سؤال وجواب أريد الإستثمار في صناديق تمنحني عائدات دورية. هل من إقتراحات؟

مع اني من زمان مو داحل بحسابي للموقع بس والله العظيم دخلت علشان اجاوب على سؤالك

اقسم بالله العظيم وقسم احاسب عليه يوم القيامة أني مشترك بصندوق عوائد العقاري تبع اعيان من سنوات وللامانه شهريا ينزل المبلغ في الحساب بدون أي تاخير

ملاحظةرقم 1: الاشتراك يكون في اشهر معينة وهي شهر يناير وشهر مارس واشهر يونيو وشهر سبتمبر يعني شهر 1 وشهر 3 وشهر 6 وشهر 9

ملاحظة رقم 2: مثلا احتجت فلوسك وتبي تسحبها ؟؟؟؟ ما تقدر تسحبها على طول ,,,,, السحب فقط في نفس الاشهر يعني يا تروح لهم في شهر يناير او شهر مارس او شهر يونيو او شهر سبتمبر ؟؟؟؟

ملاحظة رقم 3: مثلا رحت لهم اول شهر مارس وقلت لهم ابي فلوسي ابي اسحبها ؟؟؟ راح يقولون لك اوكي بس متى تستلمها ؟؟؟ تستلمها خلال اسبوعين من الشهر التالي
يعني لو رحت شهر 3 تستلمها او اسبوعين من شهر 4 ,,,,,, ولو رحت لهم في شهر 6 راح تستلم فلوسك في او اسبوعين من شهر 7 وهكذا

ملاحظة رقم 4: نسبة الربح راح تكون بالضبط 5.91 % ,,,,,,,,,,,,,,,,,,,,,,,,,,,,,,, يعني لو حطيت عندهم 10 الاف دينار راح تستلم شهريا 50 دينار ,,,,,,,,,, ولو حطيت 20 الف دينار راح تستلم شهريا 100 دينار وهكذا

ملاحظة رقم 5: مثلا انت حطيت 10 الاف دينار وبعد كم شهر تبي تزيد مبلغ فوق العشر الاف علشان يزيد مبلغ المدخول الشهري ,,,,,,,,,,, ما تقدر تضيف اي مبلغ الا في الاشهر نفسها يعني يا شهر 1 او 3 او 6 او 9

ملاحظة رقم 6: اقل مبلغ تقدر تشارك فيه 3500 تقريبا

انا ليش قلت لك هالشركة لان للاسف في كثير شركات نصب يعطيك شهر شهرين ثلاث وبعدين يسحب عليك ,,,,,,,,,,,,,, لكن والله العظيم الشاهد ان شركة اعيان في صندوقهم هذا ما شفت منهم الا كل خير ,,,,,,,,,,,,,,, واذكر قبل سنتين تقريبا اضطريت اسحب المبلغ اللي مشارك فيه وفعلا بعد مدة نزل المبلغ بحسابي يعني رجعوا لي فلوسي مع اني مستفيد منهم ارباح شهرية

ورجعت شاركت معاهم مرة ثانية بعد فترة ولا زلت مشترك ولله الحمد

بالتوفيق ان شاء الله واحذر احذر تشارك باي شركة الا تتاكد 100 % خاصة إذا كان المبلغ اللي تبي تشارك فيه مبلغ كبير


والله يوفقكك ان شاء الله
 
أعلى