سؤال وجواب طريقة للعيش بمنزل وحدي

desert beast

عضو جديد
أنا أحب أهلي. بس ودي أعيش بروحي, لأسباب شخصية. شنو رايكم؟ عطوني اقتراحات. ولا تقولون تزوج, لأن توني صغير. الشقق بالكويت غالية. أعتقد أقل شقة ب500 دينار. تعرفون شقة محترمة والايجار مو غالي؟ أنا الحين معاي 4,000 دينار تقريبا, فقاعد افكر اسوي مشروع. واشتري بيت لما تييلي فلوس
 

mana

عضو ذهبي
أول شي قانون الإيجار لازم عقد زواج،عازب ما يأجرون له ..
ثاني شي ، البيت مسؤولية مو بس إيجار ، وراك ماچلة، خادمة،و و و .
ثالث شي و اهوا المهم .. مهما كانت الظروف و العلاقة مع أهلك لا تفكر تطلع كلش، ممكن حضرتك ألحين تحت ضغوط نفسية عشان چذي تفكر بهالطريقة ، المبلغ اللي معاك حليو سوّ فيه حفلة عرس، تزوّج و استقر، ماله شغل العمر ترى ، و تقدر تستغل بروحك بهالطريقة .

بس :)
 

mana

عضو ذهبي
انت محتاج علاج بالرقية الشرعية او مراجعة استشاري نفسي
وانا عاذرك لانك مو بوعيك وطايح تحت تأثير الحالة النفسية
الصعبة اللي تمر فيها ومحتاج للعلاج في أسرع وقت ممكن


أخوي !!!!
موضوع الريال شكو بالرقية الشرعية ، و شلون مو بوعيه !!
 

تويتر الكويت

عضو مخضرم
أخوي !!!!
موضوع الريال شكو بالرقية الشرعية ، و شلون مو بوعيه !!

اللي يفكر يعيش بعيد عن اهله انسان مو طبيعي
ويحتاج للعلاج قبل لا تصير حالته صعبة وبعدين علاجه يطول
انا مشفق عليه و انصحه لاني ابيله الخير
 

mana

عضو ذهبي
اللي يفكر يعيش بعيد عن اهله انسان مو طبيعي
ويحتاج للعلاج قبل لا تصير حالته صعبة
انا مشفق عليه وانصحه لاني ابيله الخير

العفو منك .. مايجوز تحكم عالريّال مو طبيعي لأنه بيعيش بروحه ! عرض موضوعه بكل أدب و طلب راي ، و الواضح صغير في العمر ، نقوله محتاج علاج ؟!
ليش مايكون مثلاً هالولد صالح و الأهل سيئين !!
ليش على طول مشفق عليه و لبسّته الغلط !
 
أنا أحب أهلي. بس ودي أعيش بروحي, لأسباب شخصية. شنو رايكم؟ عطوني اقتراحات. ولا تقولون تزوج, لأن توني صغير. الشقق بالكويت غالية. أعتقد أقل شقة ب500 دينار. تعرفون شقة محترمة والايجار مو غالي؟ أنا الحين معاي 4,000 دينار تقريبا, فقاعد افكر اسوي مشروع. واشتري بيت لما تييلي فلوس

جم عمرك اخوي ممكن اعرف ؟ اذا مافيه احراج لك وشكرا
 

مساعد الشويب

عضو بلاتيني
بسم الله الرحمن الرحيم

اخوي desert beast أولا قرار العيش بروحك هذا هو اكبر خطاء وذلك لاأسباب كثيره انت لاتعرفها بحكم صغر سنك


كلنا عندنا مشاكل والحمدالله عايشيين ولا فكرنا نعيش بروحنا بالعكس لن هذي هي الحياه ولازم نتعلم

انا يوم كنت صغير زعلت ونمت بوانيت ابوي وتصطرة ورديت نمت بغرفتى شي طبيعي :D
اذكر الله وروح للعمره وطلب ربي انه يوفقك ووفر فلوسك تري هالايام اعوذبالله اسهل وسيله هم المراهقين وصغار السن
من بعض الناس الي مايخافون الله مخدرات وسرقات وغيره وانت اكبر من هالسوالف هذي

والله يوفقك ان شاءالله
 

desert beast

عضو جديد
انت محتاج علاج بالرقية الشرعية او مراجعة استشاري نفسي
وانا عاذرك لانك مو بوعيك وطايح تحت تأثير الحالة النفسية
الصعبة اللي تمر فيها ومحتاج للعلاج في أسرع وقت ممكن

