من المسؤول الحكومه ام المجلس عن تاخر التنميه

[ala7sas]

السلام عليكم ورحمة الله وبركاته ​

الحكومه هي السبب في تأخير التنميه والتطور !!​

المجلس هو السبب في تأخير التنميه والتطور !! ​

الجملتين هذي كثيرا ما سمعناها الكل يلقي التهم على الاخر وما عرفنا منهو السبب الرئيسي في تأخير التنميه والتطور !!​

انا محتار من ثاني جمله اللي السبب فيها المجلس لاني ماني عارف شنو دخله المجلس في التنميه هل هو بسبب الاستجوابات اللي انعرفه ان الاستجواب للوزير مو لموظفين الوزاره اللي يطورون البلد الوزير يوقع على المشروع وموظفين الوزاره هم اللي يشتغلون بالمشروع
وفيه سؤال اطرحه هنيه هل اذا استجوب الوزير توقف المشاريع اللتي تقوم فيها الوزاره ؟؟؟ ومافيه وكلاء يديرون الوزاره اذا تفرغ الوزير للاستجوب !!​

انا شخص معرفتي متواضعه في السياسيه والاقتصاد اتمنى القى اجابه على تساؤلاتي​

دمتم بود ​

 

[بو مشيري]

لا تبوق لا تخاف ..

شوف منو الخايف ، وبتعرف الجواب !

 

[كويتي وبس_]

والله اعتقد الاثنين يتحملون مسولية تأخر التنميه

 

[ala7sas]

لا تبوق لا تخاف ..

شوف منو الخايف ، وبتعرف الجواب !

كأني وصلت نص الاجابه من ردك هذا

تسلم ايدك اخوي الغالي بو مشيري

 

[ala7sas]

والله اعتقد الاثنين يتحملون مسولية تأخر التنميه

هلا فيك يالغالي كويتي وبس

نورت الموضوع في مرورك ومشاركتك

اخوي كويتي وبس

ممكن تذكرلي شنو دخله مجلس الامه في التأخير ؟

هل هو من يعمل في هذي المشاريع ؟؟

مثال بسيط

مستشفى جابر من سبب تعطيله حتى الان ؟؟

وما علاقة المجلس في توقف المستشفى ؟

 

[متابع.com]

ردي كالاتي:

الحكومة هي الجهة التنفيذية
المجلس هو يمثل السلطة التشريعية و الرقابية

ليش الحكومة ما تشتغل بوجود الرقيب؟؟؟ او ليش الحكومة ما تاخذ راحتها بالشغل في وجود الرقيب؟؟؟؟ مع ان الوزراء النظيفين تلقاهم يشتغلون و ما يشتكون من شي لا مجلس ولا غيره

تعجبني بسؤالك هذا يالاحساس

 

[ala7sas]

ردي كالاتي:

الحكومة هي الجهة التنفيذية
المجلس هو يمثل السلطة التشريعية و الرقابية

ليش الحكومة ما تشتغل بوجود الرقيب؟؟؟ او ليش الحكومة ما تاخذ راحتها بالشغل في وجود الرقيب؟؟؟؟ مع ان الوزراء النظيفين تلقاهم يشتغلون و ما يشتكون من شي لا مجلس ولا غيره

تعجبني بسؤالك هذا يالاحساس

هلا وغلا والله فيك اخوي متابعكم

تدري شنو المشكله اخوي

اني اسمع ناس شكثر يحطون اللوم على المجلس في تعطيل التنميه مع انه بنظري ان المجلس ماله علاقه بالتأخير هذا الا حدثت تجاوزات في المشاريع وهذا لصالح الدوله ورقيها

تدري السؤال هذا مزعجني من عمر واتمنى اني القى اجابه تقنعني انه فعلا المجلس هو سبب التعطيل

 

[المهم^الكويت]

مجلس 2006 خوش مثال لتأخير التنميه. الحكومه لا تقدم خطتها....المجلس لا يجبر الحكومه على تقديم خطتها.

من المسؤول من لم يقم بتقديم خطته؟ او من لا يمارس دوره في اجبار الحكومه على تقديم خطتها لمحاسبه الحكومه في تأخير التنميه من خلال خطتها؟

اثنينهم طبعا

 

[متابع.com]

صحيح كلامك يالحبيب و عادة هالنوعية من الناس غير متابعين للمجلس و ما يرددونه يكونون عادة سمعوه في احد الدوانيات او قرأوه في احد الجرايد الصفراء و يا كثر ما يرددون " شنو استفدنا من المجلس غير الصراخ" عموما الله يستر على الكويت من عيالها

 

[ala7sas]

مجلس 2006 خوش مثال لتأخير التنميه. الحكومه لا تقدم خطتها....المجلس لا يجبر الحكومه على تقديم خطتها.

من المسؤول من لم يقم بتقديم خطته؟ او من لا يمارس دوره في اجبار الحكومه على تقديم خطتها لمحاسبه الحكومه في تأخير التنميه من خلال خطتها؟

اثنينهم طبعا

من صاحب الحصه الاكبر في التعطيل ؟؟؟

 

[المهم^الكويت]

من صاحب الحصه الاكبر في التعطيل ؟؟؟

انت

اتغشمر معاك

اخوي اذا اثنينه ارتكبو جريمه او باقو فلوس راح تقول منو الي باق اكثر؟

اهي عمليه مشتركه وللمجلس الحق في فرض اجندته على الحكومه.

 

[ala7sas]

انت

اتغشمر معاك

اخوي اذا اثنينه ارتكبو جريمه او باقو فلوس راح تقول منو الي باق اكثر؟

اهي عمليه مشتركه وللمجلس الحق في فرض اجندته على الحكومه.

لا تغلط

اتغشمر معاك

اخوي المهم الكويت

يعني افهم من كلامك ان المجلس يفرض اجندته مثلا على وزارة الصحه انها ما تبني اي مستشفى جديد ؟

او ان الوزاره ما تنفذ اي مشروع مثلا ما تبني اي مستشفى الا بأذن من المجلس ؟

 

[الكويت روحي]

الحكومة والمجلس والشعب

الحكومة لعدم وجود خطة متكاملة للنهوض بالبلد

المجلس لعدم وجود رؤية كاملة بكيفية التعامل مع الحكومة

الشعب يبي فلوس على حساب التنمية