شنوا رايكم بهالتصرف

[المنادى]

يا جماعه اشرايكم ان الخرافي قام يتوزيع ( لحم ) على الناس في الصليبخات والدوحه وهي عباره عن كيس بلاستيكي شفاف وبه لحم 0 الرجاء عدم تكذيب الخبر لاني من الناس اللي وصلني كيس اللحم - يمكن الخرافي يحسب ان اهالي المنطقه جوعانين -الظاهر انه نسى ان الاشراف محد يشتريهم --------- والله العظيم انه ما يستحي

 

[دي نيرو]

وصلت لأكياس لحم !! لاحول ولاقوة الا بالله

 

[الأموي]

والله أعتقد لو مافيه خلل ماتجرأ وسواها ،،

لكن اكيد شايف شي من البعض واصابع ايدك مو سوا ،،،

 

[بو لولوه]

إشوي اللحم واعزم عليه ربعك وروح صوت لغير الخرافي.

 

[البيك]

مع اني ما شفت اللحم .......... لكن في ناس اكدوا لي الخبر فعلا

 

[تاج العرب]

الله واكبر صارنا (( ارتيريا )) مو الدوحة ......

الله الغني عنك يالخرافي .... لكن المصيبة انه راح ينجح ....

تكفون ياهل الدوحة انتفضوا ضد المسمى(( الخافي الهافي))

وخله ينفعه لحم القطاوة

 

[ابن الديره12]

واللة العظيم كارثة
شنو فكرتهم عن اهل الصلبيخات واللة عيب اكبر عيب الغناء غنات النفس
مو المال
هذى الفكرة من الي حولية من اهل المنطقة واللة يا جماعة انا لاحظت
الي حولين الخرافي كلهم النطيحة والمتردية من اهل الدائرة

 

[Venezia]

ليش اللوم الاكبر يقع على المرشح !!

قد تكون ذمة المرشح اهترت و بالت مع مرور الزمن بحيث لم يعد يحاكي ضميره ولا يحاسب نفسه .. لكن انت يا ناخب لطالما ضميرك بعده حي و ايمانك قوي .. و ما تهزك ماديات الدنيا تكلم و واجه

و ان شفت الغلط لا تسكت و حاول توقف بوجه المرشح اللي يحاول يشتريك حتى لو كان الثمن كيس لحم .. في جهات امنية و في سلطات قاعدة تحارب هالظاهرة .. الكلام و التذمر وحده لا يكفي ..

صح ولا انا غلطانة ؟

و الله يعين البلد على هالبشر والله

 

[سلندوح]

الى كل شريف كويتي الرد فعليا خصوصا في الدائره الثانيه على هذه الممارسات التي تحط من قدر الناس وتحط من الممارسه الديمقراطيه لجاسم الخرافي وامثاله مخربين الضمائر والذمم.........اذا كان هذا فعله وهو مرشح اشلون واهو نائب ولا قدر الله رئيس ....احنا من شويه ضعنا انتبهوا الكويت ضاعت والله حرام اشناطرين بعد يوزع علينا كنابل وخبز وين الكرامه وعزة النفس.....!!!!!!!!!!!!!!!!!!!!!!!

 

[Venezia]

لو كل ناخب وصل له كيس اللحم و رده للمندوب من عند الباب والله ما كان وصلنا لهذا الحال ..

اللوم الاكبر على كل ناخب قبل بكيس اللحم .. !!

الحديث الشريف ما لعن الراشي بس .. لعن المرتشي بعد .. يا اخوان لا تاخذون نص الاية بس ..

اللوم الاكبر عليكم انتم يا ناخبين ..

 

[BuZaid]

يعجبني طرحك الراقي يا Venezia

 

[mr.fr]

للأسف وصلت بهم الحقاره لهذه الدرجه

يا جماعه احنا مو ميتين جووع
ياجماعه احنا ولله الحمد عندنا اللي يكفينا وزياده
وعندنا القناعه بنصيبنا ولله الحمد واللي لا الخرافي ولا غيره يملكها

يا جماعه هذا التصرف يسيء لمنطقتنا

شنو الخرافي حسباله ان احنا ما ناكل لحم؟؟
احنا ولله الحمد عزايمنا واكلنا من افضل ما يمكن واللي ما ياكله غيرنا

أكلنا وجمعتنا محد يقدر يكسرها ولا احد يقدر يفرقنا إلا على الخير

أرجوكم إذا فعلا هذا التصرف حصل
ردو الصاع صاعين اليوم 17\5
وخلوه يعرف مقدار نفسه وخلوه يعرف إن الرجال ما تقدر بثمن ولا تنباع بكيس لحم

وخلوه ياكل اللحم بروحه لان ذبحه ماتدرون حلال ولا حرام
وماتدرون منو اللي ذاح الخروف
ههه خرووف

يحليله والله

 

[_انا كويتي وبس_]

ياناس انا متأكد انه الخرافي مايدرى عن هالتصرفات لانه البطانه
الله عنده ميته من الجوع واصلا هم لا يصوتون لانهم عسكريين وتدرون انه بيتهم
يحتاج لحم علباله الصليبخات كلها محتاجه لحم
وين عيال الخرافى عنه ؟

 

[jrman]

قلنا لكم هالأشكال ما تستحق الصوت.. على باله بيستعبد الناس بفلوسه !!

 

[السلطاني]

مغلق لسوء الطرح....