سؤال وجواب الزواج من الخارج

حبيب الرحمن

عضو جديد
السلام عليكم

يعطيكم العافية جميعا

عندي استفسار عن الزواج بالخارج:

انا بتزوج من خارج الكويت، ولما تقدمت للجنة الزواج بالخارج رفضومي بطريقة سيئة، ولما دزيت واسطة قالوها اشكرة مانعطي الا ذووي الاحتياجات الخاصة.

عموما تبين عندي ان موضوع المحكمة يطول.

انا اقدر اطلع لها كرت زيارة بسهولة عن طريق المعارف، هل اقدر اجيبها الكويت بكرت زيارة ونروح المحكمة ونسوي عقد زواج؟ علما بأنها كرت زيارة سياحية وما عندها إقامة، هل المحكمة راح تقعد علينا؟

وشكرا جزيلا
 

شمري كويتي

عضو مخضرم
شنو تقصد بكلامك
لجنة الزواج بالخارج
وين تابعة هذي اللجنة
أي جهة تتبع أو أي وزارة تتبع هذه اللجنة ؟
هل انت عسكري أو مدني
شنو سبب رفض اللجنة لزواجك من الخارج ؟
 

شمري كويتي

عضو مخضرم
هل المحكمة راح تقعد علينا؟

المحكمة تعقد الزواج لأي شخص يتقدم لها
بطلب الزواج اذا كان مستوفي الشروط
مثل وجود ولي أمر الزوجة والشهود
وأن تكون الزوجة في السن المحدد للزواج
واتوقع في شرط مهم
وهو وجود بطاقة مدنية او اثبات رسمي
ووجود اقامة صالحة اذا كانت غير كويتية
اتوقع مافي سبب يخلي المحكمة ترفض زواجك
اذا كانت الشروط تنطبق عليك ومتوفرة في الزوجة
 
التعديل الأخير:

شمري كويتي

عضو مخضرم
اخوي ترى كلامك غير واضح وسؤالك غير واضح
أرجو توضيح كلامك علشان الاعضاء يقدرون يجاوبون على سؤالك
بعدين ما حددت شنو الدولة اللي تبي تتزوج منها
وهل هذي الجنسية مسموح لها دخول الكويت أو غير مسموح
 
التعديل الأخير:

شمري كويتي

عضو مخضرم
انا اقدر اطلع لها كرت زيارة بسهولة عن طريق المعارف
هل اقدر اجيبها الكويت بكرت زيارة ونروح المحكمة ونسوي عقد زواج؟
علما بأنها كرت زيارة سياحية وما عندها إقامة، هل المحكمة راح تقعد علينا؟

اذا كانت المحكمة تشترط وجود اثبات كويتي رسمي
مثل وجود بطاقة مدنية وإقامة صالحة وسارية
معناها ماراح تقدر تتزوج بشكل رسمي
الزوجة اللي تبي تتزوجها من اي جنسية ؟
ليش ما تجيبها على أي شركة وتحط لها اقامة رسمية
على الشركة اللي راح تطلبها اذا كنت تعرف شخص ثقة
عنده محل أو شركة أو مؤسسة تجارية يرسلها فيزا
واذا وصلت البنت للكويت تحط اقامة وتطلع بطاقة مدنية
وبعدين اذا تزوجتها تنقل اقامتها عليك لانها زوجتك وعندك عقد زواج رسمي
لكن قبل لا تسوي أي خطوة في شي مهم جدا
اسأل في وزارة الشؤون هل يصير تنقل اقامتها عليك بعد الزواج
وهل يحق لك وضع اقامة لزوجتك على كفالتك اذا تزوجتها
 
التعديل الأخير:

حبيب الرحمن

عضو جديد
شنو تقصد بكلامك
لجنة الزواج بالخارج
وين تابعة هذي اللجنة
أي جهة تتبع أو أي وزارة تتبع هذه اللجنة ؟
هل انت عسكري أو مدني
شنو سبب رفض اللجنة لزواجك من الخارج ؟

مدني، واللجنة تتبع وزارة العدل وهي الكويتيين الراغبين من الزواج من خارج الدولة.


المحكمة تعقد الزواج لأي شخص يتقدم لها
بطلب الزواج اذا كان مستوفي الشروط
مثل وجود ولي أمر الزوجة والشهود
وأن تكون الزوجة في السن المحدد للزواج
مافي سبب يخلي المحكمة ترفض زواجك
اذا كانت الشروط تنطبق عليك

اللجنة هي من ترفض وليست المحكمة، واذا تم رفع قضية لإثبات الزواج ياخذ اكثر من سنة، ومن ثم وكيل الاقامة يرفض المعاملة ودخول الزوجة وتأخذ سنة وأكثر ثم يوافق.

