ايطاليا .. خلي بالك في ايطاليا من شئ مهم

hazem milanO

عضو جديد
السلام عليكم ورحمه الله يا اخواني الكرام
احب أعرفكم بنفسي اسمي حازم عايش في ايطاليا انا لسا جديد ف المنتدي الجميل ده عجبني جدا روح الاخوه والمساعده بين الجميع ما شاء الله
بمناسبه ان التخفيضات الشتويه علي الملابس قد بدأت بالفعل من يومين وما زالت مستمره اسبوعين او أكثر لاحظت ان في اخوه عرب كتير بييجوا علي ايطاليا للتسوق في فتره التخفيضات لاستغلال الفرصه
طبعا كلنا عارفين ان ايطاليا بلد الموضه ..ميلانو بالاخص لانها منشأ عباقره الموضه ومدينه التسوق الاولي في العالم
كنت عايز ألفت نظر اخواني السائحين العرب لما ييجوا علي ايطاليا سواء دلوقتي او في شهر مايو عشان ال expo خلاص هيبدأ
اني انبهكم ان ايطاليا فيها نشالين وحراميه كتير من الغجر والرومان والاوكران ووللاسف الشديد بعض العرب
طيب دول اماكن تواجدهم فين .. دول بتلاقيهم موجودين في محطات المترو بالاخص centrale دي المحطه الرئيسيه في ميلانو لانها بتجمع بين محطه القطار ومحطه المترو الاخضر والاصفر اللى بيوصلك ل duomo
البلد سايباهم علشان الامن الايطالي ضعيف جدا جدا علي المستوي العملي وماشيين بقانون ان السائح يحمي نفسه بنفسه من الحراميه كل اللي يقدروا يساعدوك بيه لو لا قدر الله اتسرقت عمل محضر وممكن مختصاتك ترجعلك وممكن لا بنسبه كبيره
طيب ايه الحل ؟ الحل انك تضع قفل في حقائبك والمحفظه يا ريت تضعها في جيب الجايكت او الجيب الامامي للبنطلون تفاديا للسرقه لانهم بينصبوا عيونهم علي السياح والعواجيز عموما
طيب خلصنا من التحذير والتنبيه ..نيجي لنقطه تانيه مهمه ودي لاحظتها لمعرفتي بسياح عرب كتير
ان اغلبيه السياح العرب للاسف بيكونوا جايين بدون دراسه جيده للاماكن اللي يريدون زيارتها وتنتهي الاجازه بدون زياره اماكن مهمه جدا جدا جدا

طيب انت وصلت ايطاليا بالسلامه الحمد لله .. طبعا محتاج تشتري خط جوال جديد ودي قائمه بشراكت الاتصال
(wind ) (tim ) (vodafone ) (tre )
افضل شركه بتعمل عروض جيده هي wind ومعامله الموضفين في المحلات فوق الممتازه الصراحه
طيب اشتريت الخط الجديد وكله تمام ايه بقي اهم الاماكن اللي المفروض تزروها في ايطاليا ..هم 4 مدن علي الاقل ونبدأ بمدينه
ميلانو واهم مكان رومانسي وساحر بجد هو i navigli وللاسف سياح عرب كتير ميعرفوش المكان ده و مش زاروه اكتب ع جوجل وشوف الصور واستمتع ...في كمان Parco Sempione وده اهم بارك في ميلانو كلها واجملهم علي الاطلاق وليه قصه تاريخيه يطول كتابتها
وكمان Galleria Vittorio Emanuele II دي جمب ميدان الدوومو وواحده من اروع الاماكن في ميلانو
DUOMO بها واحده من اكبر كنائس اوروبا وبها امكانيه الكثير يجهلها وهي الصعود لاخر سقف الكنيسه والتقاط صور لمدينه ميلانو بالكامل !
San Siro) موجود فيها اكبر ملاعب ايطاليا كلنا عارفينه بدون شرح كتير
طيب نيجي بقي للتسوق مش معقول هتيجي ميلانو ومتعملش شوبنيج ودي اهم الاماكن
Via Monte Napoleone نصيحه متفكرش تشتري من الشارع ده الا وانت عارف ان معاك مبلغ كويس علشان ده اغلي شارع في ايطاليا وبتلاقي فيه دولشي ايه جابنا ,,جروج ارماني ...الخ
في شارع اقتصادي جدا وموجود فيه اشيك ملابس corso buons airs اشهر محلاته H M وديزل و تيرانوفا وألكوت و زارا الشهير ..الخ ده بقي اكبر شارع تجاري في ميلانو ممتد من دوومو الي لورتو ...
في شارع تالت مهم واسعاره متفاوته بين الغالي للوسط اسمه via torino مشهور جدا وبعيدي فيه كذا ترام وموجود هناك توكيل اديداس ونايك ...الخ