يبا أنت تعرفني؟ في مرة قعدت معاي وناقشتني؟
شلون عرفت أني تحت تأثير حالة نفسية؟
قوللي مرة ثانية شنو كان سببك. "اللي يفكر يعيش بعيد عن اهله انسان مو طبيعي ويحتاج للعلاج"
أول شي هذا رأيك ومو حقيقة. وما عندك اي دليل على صحة كلامك. أنا أدري ليش قلت هالكلام. لأني كتبت "لأسباب شخصية" فأنت على طول فكرت بأشياء سلبية.
أنا كتبت "لأسباب شخصية" لأن ما ابي أطول وأكتب بوست طويل, ولأن الأسباب شوي سخيفة.
أنا ألعب ألعاب بلي ستيسن وكمبيوتر وايد. وبالأخص أونلاين. فيكون صوتي عالي وتدري بعض المرات أقول كلام سيء. فأنا ما ودي أزعج أهلي. وثاني سبب أنا اعزم رفيجي وايد. بس ما عندنا ديوانية, فأخليه يقعد بداري. فمو حلوة كلساعة ياي ورايح. وثالث سبب أني أرتاح أكثر لما ما أكون مع أهلي, ومن صغري كان ودي أعيش ابيت بروحي. مع أن أهلي زينين معاي. وأنا جربت سافرت وقعدت بشقة بروحي... قتلك أسباب سخيفة. فلا تقول أني محتاج علاج وأنت مو فاهم شي بعلم النفس. وأنت الحين تقولي كل الأجانب الي عايشين من غير أهلهم والي ناجحين أكثر منك هم بعد يحتاجون علاج؟ ولا أنا كويتي غير؟
أنت شكلك تقعد علكمبيوتر وايد وتحكم عالأشياء بسرعة.

المهم أشكر كل اللي ردوا علي. وصح كلامكم. راح اشيل هالفكرة من راسي.
وبالنسبة لأم فيصل أنا عمري 19
 

خولة

عضو مخضرم
يبا أنت تعرفني؟ في مرة قعدت معاي وناقشتني؟
شلون عرفت أني تحت تأثير حالة نفسية؟
قوللي مرة ثانية شنو كان سببك. "اللي يفكر يعيش بعيد عن اهله انسان مو طبيعي ويحتاج للعلاج"
أول شي هذا رأيك ومو حقيقة. وما عندك اي دليل على صحة كلامك. أنا أدري ليش قلت هالكلام. لأني كتبت "لأسباب شخصية" فأنت على طول فكرت بأشياء سلبية.
أنا كتبت "لأسباب شخصية" لأن ما ابي أطول وأكتب بوست طويل, ولأن الأسباب شوي سخيفة.
أنا ألعب ألعاب بلي ستيسن وكمبيوتر وايد. وبالأخص أونلاين. فيكون صوتي عالي وتدري بعض المرات أقول كلام سيء. فأنا ما ودي أزعج أهلي. وثاني سبب أنا اعزم رفيجي وايد. بس ما عندنا ديوانية, فأخليه يقعد بداري. فمو حلوة كلساعة ياي ورايح. وثالث سبب أني أرتاح أكثر لما ما أكون مع أهلي, ومن صغري كان ودي أعيش ابيت بروحي. مع أن أهلي زينين معاي. وأنا جربت سافرت وقعدت بشقة بروحي... قتلك أسباب سخيفة. فلا تقول أني محتاج علاج وأنت مو فاهم شي بعلم النفس. وأنت الحين تقولي كل الأجانب الي عايشين من غير أهلهم والي ناجحين أكثر منك هم بعد يحتاجون علاج؟ ولا أنا كويتي غير؟
أنت شكلك تقعد علكمبيوتر وايد وتحكم عالأشياء بسرعة.

المهم أشكر كل اللي ردوا علي. وصح كلامكم. راح اشيل هالفكرة من راسي.
وبالنسبة لأم فيصل أنا عمري 19
الله يصلح احوالك .. ويخليك لاهلك ويخليهم لك .. بس نصيحة لك .. لا تعيش بروحك مو حلوة بحق امك وابوك .. رفيجك لا تعزمه بالبيت اعزمه برا البيت اكثر ما كثر الله بالكويت المطاعم والاسواق .. ولا تخلي الصلاة وان شاء راح ترتاح وتترك فكرة العيش بروحك .
 