اخوي ترى كلامك غير واضح وسؤالك غير واضح
أرجو توضيح كلامك علشان الاعضاء يقدرون يجابون على سؤالك

الكلام واضح هل يحق قانونا الزواج من امرأة في دولة الكويت في حالة دخولها ب كرت زيارة سياحية مع وجود ولي الأمر.

اذا كانت المحكمة تشترط وجود اثبات كويتي رسمي
مثل وجود بطاقة مدنية وإقامة صالحة وسارية
معناها ماراح تقدر تتزوج بشكل رسمي
الزوجة اللي تبي تتزوجها من اي جنسية ؟
ليش ما تجيبها على أي شركة وتحط لها اقامة رسمية
على الشركة اللي راح تطلبها اذا كنت تعرف
أحد عنده محل أو شركة أو مؤسسة تجارية
وبعدين اذا تزوجتها تنقل اقامتها عليك لانها زوجها

نريد الإفادة من الاخوة بهذا السؤال.

اشكرك على تفاعلك
 

شمري كويتي

عضو مخضرم
اللجنة هي من ترفض وليست المحكمة
واذا تم رفع قضية لإثبات الزواج ياخذ اكثر من سنة
ومن ثم وكيل الاقامة يرفض المعاملة ودخول الزوجة وتأخذ سنة وأكثر ثم يوافق.

شنو قصدك وكيل الاقامة يرفض المعاملة
منو وكيل الاقامة هل تقصد الكفيل ؟
هل تقصد الشركة او المؤسسىة اللي حطت لها اقامة ؟
وليش ترفض شنو سبب الرفض ؟
لحد الحين ما قلت من اي دولة تبي تتزوج ؟
 

شمري كويتي

عضو مخضرم
الكلام واضح هل يحق قانونا الزواج من امرأة في دولة الكويت
في حالة دخولها ب كرت زيارة سياحية مع وجود ولي الأمر.
نريد الإفادة من الاخوة بهذا السؤال.

هذا الكلام جاوبتك عليه وقلت لك المحكمة هي اللي تحدد
لازم تسأل في وزاة العدل
في قصر العدل او محاكم الرقعي
او محاكم الجهراء او محاكم الاحمدي
في ادارة التوثيقات الشرعية
في قسم الزواج
تسأل الموظف المختص في قسم الزواج
هل تعقدون الزواج لبنت عندها كرت زيارة سياحية
شنو علاقة الاعضاء بهذا الموضوع اللي يخص جهة رسمية
وجه سؤالك للموظفين في قسم الزواج وهم راح يعطونك الجواب الصحيح
اذا قالك الموظف لازم اقامة صالحة وبطاقة مدنية
معناها موضوعك ماراح يتم الا بعد توفير الشروط المطلوبة
 

حبيب الرحمن

عضو جديد
هذا الكلام جاوبتك عليه وقلت لك المحكمة هي اللي تحدد
لازم تسأل في وزاة العدل
في قصر العدل او محاكم الرقعي
او محاكم الجهراء او محاكم الاحمدي
في ادارة التوثيقات الشرعية
في قسم الزواج
تسأل الموظف المختص في قسم الزواج
هل تعقدون الزواج لبنت عندها كرت زيارة سياحية
شنو علاقة الاعضاء بهذا الموضوع اللي يخص جهة رسمية
وجه سؤالك للموظفين في قسم الزواج وهم راح يعطونك الجواب الصحيح
اذا قالك الموظف لازم اقامة صالحة وبطاقة مدنية
معناها موضوعك ماراح يتم الا بعد توفير الشروط المطلوبة

اولا انا خارج الكويت، ثانيا هذا منتدى سؤال وجواب والسؤال موجهة لمن لدية علم ليس التحقيق بالسؤال.

