بخصوص حملة تبرعات لاطفال العالم بالافنيوز

السلام عليكم

يا جماعه هذا تنويه بخصوص حملة بالافنيوز لجمع تبرعات لاطفال العالم

على كلام ناس ثقة وتشتغل مع الهلال الاحمر التبرعات لاطفال سوريا واليمن مو مثل ما قاعدين يدعون بعض المتوطعين انها لاطفال العالم

حق الي ناسي وقاعد يستغفل الناس حط الله جدام عينك هذي صدقات مو لعبة هذي فلوس الناس من حقهم يقررون فلوسهم تنصرف على شنو وعلى منو

والله عيب
 

البوادي

عضو مميز
التبرعات الغير رسمية لا تتبرعون فيها

الي يبي يتبرع يروح للجان الرسمية الحكومية

قبل تبرعنا والكل خابر تبرعاتنا وين راحت

احنا نبي نساعد المنكوبين المشردين الاطفال المرضى لذلك احرص علي ان تتبرع في لجان معتمدة
 

بو محمد 62

عضو ذهبي
وين المشكلة انها تروح اطفال سوريا واليمن اطفال يعانون من ويلات الحروب وين الغلط بالموضوع
وبعدين هل الي وصلك الخبر اكثر ثقة من الهلال الاحمر الكويتي الي تبرعاتهم غطت كل العالم من كل الملل والاعراق
 

ولد عطا

عضو مخضرم
والله لنا سنين ندور الناس المحتاجه ونعطيهم الصدقه وزكات الفطر الشارع الي ورانا بدون شايب وعجوز الله يطول في أعمارهم ويمدهم بالصحه نتجمع بالدوانيه ونعطي واحد يروح يعطيهم ولنا سنيين نعطيهم الصدقه أما تتبرع لكل صندوق غير صحييح
 
وين المشكلة انها تروح اطفال سوريا واليمن اطفال يعانون من ويلات الحروب وين الغلط بالموضوع
وبعدين هل الي وصلك الخبر اكثر ثقة من الهلال الاحمر الكويتي الي تبرعاتهم غطت كل العالم من كل الملل والاعراق

ياخوك مافي مشكلة نتبرع لاطفال اليمن وسوريا محنا ضد الخير لو قايلينها بشكل صريح محد بيعترض وطول عمر اهل الكويت ولله الحمد سباقين للعمل الخيري

لكن ليش التظليل والجذب على خلق الله ؟ ليش تجبر الناس بالحيلة تتبرع حق فئة معينه ؟

الي وصلي الخبر متطوع بالهلال الاحمر وكان متضايق من هالاسلوب في جمع التبرعات
 
أعلى