العمر كله يارب
صح ترى أسبابك سخيفه مثل ماذكرت انت .. وصغيره بنظري مو لدرجة انك تقول بخلي بيت أهلي .
( حط لك باب عازل صوت لغرفتك عشان صوتك وأنت تلعب ) أو حاول تحط خيمة اذا في حديقه ببيتكم او بحوشكم سو خيمة او كيربي شي يشابه الديوانية تقعد فيها انت ورفيجك. وفي حدايق عامة شكثر بكل منطقة تقدر تروحلها انت وياه, أو روح لديوانيته هو !
واذا كلش كلش ضاقت عليك تقدر تعيش عند خالك او عمك او جدك بس ترى بعد مو حلوه تخلي أهلك : ) / أقولك شي .. باجر لما تكبر جم سنه بعد بتتذكر كلامك هذا وبتقول شلون كنت أفكر جذي : )

الله يهدي بالك ويشرح صدرك
 

تويتر الكويت

عضو مخضرم
فيكون صوتي عالي وتدري بعض المرات أقول كلام سيء
فأنا ما ودي أزعج أهلي.

مافي داعي تقول كلام سئ او فاحش
لان كل كلمة تقولها مسجلة في كتابك
وهناك ملك موكل بتسجيل كل كلمة تقولها
و راح تحاسب على كلامك يوم القيامة
قال الرسول صلى الله عليه وسلم
للصحابي الجليل سعد بن معاذ رضي الله عنه
ثَكِلَتْكَ أُمُّكَ يَا مُعَاذُ وَهَلْ يَكُبُّ النَّاسَ فِي النَّارِ عَلَى وُجُوهِهِمْ
لأن سعد بن معاذ رضي الله عنه قال
يَا نَبِيَّ اللَّهِ وَإِنَّا لَمُؤَاخَذُونَ بِمَا نَتَكَلَّمُ بِهِ
فَقَالَ ثَكِلَتْكَ أُمُّكَ يَا مُعَاذُ وَهَلْ يَكُبُّ النَّاسَ فِي النَّارِ عَلَى وُجُوهِهِمْ
أَوْ عَلَى مَنَاخِرِهِمْ إِلَّا حَصَائِدُ أَلْسِنَتِهِمْ )
قال الرسول صلى الله عليه وسلم
إن العبد ليتكلم بالكلمة ما يتبين فيها
يزل بها إلى النار أبعد مما بين المشرق والمغرب
 
التعديل الأخير:

تويتر الكويت

عضو مخضرم
وثاني سبب أنا اعزم رفيجي وايد. بس ما عندنا ديوانية فأخليه يقعد بداري. فمو حلوة كلساعة ياي ورايح.

اطلب من الوالد يسوي لك ديوانية
او يحطلك غرفة في الحوش بعيدة عن اهلك
ويكون لها مدخل مستقل علشان ما تزعج أهلك
 

تويتر الكويت

عضو مخضرم
وثالث سبب أني أرتاح أكثر لما ما أكون مع أهلي, ومن صغري كان ودي أعيش ابيت بروحي. مع أن أهلي زينين معاي.

هذا اللي خلاني اقولك انت محتاج علاج نفسي
لانك تبي تبعد عن اهلك وتعيش بروحك وتنعزل عن الناس
مع انك تقول ان اهلك معاملتهم زينة لك
يعني ما عندك سبب مقنع للرغبة بالسكن بروحك
هذا الكلام له عدة أسباب منها على سبيل امثال وليس احصر
ربما عندك بوادر مرض التوحد وهومرض نفسي علاجه بسيط
لاحظ اني قلت ربما يعني مجرد افتراض قد يكون صحيح او خاطئ
السبب الثاني بعدك عن قراءة القران الكريم
السبب الثالث تأثرك بالافلام الاجنبية وحياة الغرب
لان عندهم الواحد اذا بلغ 18 يترك اهله و بناتهم هايتات صايعات
 

تويتر الكويت

عضو مخضرم
ولأن الأسباب شوي سخيفة
قتلك أسباب سخيفة

سبحان الله توقعت بالفطنة و الفراسة ان اسبابك تافهة و بسيطة
وفعلا طلع كلامي صحيح وطلعت الاسباب سخيفة باعترافك

وانت اعترفت بهذا الشي و كررت كلمة سخيفة مرتين
وهذا اللي خلاني اقولك انت محتاج علاج نفسي
والعلاج النفسي مو شرط يكون في مستشفى الطب النفسي مثل مايفهم بعض الناس
انا قصدي محتاج واحد يقعد معاك و ينصحك ويوجهك
وانا تعمدت اكون قاسي معاك علشان اصدمك و تفكرفي كلامي
 

تويتر الكويت

عضو مخضرم
وأنت الحين تقولي كل الأجانب الي عايشين من غير أهلهم والي ناجحين أكثر منك هم بعد يحتاجون علاج؟ ولا أنا كويتي غير؟

شدراك انهم ناجحين اكثر مني
هل تعرفني او تعرف شنو شهادتي او شنو وظيفتي
يكفي اني مسلم وهم كفار والمسلم عند الله افضل من الكافر
 
أعلى