وشلون مدري كيف روحين في روح ** ما كنت أصدق باندماجك يالأرواح

.

وشلون مدري كيف روحين في روح ** ما كنت أصدق باندماجك يالأرواح

معقول أحد يمشي معي وين ما اروح ** معقول أنا أمشي مِعْه من وين ماراح

أول أحسب إن الغلا ضحك ومزوح ** سمرة سوالف بين مركى ومسباح

أثر الغلا بلوى أحاسيس وجروح ** لـوعة مـشاعر بين ذابح وذباح

ما يعرف الرحمه ولا يستر البوح ** عزي لمن مثلي على جمرها طاح

أدري خطا مني ولا نيب مسموح ** أشك في روحي وأنا فيك مرتاح

بس اعذريني عاشقك فيك مذبوح ** بين الرجاء والياس ضيعت الأفراح

أحلام وآمال ومواعيد وطموح ** يمكن مدى صبري بتاليه مفتاح

والحين أقول بصدق روحين في روح ** صدقت والله باندماجك يالارواح
:

زايد الرويس

:

:
 

ام العيال

عضو مخضرم
رائعة اخوي ابو فهد الكويتي سلم نقلك وهذا الشاعر فعلاً مبدع
ويستاهل الواحد ينقل قصائدة وينشرها لانه فعلاً مميز
وعندي له قصيدة مميزة يشرح كيف حياته وكيف مرت عليه الثلاثين السنه الي فاتت عليه !!!
عسى تنول على رضاك !!!

يا ليل ما اطولك للساري فمشواره ،،،،، صحراه ظلما وصبحه ما حمل ديره
للبرد لو شب عزمه تنطفي ناره ،،،،،، من ريح الايام والوقت ومخاسيره
عدّت ثلاثين زايد واخر اخباره ،، ،،،،،،جالس يسولف عن الضيقات والحيره
وان مرّت الذكريات يقول لافكاره،، ،،،،،،ايام راحت وعدّت ياالله الخيره
الله يذكر زمان اللعب واسراره ،،،،،،،،،،ومدرسٍ لا زعل يرمي طباشيره
عقب العشا نوم والسهران في داره ،،،،، يحل واجب وينسى واجبٍ غيره
في كل هوشه أحد منقطعٍ زراره،،،،،،،، والصبح ما للزعل ما بيننا سيره
حلم الصغير ان كبر فله وسياره،،،،،،،،،،، ياخذ بها لاطفش لفّه وتدويره
برادة المسجد اللي فاخر الحاره ،،،،،،،، ارخص من (الببس )للي قل توفيره
كلٍ يسولف عن (التفحيط ) واخطار،،،،،،،، ولا جا (مفحط ) غدينا من جماهيره
من يشري الخبز ما ينسى ولد جاره،،،،،،، من ضيقة المخبز وزحمة طوابيره
حافين و(زفلتنا )ما همنا قاره،،،،،،،،،،،،،،، واللي معه (كندره )يا قوّ تكسيره
والملعب اللي (حصاه ) اقشر من غباره،،،،،،بابه من (الشوت ) منهاره مساميره
(من شوط ) نلعب (حكمنا ) سهل نختاره،،،،،، إلى اذن المغرب نخليه ( صفيّره )
كلٍ له اسمه وكلٍ عنده ( عياره )،،،،،،،،،،،،،، ومع كل ذا ما نعرف الحقد والغيره
الله ياهي سنين بجدّ دوّاره،،،،،،،،،،،،،،، تفرّق الأهل والأصحاب والجيره
هاك السنين انتهت عجله ومنهاره ،،،،،،،،،، والشيب لو ما حضر لاحت تباشيره
راحت ثلاثين والشاعر وش اعذاره،،،،،،،، لو ما كتب عن ثلاثينه معاذيره
لو ان عمره حديقه تحضن اشجاره ،،،،، ،،،، عقب الثلاثين تنكرها عصافيره
في هالثلاثين كيف يحسّب اوزاره،،،،،،،،، ومن هالثلاثين عمره كيف تطهيره
اتعبني العمر واسفاره هي اسفاره ،،،،،،،،، واحلامي البيض تأخيره بلا خيره
مستقبلي وين مدري وينها دياره،،،،،،،،،، وانا اللي ابطيت في رسمه وتصويره
شهادتي مالها لدروبي زياره ،،،،،،،،،،،،،،،، كبرت معها وهي ما زالت صغيره
والوقت حلوه سكت في سطوة امراره،،،،،،،،،، يمدّ شرّه ولا طالعني بخيره
صحيح كلٍ بها الدنيا له اقداره،،،،،،،،،،،،،،،، والرزق يحتاج من يسعى لتدويره
له نافذه من وراها تسدل ستاره،،،،،،،،،،،، ان جاه والا السبب قسوة مقاديره
طريقي اظلم علي وتاهت انواره،،،،،،، ،،،،،،،، مافيه رجعه ولا يمدي بتغييره
يا طوله الدرب للساري فمشواره ،،،،،،،،،،،،،ليله صحاري وصبحه ما حمل ديره
للبرد لو شب عزمه تنطفي ناره،،،،،،،،،،، من ريح الايام والوقت ومخاسيره
عدّت ثلاثين زايد واخر اخباره ،،،،،،،، ،،،،،جالس يسولف عن الضيقات والحيره

سامحني على الاطاله ولكن مااقدر اختصرها لانها جميلة بتسلسلها
 
أعلى