سؤال وجواب كيف تقديم بالكويت كمعلمه سعوديه

السلام عليكم

اخباركم ياهل الكويت ان شاء الله طيبين ..

حبيت اسئل انا خريحه جامعيه سعوديه وحابه اتوظف بالكويت ابي اقدم معلمه عندكم .. كيف طريقه تقديم ومتى ..

ان شاء الله انكم ماتقصرون فيكم الخير .. ربي يوفقنا واياكم
 

حوللي

عضو مميز
وعليكم السلام ورحمة الله وبركاته أهلا وسهلا بك حياك الله التقديم يكون من خلال مراجعة إدارة الموارد البشرية بقر وزارة التربية بمنطقة الشويخ
 

تويتر الكويت

عضو مخضرم
اهم شي يكون التقديم قبل العطلة الصيفية
علشان تداومين من بداية العام الدراسي القادم
وفي تخصصات مطلوبة خصوصا التخصصات العلمية
و الاولوية في التوظيف
بعد المواطنين الكويتيين لمواطني دول مجلس التعاون الخليجي
 

محمد001

عضو فعال
طيب يعني اروح الحين تنصحوني اقدم .. ومعي اورواقي تمام ثم يتصلون علي كذا الطريقه

والا غلطانه

قدمي في وزارة التربية والله يسهلها عليج ،

إذا تم قبولك راح يتصلون عليك،

وإذا عندك واسطة يكون أفضل
 

تويتر الكويت

عضو مخضرم
و التخصص له دور كبير في الموضوع
لان بعض التخصصات مطلوبة بشدة
وبعضها مطلوب بشكل عادي
وبعضها عندهم اكتفاء منه
وبعض التخصصات مغلق ولايمكن قبول
أي طلب فيه حتى لو كانت مواطنة كويتية
والتقدير له دور اذا كان امتياز او جيد جدا
 

تويتر الكويت

عضو مخضرم
يعطيكم العافيه شكل الدنيا واسطات ... لا واسطتنا الله

ربي يغنينا واياكم ..

اختي الواسطة دورها التعجيل بالموافقة
وممكن الموافقة تطلع بدون واسطة
جربي قدمي على وزارة التربية
لا تاخذين كلامنا كأنه هو الكلام الثابت
لان كل كلامنا تخمينات و ظنون فقط
 

قبس

عضو مميز
تقدمين كتاب طلب توظيف لوكيل وزارة التربية و التعليم العالي
مرفق معه صور من اثباتاتك و شهاداتك المصدق
صيغة الكتاب عادية مجرد تفاصيلك الشخصية والدراسية مع سطرين تطبيل في خدمة البلد والوزارة

اذا وافق الوكيل بتتحولين للوكيل المساعد علشان يبحثلك عن درجة تعيين (في حال وافق الوكيل المساعد) وبعدها بتتحولين للجنة المختصة لتعيين المعلمين

في حال نجحتي في اللجنة والمقابلة وتم الموافقة تاخذين اوراقك من الوزارة وتروحين لديوان الخدمة المدنية الكويتي وتسلمينهم اوراق اعتماد تعيينك وتنتظرين صدور القرار

بعد صدور القرار تتوجهين لوزارة التربية - ادارة التعيينات وترتيب الوطائف وتسلمينهم قرار الديوان

بعدها يتم فرزك على حسب التخصص والصف الدراسي

--------------

هذا خبري في الاجراءات ولعلها تغيرت والله اعلم
حصولك على موافقة الوكيل مو سهلة ومعتمدة على المزاجيات والواسطة
لكن ياما سمعت من ناس انهم يدخلون موكلين ربهم وتمشي الامور بسهالات
وأسأل الله لك التوفيق
 
شجا هههههه مو شرط اتساوى مع راتب الكويتي من حقهم يكونوا اعلى

لكن ع الاقل فلوس تستاهل تعب المعلمه سواء كويتيه او غربيه .. الواحد يدور رزقه

يعني مو اتوظف على راتب 3000 اكيد بيكون يستاهل وتقاعد له مرتب واذ كان الكويتي اعلى بشوي فهو حقه بلده وله مميزات في استحقاقها
 
أعلى