ما للهوى عندي عذر......!!

[السلطاني]

الإعتذار....وكلمات الأغنية....والإغنية.....إهداء خاص....!!

ابعتذر..عن كل شئ

الا الهوى..ماللهوى عندي عذر

أبعتذر..عن كل شئ

الا الجراح..ما للجراح الا الصبر

ان ضايقك اني على بابك أمر

في ليلة ألم..و اني على دربك مشيت

عمري و أنــا

قلبي القدم

أبعتذر..أبعتذر..كلي ندم

عن كل شئ..الا الهوى

ما للهوى عندي عذر

اتصدقي..ما اخترت انا احبك

ما احد يحب اللي يبي

سكنتي جروحي غصب

يا حبي المر..العذب

ليت الهوى و انتي..كذب

كان اعتذر لك عن هواي

و ما اقول انا ..كوني معاي

ان ضايقك اني على بابك أمر

ليلة ألم

واني على دربك مشيت عمري و انا

قلبي القدم

ابعتذر..ابعتذر..كلي ندم

عن كل شئ ..الا الهوى

ما للهوى عندي عذر..​

بدر بن عبدالمحسن

http://song4.6rb.com/ksa/abdo/abdo-aba3tether.ram​

 

[النابغة]

بعد هذه الكلمات الجميلة ... من له حق ما يقبل الإعتذار؟؟

بدر عبدالمحسن ... شاعر جميل ... و زاد جمال شعره ... عذوبة صوت محمد عبده.

شكراً يا مشرفنا الرائع على هذا الإختيار الأروع.

ودمتم......

 

[زيد البدر]

-الله واكبر يعين جدي ... كم هو جميل الاعتذار للذين يفهمون معنا الاعتذار ... وما اقسى الهجر والجفا والتصنع...أذن خذ هذي القصيدة للشاعر الكبير :عبدالرحمن بن مساعد وغناء سفير الحزن عبادي الجوهر ..

تدرين و ادري بنفترق..
تدرين قلبي بيحترق
حنّا اتفقنا بكل شي..
إلاّ الزمان عيّا الزمان لا نتفق

لا تزعلي لو نفترق قلبك خلي
و قلبي انا اللي بيحترق

.....

يا ورده في كل الفصول
يافرح عيّا لا يطول
قولي و اقول
إن كان عندك لي حلول

يا فرحة القلب الحزين
الوقت يمر و مالك عذر
كانك تبين ننسى العمر
ننسى السنين
و نذوب في حب و حنين

تدرين وش سر الحكايه ؟
الوقت يمر.....
و لكل شي لا بد نهايه
و حنّا قربنا من النهايه

و مالك عذر ..
يا بسمة الثغر الخجول
ان كان عندك لي حلول

و ان كان ودّك نتفق
ولاّ ترانا بنفقترق
ولا تزعلي لو نفترق
قلبك خلي....
و قلبي انا اللي بيحترق

.....

يا حب يا دنيا جديده
يا احلى ابيات القصيده

ان كان جرحي ما كفى
انزفلك جروح(ن) جديده

و إن كان شعري ما وفى
انسى الحكي و انسى القصيده

يا احلى ايام العمر
كثر الحكي وش بيفيد

ما بقى عندي صبر
و الجرح في قلبي يزيد

مالك عذر..
يا بسمة الثغر الخجول
ان كان عندك لي حلول

و إن كان ودّك نتفق
ولاّ ترانا بنفقترق
ولا تزعلي لو نفترق
قلبك خلي......
و قلبي انا اللي بيحترق​

-ومنا الى اهل القلوب القاسية.

 

[السلطاني]

لا تزعلي لو نفترق قلبك خلي
و قلبي انا اللي بيحترق

أخوي زيد البدر العزيز.....

هالأغنية لها ذكريات قديمة...كان أول شريط في.....

أول سيارة....دتسن نيسان...سقتها في الثمانينات....

تحياتي لك...ول مشاركتك الجميلة......

 

[السلطاني]

بعد هذه الكلمات الجميلة ... من له حق ما يقبل الإعتذار؟؟

بدر عبدالمحسن ... شاعر جميل ... و زاد جمال شعره ... عذوبة صوت محمد عبده.

شكراً يا مشرفنا الرائع على هذا الإختيار الأروع.

ودمتم......

حبيب والله يالنابغة.....كلماتك ومشاركتك ب حد ذاتها جميلة....

تحياتي ل روحك الطاهرة....

 

[الهاملي]

الله يابو نوره
محمد العنزي

والله يابونوره
محمد عبده

تحياتي

 

[السلطاني]

--------------------------------------------------------------------------------

الله يابو نوره
محمد العنزي

والله يابونوره
محمد عبده

تحياتي

هلا بك يالهاملي.....ويسعدني أنها أعجبتك......

ابو نورة محمد عبده قامة كبيرة في الفن.....من لا يستمع له.....؟؟

يسعدلي مساك....