شكرا عزيزي
 

شمري كويتي

عضو مخضرم
أتمنى ربي يصرفك عن الزواج من عربية أو أجنبية
وتفكر في الزواج من بنت كويتية من بنات ديرتك
علشان لا تندم بعدين لان كثيرين قبلك ندموا
وابعد عن الدول المشهورة بالمشاكل والنكد والهم والغم
فاهم حضرتك واخد بالك بص كويس وفتح عين سيادتك
وابعد عن الدول التي في المشرق والمغرب
لان دول المشرق مشهورة بأمور كثيرة لا تصلح لك اذا كنت مسلم
وهناك دول في المغرب ينتشر فيها السحر والعياذ بالله
المثل يقول حلاة الثوب رقعته منه فيه
عسى ربي يصلحك ويهديك ويتوب عليك
من هذا التفكير والطريق المحفوف بالمشاكل
وترى عيالك ملهم ذنب يعايونهم ربعهم بعدين
في المدرسة او في الجامعة او في الشارع
ويقولون له يا ولد الفلانية
ويكون الولد منبوذ في المدرسة والشارع والمجتمع
أقصد المجتمع الخاص والقريب مثل الاقارب والجيران والاصدقاء
ترى الاجنبية لو مو فلوسك وخير ديرتك
وشهرة الكويت بالخير والنفط والمال
ما تركت ديرتها وجوها الحلو وجت عندك
بالحر والسموم والغبار والرطوبة والجو اللي يجيب المرض
 

شمري كويتي

عضو مخضرم
اولا انا خارج الكويت
ثانيا هذا منتدى سؤال وجواب والسؤال موجهة لمن لدية علم ليس التحقيق بالسؤال.

الله يجيبك بالسلامة
أنا اتوقع الاعضاء ماعندهم جواب على سؤالك
لانه سؤالك يختص بجهة رسمية وليس سؤال عام
 

حبيب الرحمن

عضو جديد
أتمنى ربي يصرفك عن الزواج من عربية أو أجنبية
وتفكر في الزواج من بنت كويتية من بنات ديرتك
علشان لا تندم بعدين لان كثيرين قبلك ندموا
وابعد عن الدول المشهورة بالمشاكل والنكد والهم والغم
فاهم حضرتك واخد بالك بص كويس وفتح عين سيادتك
وابعد عن الدول التي في المشرق والمغرب
لان دول المشرق مشهورة بأمور كثيرة لا تصلح لك اذا كنت مسلم
وهناك دول في المغرب ينتشر فيها السحر والعياذ بالله
المثل يقول حلاة الثوب رقعته منه فيه
عسى ربي يصلحك ويهديك ويتوب عليك
من هذا التفكير والطريق المحفوف بالمشاكل
وترى عيالك ملهم ذنب يعايونهم ربعهم بعدين
في المدرسة او في الجامعة او في الشارع
ويقولون له يا ولد الفلانية
ويكون الولد منبوذ في المدرسة والشارع والمجتمع
أقصد المجتمع الخاص والقريب مثل الاقارب والجيران والاصدقاء
ترى الاجنبية لو مو فلوسك وخير ديرتك
وشهرة الكويت بالخير والنفط والمال
ما تركت ديرتها وجوها الحلو وجت عندك
بالحر والسموم والغبار والرطوبة والجو اللي يجيب المرض

الله يجيبك بالسلامة
أنا اتوقع الاعضاء ماعندهم جواب على سؤالك
لانه سؤالك يختص بجهة رسمية وليس سؤال عام

اشكرك عزيزي، وأتمنى الا تحكم بدون ان تعرف اي اسباب، انا من أسرة كويتية تعيش ومستقرة بالخارج من اكثر من ١٥ سنة بسبب الاعمال الخاصة، وبسبب القوانين المحلية بالكويت لا استطيع تصديق اي وثيقة بالسفارة للابناء بالمستقبل بدون عقد زواج كويتي وسيكون عقد الزواج مدني لا تعترف به الكويت اطلاقا وانا ارفضة بشدة بسبب ان المحاكم الغير اسلامية بالخارج ستكون المسؤولة في حالة وجود خلاف لا سمح الله بسبب العقد المدني.
 

نورررررره

عضو جديد
السلام عليكم

يعطيكم العافية جميعا

عندي استفسار عن الزواج بالخارج:

انا بتزوج من خارج الكويت، ولما تقدمت للجنة الزواج بالخارج رفضومي بطريقة سيئة، ولما دزيت واسطة قالوها اشكرة مانعطي الا ذووي الاحتياجات الخاصة.

عموما تبين عندي ان موضوع المحكمة يطول.

انا اقدر اطلع لها كرت زيارة بسهولة عن طريق المعارف، هل اقدر اجيبها الكويت بكرت زيارة ونروح المحكمة ونسوي عقد زواج؟ علما بأنها كرت زيارة سياحية وما عندها إقامة، هل المحكمة راح تقعد علينا؟

وشكرا جزيلا
السلام عليكم اخوي عادي تقدر تزوجه بس كرت زياره للكويت وتروحون عند قاضي وتزوجون مايحتاج اقامه
 
أعلى