ماذا يحدث فى الاسواق ؟

سليل الجود

عضو مخضرم
تونى راد من سوق الفحيحيل

مريت سنتر بوينت والدبوس واجيال

شى مو طبيعى اللى قاعد يصير

والله العظيم وهذا انا احلف لكم

لولا الشباب اللى رايحين قز ومغازل لتشوفون الاسواق شبه فاضيه

يعنى ماكو زحمه سيارات والا مداعم بالاسواق

فعلا شباب تافه وفارغ

طبعا اتكلم عن اللى رايحيين مغازل بس

مثل واحد يبى يرقعها الحبيب شاري لى عطر وماسك كيس ويتمشى

يعنى شوفوا انا مو منهم انا معاى كيس

وواحد مربى لى ذيل على ظهره ويبى يغازل

وواحد طاق الشنب وشكله ئرف

وكل واحد طالع بشغله غريبه عجيبه

وبس طردى ورا هالبنات وهالعوائل

يعنى لا عندهم شغل ولا يعرفون جلسه ديوانيه ويقعدون باحترامهم

واحد من الربع عنده محل هناك ويقول لى شغلات غريبه

منها يقول يوميا تصير سوالف كلها قله ادب

بنت مع ماشيه بحالها يقوم واحد من هالصايعيين ويسوى لها حركه وصخه

البنت شنو تسوى بهالحاله هذه؟

ان سكتت ويلاه وان صرخت واويلاه

لما اقول حركه وصخه ترى يعنى يلمسها مو يأأشر لها

وكل يوم هوشه

قلت لصاحبى اكيد انها متبرجه او تضحك لهم او أو

قال لا والله بنت منقبّه وساتره حالها

ويقول صاحبى انا قبل اعارض اللى يقولون لجنه الظواهر السلبيه

او الهيئه وهالامور هذه ولكن بعد اللى شفته لا والله

الامر خطير وانا قمت ما اجابل المحل لان كل اتهاوش مع هالاشكال

وابلغ الشرطه وماكو فايده

يقول بعض الشرطه اسوء من هالشباب الصايع

الحين بعرف وين اللى يحاربون لجنه الظواهر السلبيه

يرضون باللى يصير من كتائب الشباب المنحرف سلوكيا

بتجاوزاته على بنات عوائل محترمه؟؟

والا بس معاهم معاهم عليهم عليهم

من امن العقوبه اساء الادب

وكل منحرف فى الكويت أمن من العقوبه

والضحايا انتم

الحل شنو مع الشباب؟







 

بو عصام

عضو بلاتيني
موضوع ممتاز ويوجع القلب بنفس الوقت

هالأمور قاعدة تمضي من السئ الى الأسوء

هالشباب شنو اللي شافوه او حسوه حتى يتصرفون هالتصرفات!! تراها تسيب والجرأة وهم عارفين مقدما بأنه لايوجد عقاب.. كل واحد فيهم عارف 20 قصة تحرش وتدخل شرطة وهواش والنتيجة لاشئ..فتشوفه مايكترث بالقانون ولا برجال القانون.

الموضوع طويل وشائك..بدأ من تسيب "الفوق" ولي عودة لكن الهيئة ليست الحل السحري
 

Bello

عضو ذهبي
البيئة التي أتى منها الشباب هي السبب

لو وضعوا مليون قانون فلن يصلح الشباب و البنات دام ان التربية كانت مبنيه على عدم احترام القانون
 

العبدلي

عضو بلاتيني
الشباب ضايع

بس الأضيع البنات

بنت حاطه نقااب ((تكفى لاتطيح)) وشاقه الكحل

بنت لابسه جينز ونافشه شعرها وحاطه مكيااج عرس تقول رايحه سهره

وبنت لابسه مخصر تقول ربنا كما خلقتنا ماكنها لابسه شي

يعني لو تلبس البنت لبس محتشم ويكسر العين من النظره

راح يختشون الشباب على وجيهم ويعودون أدراجهم

المشكله والي محيرني ومخليني اتنرفز ليش بس بالشهر الفضيل

البنات يكثرون من هذي الفتن والمكياجات في الوقت هذا
 

والله ياخي يا سليل الجود انا اتوقع لو تم وضغ باصات من قبل الشرطه وتحميل الشباب المستهتر ماراح نحصل مثل هالشباب المتسكع

وفي مشكله ثاني انت ملاحظ زحمة دوار مكه الداخل مفقود والخارج مولود :confused:

