اشعار الى المشهورين ...

[دكان]

بسم الله الرحمن الرحيم


هذا الموضوع سيكون مجالا ومساحة لايصال اي فكره عبر كلمات شعريه قصيره ومعبره وهو شبيه باشعار الى الزملاء ..


الى صاحب السمو امير البلاد .


ياشيخنا كل البلد واللي سكن فيها بعد
أجنود لك تامر وتنهى ياامير
سمع(ن) وطاعه والضمير
وكل مانملك يكون
تحت العيون
ولجلك يكون
يا قائد الفذ الشهم
يحي العلم
يحي الامير
ويطول في عمرك دهر
ولجل مانحصد زهر
انت الوفي لاهل الوفى
ياراعي الحب والدفي
لكل الوطن
وانت الامير
تامر وتنهى ياامير ...



ولنا عوده ...



ودمتم,,,

 

[دكان]

بسم الله الرحمن الرحيم


الى سمو ولي العهد ..


انت السند تسمى بكم هذي البلد
سيد الرجال
قوم كفو شقوا المحال
صاروا رياده والزموا
سير البلد
صارت بلادي كل شي
في (ن) وضي
صارت بلادي هي الهوى
وكل الدوى
وعشق وحب
بوسط القلب
وانت لنا ولي العهد
ذخر وسند
رجل ولا كل الرجال
وانت السند
وتسمى بكم هذي البلد ..



ولنا عوده ..



ودمتم,,,

 

[دكان]

بسم الله الرحمن الرحيم


الى سمو رئيس مجلس الوزراء ...


فكر واختار ياراعي الفكر
وخطط وتكتك قبل فوت العمر
وقرر بكيفك ترا فكرك سليم
والا يا راعي الفكر تبتستشر ؟
الوزاره ناطره حكم الحكيم
والوزير اللى بيحكمها سليم
مانبي اوهام من ذاك الوزير
اللى في يومين تازيم وخطر
ولانبي اوهام في عز الحراره
وصيفنا يذبح ترا ويكفي مراره
وانت ياراعي الفكر لك نظرتك
وفوق هذا الامر لك كلمتك
نقطتك جمله اذا ضاع الكلام
وحرفك منور اذا حل الظلام
بس يكفينا رجل مو مستتر
وانت ياراعي الفكر تبتنتصر ..

قالوا اصلاحي يقولون الجماعه
وانت اصلاحي تميزك القناعه
وانت ياراعي الفكر تبتنتصر ...



ولنا عوده ..



ودمتم,,,

 

[دكان]

بسم الله الرحمن الرحيم


الى اعضاء مجلس الامه ..


بطلوا صراخ وعتاب
وكافي تازيم ومشاكل
ترا ملينا سباب
ترا بس فرصه اخيره
وتالي بيضيع الجواب
ترا بس فرصه وحيده
وعقب كشوا هالذباب
ترا مجلسنا موقر
والعزيمه فيه اكبر
فيه اخوان وقرايب
وفيه بدوان و تحضر
كلهم خمسين نائب
بين مشكور وموقر
ترى ملينا تربص
تربطون بذاك عصعص
تنطرونه بس يسولف
تقسمونه النص بالنص
وترا يكفيكم سباب
انا بنصحكم واروح
الوطن وده يبوح
الوطن وده يسولف
عن تكبير الجروح
ذاك يكسر له مدينه
وعقب يمد ايده علينا
واذا ودنا بس نطقه
شاح في ايده وتعلى
وقال تحيا هالحصانه
اسمعوا الكلمه الاخيره
اذا ماتصفون حالكم
والنفوس تصير حلوه
ترا بس فرصه اخيره
وتالي كشوا هالذباب ..



ولنا عوده ...



ودمتم,,,

 

[دكان]

بسم الله الرحمن الرحيم



الى وزير الداخليه ...


الله يعينك يالوزير على حمل هالامانه
وتدوم ديرتنا الحبيبه بلا خيانه
انت بيدك كل شي
بيدك الامن والامان
بيدك الناس تسير بلا زحام
وبيدك الناس تعيش بلا كلام
بس خطط وقرر من غير
كلمة الميانه ..
جنس اللى له ثوابت
وخله مابين الوطن
شخص متحبب وساكت
روحه في حب الكويت
والكويت احلى بلد
مهما قالوا انتهت مره وراحت .
لازم اتصير وزير بلا هواده
طبق القانون وانشر هالعداله
مانبي قانون ولا شي(ن) بداله
نبي نوقف كلنا مثل الاوادم
ماكو احد ينسجن والثاني حر
كلنا بقانون واحد ولامفر
والله يعينك يالوزير على حمل هالامانه ..



ولنا عوده ..



ودمتم,,,

 

[دكان]

بسم الله الرحمن الرحيم



الى وزير الدفاع ...


الحمايه والتسلح والرجوله
كلها خصلات تثبتها الليالي
ومانبالي
دام لستعداد جاهز
وذاك بارز يبيبارز

يحمي الديره بكبرها
مع اهلها
ومايبالي ساعه وحده في خطرها
رجال يحمون البلد
رجال اقوال وسند
وانت ياشيخ الوزاره
الذكا من ذي الشطاره
نبي سلاح امتطور
ونبي دورات تخرج لنا جندي تكتيكي واقشر
يفهم سلاح الجديد
ولو نكرر او نعيد
الحمايه والتسلح والرجوله
هذي نطلبها ونبيها بالجنود




ودمتم,,,

 

[دكان]

بسم الله الرحمن الرحيم



الى رجب طيب اردوغان ..



ياسلام الله عليك
سويت شي مايسوونه الجماعه
شهالشجاعه
قمت ووبخت الكريه
يسلم السانك واصلك
ومن فعالك بنلاقي انتفاعه

طيب انت واسمك الطيب فخر
انت كسرت الصخر
انت حطمت القيود
انت ياطيب نصر

فيك بنلاقي الشهامه والرجوله
فيك بنلاقي الشجاعه
فيك بمدح فيك طول وقتي
وكل ساعه
فيك نفخر ونقعد نسولف دهر
ياسلام الله عليك ..




ودمتم,,,