
انت فيك عقدة من البدون احد منهم مسويلك شي
علمنا خلنا نعرف شنو سالفتك معاهم ليش حاقد عليهم
مو واحد منهم
كلهم مسوين شي لي و لغيري من المواطنين
يحاولون يسرقون ديرتنا
هذه هي مشكلتي معكم
عدلوا اوضاعكم و تحولوا الى مقيمين بطريقة قانونية و تنتهي مشكلتي معكم
و يا هلا بكل المقيمين الشرفاء في الكويت
 

خطاب

عضو ذهبي
مو واحد منهم
كلهم مسوين شي لي و لغيري من المواطنين
يحاولون يسرقون ديرتنا
هذه هي مشكلتي معكم
عدلوا اوضاعكم و تحولوا الى مقيمين بطريقة قانونية و تنتهي مشكلتي معكم
و يا هلا بكل المقيمين الشرفاء في الكويت
ماشاء الله عليك حليتها وينك القضيه له اكثر من نصف قرن تصدق ماكانت الحكومات وشيوخنا يعرفون هالحل الاعجوبه

اقول اللي جاب البدون جابك وجابني ووالله وتالله الكثير الكثير منهم لايملك اي ثبوتيات اي دوله وماله غير الكويت وكل بدون لابد من ان يكون له اقارب كويتيين واهل قبايل معروفه ومنهم شيوخ قبايل
وبالنسبه للاصول فكل اهل الكويت معروفين من 3 دول والكويت ماهي حضاره مثل الشام والعراق الناس كانت عايشه في الباديه

لكن الغل والحسد وربع عيال النجار اللي دم ضروسهم مهاجمه الناس والافتاء بامر المسلمين كله خوفا على مصالحه وبلعنه باقي العباد

وبعدين الدنيا مو فوضى اللي مزور حوله الفضاء واسجنه مع الشغل والنفاذ لكن انت وغيرك مايدري ان ممنوعين البدون من الاختصام للقضاء حتى لا ينصفهم لان كل قيودهم
عباره عن امور كيديه لا يعترف فيها القضاء وبدليل ممنوعين من حق التقاضي ضد الجهاز المركزي وفق مرسوم الجهاز واذا عرف السبب .....

ولا لو انت تخاف الله ليش مو من حق المظلوم يختصم للقضاء ولا بيع سمج انت فلاني واعطلك علشان ماتطالب بالحنسيه

وغالبا وين الكويتي اللي توه متجنس واللي ماله اصل وفصل طيب مثل البدون في مرض عنصري دوني هو اللي كاره لاخوانه المسلمين ..كن خير ونصيرا وقل خيرا ولا اصمت وخاف على ميزان اعمالك اذا كنت مهتم
 

هزاع

عضو بلاتيني
اول ايام التحرير حدثت "تصفية حسابات" واعرف ناس "إختفت" وقتل على الهوية
ولاتنسون "الأحكام العرفية"
نصيحة اللى مالحق على هذه الفترة لايفتي!!
اللقاء خطأ ولكن لا أشكك بما قيل
مواليد بعد التحرير مايعرفون بالأحكام العرفية واللي حصل مع الفلسطينيين وجماعة أبو نظال
 
أعلى