سؤال وجواب أسئلة عن رياضة المشي في الكويت

[تويتر الكويت]

ماهو أفضل وقت لممارسة رياضة المشي في الصيف و في الشتاء
كم المسافة اللازمة أو الوقت اللازم للمحافظة على الصحة و اللياقة
ماهو أفضل نوع من الاحذية المناسبة لرياضة المشي
بالصيف هل تنصحون بلبس جوتي رياضي خاص لرياضة المشي
أو تنصحون بلبس نعال خاص لرياضة المشي وماهو أفضل نوع
ماهو أفضل مكان لممارسة هذه الرياضة في كل محافظة من محافظات الكويت
ماهو أفضل توقيت للمارسة رياضة المشي في فصل الصيف
ماهو أفضل توقيت للمارسة رياضة المشي في شهر رمضان المبارك
ماهي نصائحكم لكل شخص ينوي البدء في ممارسة رياضة المشي

 

[قبس]

انا بقند من راسي وكلامي بيحمل الصواب و الغلط

الي اعرفه المشي لا يقل عن نصف ساعة
الوقت مايهم لكن شوف الوقت الي يناسبك مع الاحتياط بوضع كريم واقي الشمس علشان لا تحترق من الشمس وشرب السوال على طول علشان لا تنشف الكلية وتساعد في حركة الامعاء وتعوض الماي المفقود بالتعرق
نعال او جوتي ماضن يفرق لكن الجودة مهمة والماركة نايك انا اشوفها زينة بس المهم ان الي بتلبس يكون ماص للصدمات اذا تبي تمشي على قار ويفضل تمشي على ارض تربية او بين الشجر لان الارض تخفس شوي مع كل خطوة فا تقلل الضغط على المفاصل بعكس القار الي يابس وكل ضغطة تنعكس على المفاصل
بخصوص المكان انا واحد احاول ابعد عن السيارات كثر ما اقدر لان عوادم السيارات مسرطنة على المدى الطويل وانت تبي هوا نظيف لذلك دور الممشى المشجر من كل مكان خاصة وانا احس انه يبرد علي الهوا بسبب رطوبة الاوراق وضل الشجر
احسن مكان عندي ممشى العارضية الي على الدائري الخامس مو الي صوب المستشفى
مكان صاد ولا زحمة وترس شجر وبعيد عن القار بس عيبه تيلات الكهرب

بخصوص رمضان ماضن اقدر امشي فيه لان الليل قصير مايمدي اصلي التراويح واطلع للربع الا وابتدينا السحور لذلك رياضة في رمضان off