طيب انتهينا من النشالين والشوبنج وخط الموبايل وزياره اهم الاماكن السيايحه في المدينه
ننتقل لروما
أهم المعالم السياحية لمدينة روما والتى تتضمن زيارة الميادين العامة ونافورة تريفى الشهيرة Trevi Fountain ، لازم كمان مننساش المعبد الإمبراطورى القديم وميدان نافونا Piazza Navona الذى يعد واحد من أجمل ميادين مدينة روما وده تم تصميمية على الطراز المعمارى الباروكى ، فى هذا الميدان هتشوف نافورة الأنهار الأربعة الشهيرة Fountain the Four River ، بالإضافة لزيارة الحصن البابوى ancient Papal Fortress ومبنى سانت بيتر الرومانى St. Peter's Basilica . ودي اعتقد اهم الاماكن السياحيه في المدينه القديمه
نيجي بقي ل VENEZIA المدينه العائمه زي ما بيسموها الطليان
تاخد لفه في الصباح علي الاقل ساعتين تستكشف خلالها النصب التذكاريه وتزور ميدان San Marco square وجسر ريالتو the Rialto bridge
هناك هتسمع كتير عن
الاسطوره ماركو بولو Marco Polo رحال وتاجر ومكتشف فينيسا اثناء عمله مع والده كتاجر بحري بين الشرق الاوسط والبندقيه
اهم حاجه القيام بجولة لزيارة مدينة فينيسيا بواسطة أحد الزوراق السريعة او البطئيه هنا هتكون قمه الاستمتاع باروع المناظر منازل وبيوت في الماء مش هتكلم كتير عنها لاني هحتاج يوم لوصف المتعه في المركب ومعاك الكاميرا بقي وعيش وخد صور تذكاريه ليك ولاسرتك انت وبتوشف قنوات مائيه كبيره وصغيره وتشاهد الجسور النصف دائريه والمعالم الشهيره ...
زياره

برج بيزا المائل Torre pendente di Pisa ده برج جرس كاتدرائية مدينة بيزا الإيطالية ، مقاطعه توسكانا الشهيره كان من المفترض ان يكون البرج عمودي ولكنه بدأ بالميلان بعد البد ببناءه في 1173م بفتره قليله يقع بجانب كاتدرائية بيزا "ساحة المعجزات" piazza dei Miracoli.

كمان وده من اهم الاماكن اللى السياح علي مستوي العالم بيأتوا اليه مخصوص

فيرونا VERONA ... المدينه اللتي شهدت ملحمه وواحده من اعظم قصص الحب في التاريخ ويوجد بها
قصر روميو وجولييت والقصه الشهيره عندما اختبئ روميو هاربا الي احد الاديره خوفا من انتقام عائله حبيبته جولييت قائلا في ارثائها

«خارج أسوار فيرونا، لا يوجد عالم، لا يوجد سوى المطهر والألم والجحيم. أن تكون منفياً عن فيرونا، يعني أنك منفي عن العالم، والمنفى عنها يعني الموت»


أتمني ان الموضوع يكون عجبكم واكون قدرت أفيدكم لو بمعلومه بسيطه ولو ناويين تزورا ايطاليا عن قريب ومحتاجين اي شئ انا موجود باذن الرحمن
سواء توفير سياره خاصه بسائق عربي او ايطالي او من غير ..انا لدي اصدقاء لبنانيين ليدهم اغلبيه انواع السيارات
وده رقمي للاستفسار عن شئ 00393279891490 واتس اب فايبر
وده ايميلي morshdenarab@gmail.com

ودي صفحه علي الفيس بوك موجود عليها اجمل صور لايطاليا علي الاطلاق


https://www.facebook.com/pages/المرشدين-العرب-بايطاليا/327253237432540
 

المرفقات

  • 1.-2012-Arena-di-Verona_Foto-Ennevi.jpg
    1.-2012-Arena-di-Verona_Foto-Ennevi.jpg
    524.8 KB · المشاهدات: 4
التعديل الأخير:
أعلى