سؤال عن نفقه العده والمتعه

كلي أحلام

عضو جديد
السلام عليكم ورحمه الله وبركاته

الحمدالله انا تطلقت من طليقي الشهر الفات ومن دون الذهاب لقضيه اللي رفعتها بخصوص طلاق الضرر سؤالي اللحين برفع عليه قضيه المطالبه بنفقه العده والمتعه لان بصراحه الرجال بخيل ورافض يعطيني حقي الحقيقي حتى اللقمه يعدها علي تصوروا يقولي بودي الصرفته للقاضي عشان يعرف كنت اصرف عليج بس انا كنت زوجته وحق المأكل والمشرب والعلاج من حقي والعلاج عشانه وهو كان يرفض يصارحني بحقيقته كنت ابي احمل بسرعه بس طلع مخبي شي عني بخصوص الانجاب

المهم انا ماابي اروح لقضيه الطلاق للضرر لاني تطلقت خلاص


وابي بس حق العدة والمتعه شلون شسوي ترى الرجال بخيل وانا رضيت بقليل بس هو يقول خاف بعد تطلبين وانا اكره المحاكم وان اخذت منه حتى القليل راضيه بس ماودي ادش المحاكم للعلم صارلي معه بس ١١ شهر وتركته لاني ابي عيال والعيشه معاه مستحيله بخسر اخرتي ودنيتي معاه وكان يخدعني وتنازلت عن كل حقوقي بس حق العده والمتعه محتاجتها لاني تركت وظيفتي بسبته ساعدوني وعوني ولكم كل الشكر
 

إسبآنيول

عضو مخضرم
عطيني توكيل الاحد في محكمة الرقعي بخصوص هذي القضية وانا اخليه يدفع لج نفقة ومتعه نص راتبه لمدة عشر سنين شتبين بعد او اي محامي او محامية متخصص في الاحوال الشخصية ويا كثرهم الموضوع بسيط لا تشغلين بالج كل يوم بالمحاكم عشرين قضية نفقة و متعه
 

كلي أحلام

عضو جديد
تبي الصراحه انا ما معاي مبلغ كافي ادفع لمحامي جزاك الله خير بس قولي ابي ارفع عليه هل للقضيه شلون ومن غير محامي
 

q8 bo 7mod

عضو جديد
كل الحريم يقولون هالكلام تطلقت مظلومه العيشه وياه صعبه ابي ارفع عليه قضيه
الزبده ان الحريم هالايام يبون الطلاق وفوق مايتطلقون يبون ينتقمون

أتفق معاك ١٠٠/١٠٠

زمن الحريم بحطون روسهم براس الريال ... مايصير البيت فيه رجل واحد بس
 

~ نوره ~

عضو فعال
كل الحريم يقولون هالكلام تطلقت مظلومه العيشه وياه صعبه ابي ارفع عليه قضيه
الزبده ان الحريم هالايام يبون الطلاق وفوق مايتطلقون يبون ينتقمون

كل الحريم يدعون الظلم ؟
معناتها كل الرياجيل يهبلون ومالي مثلهم وهم المظلومين ؟

اجل وين الي نسمع عنهم ؟ الي يسكر ومدمن المخدرات والي مصروف البيت يقطع ع شقق خراب وسفرات للمغرب وتايلند
والبخيل والي مهمل بيته والي مرته تودي وتجيب عيالهم وهو مزهرية

لا مساكين الرياجيل

في حالات لازم الزوجه بعد الطلاق تنتقم منه وتاخذ كل حقوقها
لانها لو بتنطره يصرف على عيالهم دينار مايعطيها

الزوجه اذا حبت ولقت رجال فعل قبل يكون قول
مستعده تشاركه حتى ببناء البيت حتى سيارته تشتري له

أنا مااقول كل الزوجات مظلومات ،، بس أكيد مو كلهم يتبلون وظالمات
 

AbdallahAlshmry1

عضو جديد
كل الحريم يقولون هالكلام تطلقت مظلومه العيشه وياه صعبه ابي ارفع عليه قضيه
الزبده ان الحريم هالايام يبون الطلاق وفوق مايتطلقون يبون ينتقمون

أتفق معاك ١٠٠/١٠٠

زمن الحريم بحطون روسهم براس الريال ... مايصير البيت فيه رجل واحد بس



مو كل مرأة تبحث عن الطلاق ! المرأة تبحث عن من يعينها وتعينه .. لكن ان لم يكن هناك غاية ترجى من الرجل مثال : مدمن كحول ، الافضل لها ولعيالها ان تتطلق ، وما تنلام اذا طالبت بحقها '' الساكت عن الحق شيطان اخرس '' نرجو عدم الاتهام الا عندما تتأكد من صحة كلامك ، ربما البعض ولكن ليس الكل

وجزاكم الله خير ساعدوا البنت بدال لا تذمون ، وان ما عندكم علم بهالمشكلة -نفسي- فالسكوت من ذهب

وجزاكم الله خير
 

كلي أحلام

عضو جديد
كل الحريم يقولون هالكلام تطلقت مظلومه العيشه وياه صعبه ابي ارفع عليه قضيه
الزبده ان الحريم هالايام يبون الطلاق وفوق مايتطلقون يبون ينتقمون
اخوي لا تظلم بختلك انا عانيت كثير معاه وذكرت كلام اصلا انحرج اذكره والحمدالله في ناس هني تفاعلوا معاي واعرفوا قصتي وماابي اعيد وازيد فيها قبل لا تظلم ع الحريم اقول لا تظلم بختلك وتتسرع بالحكم منو فينا تبي تكون مطلقه وتاخذ لقب مطلقه مو من القهر والعذاب والتحطيم كنت اتمنى انه في اسباب تافهه وكبيره حيل بس ما توصل اني انحرم من الامومه واكون مغشوشه فيه واظل ساكته واعيش طول عمري معاه لو سمحت لا تحكم وربك ادرى بالجرح والقهر والعذاب لا زواجي تهنيت فيه ولا حتى طلاقي ومااقول الا الحمدالله ع كل حال وحسبنا الله ونعم الوكيل ع كل كسره وتحطيم وعذاب وقهر ودمعه وايامي اللي عشتها وانا اتالم واتعذب واتحطم بس مع هذا الحمدالله ع كل حال
 
التعديل الأخير:
أعلى