سؤال وجواب يعني شنو؟

Investorkw

عضو جديد
السلام عليكم إخوتي

بغيت أسأل يعني شنو المحل للبيع خلو مثلا لقيت محل للبيع ب٢٠ ألف دك
والايجار بألف مكتوب

انا ما اعرف بهالامور يعني لو اشتري المحل ب٢٠ الف اقدر ااجره بالف وشوب .. يجيني الف وشوي كل شهر وهل علي رسوم ثانية زيادة
(البيع خلو)

يعني المحل يصبح ملكي تماما؟ ولا في اشياء ثانية ادفعها
(الربح مو لي بس انا اخذ قيمة الاجار من صاحب العمل اللي بيشتغل فيه؟)
 
التعديل الأخير:

م س ل م

عضو فعال
شوف اخوي الكريم

مثلا هناك شخص عنده محل لبيع الهواتف .............. وهذا الشخص لا يملك المحل وإنما هو مؤجر فقط يعني كل شهر يدفع لمالك المحل ايجار شهري ............ يعني مثلا بالشهر طلع ارباح 3000 دينار مثلا ......... الف دينار ايجار للمحل والفين دينار له

مثلا انت شفت المحل وعجبك موقع المحل .... فقررت تاخذ المحل ..... رحت لصاحب المحل وقلت له ابي المحل ؟؟؟ قالك اوكي اعطيك المحل ولكن ابي خلو ؟؟ قلت له جم تبي خلو ؟؟؟ قالك ابي 20 الف دينار ............... اذا وافقت انت راح تعطيه 20 الف دينار ويطلع من المحل .... ويصير المحل لك بس ماهو ملكك لا المحل لا زال ملك الشخص الثاني اللي كان يدفع له راعي محل الهواتف الإيجار .... فلما تاخذ المحل انت لازم تدفع الإيجار الشهري لصاحب المحل وهو الالف دينار كل شهر .... يعني انت تدفع العشرين الف دينار الخلو لصاحب محل الهواتف علشان يطلع وبعد ما يطلع انت لازم كل شهر تعطي صاحب المحل الإيجار

إن شاء الله تكون فهمت
 
أعلى