إلى أختي ... وكل أخت .. !!

أم سليمان

عضو فعال
هذي الكلمات كتبتها بعد ما صار سوء تفاهم مع أختي الصغيرة ... وما في علاقة ما يصير فيها سوء تفاهم ... دائما بعض الزعل .. يكون سبب لزيادة المحبة ... والحمد لله هذا حال الدنيا .. والله لا ييب زعل ... وإليكم هذي الكلمات .... عطوني رايكم فيها .. :)



يمكن أكثر من مرّة تغلطين ...
وتأخذج العاصفة وتعصفين ...!!
ويمكن يعلى الصوت ويهبط ...
وعلى ربعج تزيدين ...
وتزيد الردود .. وتشبك أفواه الكلام وما تلين ..:eek:



ولما تهدا النفس .. تلقى إنج ..
نفس الزرع اللي زرعه .. أيو غالي وأم حنون ..
دمج دمي .. وعمر الدم ما يشين ...
أبوج أبوي .. ولا أقدر أمسح إسمه أو تمسحين ..!!
لى صحتي .. بتلقيني أول ..
ولى صحت ... قبلي بتجين ..
يا ما سقيت ورويت ... زرعٍ سقيته بيزين ...:وردة:



أكيد بظنونج رحتي بعيد ... ومعدني بعدج ما تعرفين ...
زينة الدار بأهلها ...
والليل .. بلا قمرة ... وبلا نجوم .. ما يزين ...:قلب:
 

وادي المسك

عضو بلاتيني
مشاعر رقيقه وكلمات مؤثره

الله يخليكم لبعض اختي ام سليمان

الخلافات ملح الحياة ان كانت القلوب نظيفه

اجمل التحيات
 

أم سليمان

عضو فعال
أخواني وادي المسك ... وطن عمري ... شكرا على مروركم ... وأشكركم على تعليقاتكم الجميلة ... ويحفظكم ربي من كل شر ....

مع تحياتي
 

Venezia

عضو بلاتيني
أم سليمان ..

الله لا يجيب الزعل بينك و بين أي انسان بالفعل او الكلام ..

خاصة الاخت .. عزيزة لو مهما تسوي لا يفرق بينكم طول الخصام ..

و إن كنتي الكبيرة اغفري و اسمحيلها و ابدي بالسلام ..

و ان كنتي الصغيرة التمسي لها اكثر من عذر و خفي الملام..

الحب يبقى لو صار التجريح هو سيد الموقف و راح الوئام ..

خلي حبج و حنانج لها ما ينهز مع أي نقاش و أي اصطدام ..

الله لا يحرمكم من بعضكم البعض .. باسم النبي سيد الانام..

و اتحفينا أكثر يا أم سليمان .. من كلام معسول ما بعده كلام ..


Venezia
 

أم سليمان

عضو فعال
حبيبتي فينيسيا ... مشكورة على هالكلام الطيب ... طبعا أنا الكبيرة ... وقلبي متروس حنان على قولة الأهل ... والله لا ييب زعل ... بس ما في بيت ما يصير فيه سوء فهم ... وطبعا الحمد لله سمن على عسل وإنشاءالله إنتو دوم بعد ... وجميع الأعضاء ....

وايش رايج في توقيعي ... تراه من تأليفي ...!!
 

أم سليمان

عضو فعال
على فكرة ما كلمت لكم الموضوع ... دزيت هالمسج حق أختي بنص الليل ... ويمكن قعدت حق صلاة الفجر ودقت علي الفجر ... وإهي نبرة صوتها متأثرة جدا ... وقالت لي كلام أحسن من العسل ... والحمد لله طابت الخواطر ...

ونصيحتي حق كل اثنين يزعلون من بعض ... لا تطولونها .... دزوا مسج حق بعض ... أو سإلوا عن بعض لما تهدون ... ترى الانسان من يقعد بروحه ... يوسوس وتآخذه الظنون ... ويزيد الفراق ... لموا الشمل كثر ما تقدرون ... واختاروا كليمات لطيفة وفيها معزة ... وبعيدة عن الحساب والتشنجات ... والله لا يفرقكم ...
 

Venezia

عضو بلاتيني
الذهب يبقى ذهب لو مرت عليه أيام و سنين
و أنت يا أم سليمان كلامج و توقيعج مكتوب بماي الذهب..
 

أم سليمان

عضو فعال
حبيبتي والله يا فينيسيا ..... وما عليج زود ... وردودج أغلى من غلا الذهب عندي ... وكلامج عندي درر منثورة ... وجزاج الله خير وأسعدج دنيا وآخره ...

وتقبلي تحياتي
 

@Noura@

عضو مخضرم
جميلة تلك المشاعر .....خاصة عندما تنبع من مواقف صادقة......الله لا يحرمكم من بعض يا ام سليمان ..
 
أعلى