خمسين دينار يقعدون سنتيين يبهدولون نواب مجلس الأمه مداولات وحالتهم حاله...
ولما يطلبون مصر ولا سوريا ولا الأردن فلوس بدون مناقشه يبعثون لهم....
قريت بمقال فؤاد الهاشم بالأخير كتب ملاحظه
انه الكهرباء عندهم عجز ميزانية الدوله تعاني من عجر الماي مقطوع ..
الا صندوق الكويتي للتنميه لم يعاني من عجز ابدا .....
ولما يطلبون مصر ولا سوريا ولا الأردن فلوس بدون مناقشه يبعثون لهم....
اللي يحز بالنفس ان وفد صندوق التنميه ياخذ له " فره" بعدة دول ويغدق عليهم
العطاء ولسان حالهم يقول " كم تبون" والطرف الاخر يقول " هل من مزيد"
يعني بعد مو مكلفين روحهم الدول المقترضه او الممنوحه انهم يرسلون وفد
او لجنه او بأي اسم كانت .. صندوق التنميه " برسم الخدمه" ..
وكذلك الماليه ياخذون جوله بالدول العربيه بالاردن لدعم سعر صرف الدينار الاردني
يستاهلون كم مليون بالبنك المركزي ولبنان نفس الحاله ونفس الطريقه ونفس الوضع
ومصر ..والخ ..والخ والخ ..والخ ( والله ودي املأأ الصفحه من عبارة الخ
)
يعني الاخوان جزاهم الله خير عندنا ماعندهم خدمة Take Away فقط ولكن
خدمة home Delivery او توصيل الطلبات مجانا .
اما اللائات الثلاث ( اسقاط القروض _بدل الايجار_ علاوة 50 د.ك) هذا يصير فيه كلام ثاني
ومسالة فيها نظر محكمه دستوريه ولجان ودراسات وبحوث وطلايب حتي تصير مالها طعم
حتي الصحف اليوميه بطلت اقراهم والله من مدة اسبوعين مااحس فيهم
طعم او مصداقيه بس لانه مكتوب باعلي الجريده كلمة " يوميه" فلابد علي
ذلك ان تصدر وتكتب كل شئ واي شئ الا مامن شأنه ان يؤيد ويضغط لماهو
من صالح وفي صميم رغبات وتطلعات المواطنين .
وكمواطن ساصبح مشاهد سلبي بدل من مشارك ايجابي
زبدة الكلام
بالنسبه لي بطلت خلاص مانبي شئ وتعيشون ويكثر خيركم ومشكورين
شئ بدون نفس وبدون اعتبار لمتطلبات المواطنين لاحاجة لي به .
ودمتم سالمين غانمين حالمين متفائلين
سعيدين مبتهجين مبتسمين فرحين