سؤال وجواب ابي اتاجر بالانستاقرام ..شنو تنصحون

[بوعوض]

السلام عليكم ويعطيكم العافية بما انه اجارات المحلات نار وشرار فكرت انه اتاجر بالانستاقرام وادري انه مو سهل

انا كنت مفكر افتح سوبر ماركت ( محل ) لكن واصح انه هالمشروع فاشل بالانستاقرام ففكرت وفكرت وفكرت حتى وصلت للعدم هههههههه


فقلت استشيركم ياخواني وخواتي انا ابي افكار بس غير الاكل لاني ماعرفله . وشكرا جزيلا وهابي ويكند

 

[الشكوىى لله]

وعليكم السلام

أخوي بوعوض الي أعرفه إنك مربي أجيال (أستاذ لغه أنجليزيه) أذا تبي مدخول صح " دروس خصوصيه " مو شرط للمدارس بس عندك المعاهد الجامعات والي بيثقف نفسه عليك بالأعلانات وابرز نفسك وعرف أنك كويتي ٠٠ مواطن ٠٠ وجمع لك مبلغ وقدره وبطل لك محل مطعم مصبغه وحوشها من اهني وهناك والرزق على الله !







الحمد لله

 

[cloud]

السلام عليكم ..

والله شقولك انت بديره مايمشي فيها غير الاكل !
لكن حبيت فكرة اخوي ( الشكوى لله ) فعلا الدروس الخصوصية هالاياام ماشي سوقها عدل و اذا هذا يعتبر في مجالك و تخصصك بالعكس مافيها شي انك اتاجر فيه
و غيرك لا مجاله ولا يعرف كوعه من بوعه و مسمي روحه مستشار والا دكتور .

والكويتي انفع ،، ربي يوفقك :وردة:

 

[بوعوض]

اشكركم على المشاركة انما المشكلة انه التدريس تلف للمخ ماعني طاقة ادرس العصر وخصوصا طلبة ضعاف بالاساس ثانيا الانستاقرام ممتع وادمان والحلو انه الزبون ييلك انا ماروحله ثالثا الوزارة التعيسة اتطوف حق الوافدين بس اذا انت ولد البلد مثلي يخفسونه ابفصل وشكرا

 

[المختصر]

1- نظرا لكونك مدرس لغة انكليزية ولا تحبذ الدروس الخصوصية فبإمكانك عمل مذكرات للمادة تساعد على شرحها وبيان مفرداتها ونماذج من الامتحانات السابقة وتبيع اصدارات منها.

2- بالنسبة للانستغرام: اعرض خدمات توصيل للمشتريات .. على أن توفر سائق وسيارة .. حيث تشتري ما يريده الزبون (من الجمعية مثلا) بعد أن تستلم منه المبلغ وتاخذ عمولة التوصيل .. وبالامكان تغطية المناطق القريبة منك كبداية .. طبعا السائق هو من يقوم بالمهمة.
3- نظرا لكون البلد مليئة بالمطاعم .. لماذا لا تطبع دليل المطاعم؟ الصفحة الأولى 1000 دينار .. الصفحة الاخيرة 600 دينار .. صفحة كاملة 500 دينار .. ربع صفحة 125 دينار . اسطر بعدد معين ب 50 دينار .. حتى بامكانك تغطية حسابات الانستغرام بحيث تضع لهم اعلانات مقابل رسوم معينة حسب الحجم المرغوب والتسعيرة المتفق عليها. يجب ان تكون طباعة الدليل فاخرة جدا وأن يتم توزيعه مجانا .. تخيل ان الدليل 200 صفحة .. وعليك الحساب .. واحتمال يكون الدليل أجزاء.
دعواتي لك بالتوفيق.
​

 

[تويتر الكويت]

الوزارة التعيسة اتطوف حق الوافدين بس اذا انت ولد البلد مثلي يخفسونه ابفصل وشكرا

اخوي بو عوض شنو قصدك يخفسونه ابفصل
هل قصدك ان المعلم الكويتي يفصلونه اذا درس دروس خصوصية

 

[بوعوض]

اخوي بو عوض شنو قصدك يخفسونه ابفصل
هل قصدك ان المعلم الكويتي يفصلونه اذا درس دروس خصوصية

اي نعم ، اهوا جوف غير الكويتي يفصلونه اذا جكوه او احد بلغ عنه ، يعني لو الوزارة درت عنه مايفصلونه بس لو بلغ يفصلونه على اما الكويتي اذا بس عرفوا عنه يلاحقونه على طوول والله كريم


وانا اشكركم وايد على المشاركات وناطر المزيد من الاقتراحات وشكرا

 

[بوعوض]

Up up up up up up up