يااخي والله لو تم وضع دوريه واحد ه تنضم السير لما شاهدنا مثل هذه الازدحامات

يعني مشكله الواحد مادري شلون ياخذ عياله واهله للتسوق للعيد وين يحصل مصفط انا الظاهر هالعيد هذا بتسوق مشي من بيتنا للفحيحيل:confused:
 

تأبط رأيا

عضو بلاتيني
قبل سنوات كنت اشاهد باصات لتحميل الشباب الصيّع "آل بو قذيله"..جعله وجه(ن) يلفلف...والله انك ما تسّرحه في الغنم, إرخمه على اربع شوارع, ومشكلته انه يعتقد انه حلو وعليه حركات تفقع المراره.
قبل سنه والله وبالله اني شفت واحد من هالصيع (....) وحده, والمسكينه سكتت خوفا من الفضيحه والمشاكل, وحاولت اتدخل لكن مسكني من كان معي ورفض تدخلي وبلغ عسكري كان واقف عند الدورية ومدري شصار عليه عقبها.

وين اختفت الباصات؟
اين ذهب وزير الداخلية ابو التصريحات النارية على الطل؟


اما الزحمه وخصوصا عند دوار شارع مكه فاللي يبي الضغط والسكر ما يجيه بدري لا يمر معه.
 

kkk

عضو مخضرم
هناك ملاحظه مهمه جدا
وهى لماذا السوق فاضي وين الناس؟؟؟
وهذه مو العاده فى شهر رمضان.....ليش ماكو فلوس فعلا!!!
طبعا فى الفحيحيل....قصدي
طلعنا جيران يا سليل الجود
تحياتي
 

سليل الجود

عضو مخضرم
موضوع ممتاز ويوجع القلب بنفس الوقت

هالأمور قاعدة تمضي من السئ الى الأسوء

هالشباب شنو اللي شافوه او حسوه حتى يتصرفون هالتصرفات!! تراها تسيب والجرأة وهم عارفين مقدما بأنه لايوجد عقاب.. كل واحد فيهم عارف 20 قصة تحرش وتدخل شرطة وهواش والنتيجة لاشئ..فتشوفه مايكترث بالقانون ولا برجال القانون.

الموضوع طويل وشائك..بدأ من تسيب "الفوق" ولي عودة لكن الهيئة ليست الحل السحري

عوده الهيئه ؟

شدعوه اهى كانت موجوده عشان تعود

حبيب قلبى يا بو عصام

وانا قاعد مع رفيجى نتقهوى فى اجيال

قعدت اتخيل اثنين المطاوعه من الهيئه وواقفين ومعاهم خيازرين

تخيل معاى هالعوائل شلون راح تتسوق بمنتهى الامن والامان

لا عيون مبققه عليهم ولا كلام فاحش راح يسمعونه

ولا حركات وصخه راح يتعرضون لها

وانا على شكلى اول واحد راح يمنعونى من الدخول للمجمع وانا راضى

السؤال شنو سلبيات الهيئه اللى بتكون ؟

بانتظار عودتك يالغالى


 

سليل الجود

عضو مخضرم
البيئة التي أتى منها الشباب هي السبب

لو وضعوا مليون قانون فلن يصلح الشباب و البنات دام ان التربية كانت مبنيه على عدم احترام القانون

اخوى Bello

سلبيات المجتمع كثيره وانت من المتصدين لهذه الظواهر بارك الله فيك

مو كل شى على الاسره والبيئه

عيالك اللى اهم عيالك

تربيهم احسن وافضل تربيه

يرجعون من المدرسه متعلمين كلام بذىء

اهنيه انا ما الومك كأب ولكن الوم وزاره التربيه

تجد الاب صالح وفاضل لكن واحد من اولاده منحرف سلوكيا

بسبب المدرسه وزملاءه او من الشارع ورفقاءه

والله يستر من تاليها
 

سليل الجود

عضو مخضرم
الشباب ضايع

بس الأضيع البنات

بنت حاطه نقااب ((تكفى لاتطيح)) وشاقه الكحل

بنت لابسه جينز ونافشه شعرها وحاطه مكيااج عرس تقول رايحه سهره

وبنت لابسه مخصر تقول ربنا كما خلقتنا ماكنها لابسه شي

يعني لو تلبس البنت لبس محتشم ويكسر العين من النظره

راح يختشون الشباب على وجيهم ويعودون أدراجهم

المشكله والي محيرني ومخليني اتنرفز ليش بس بالشهر الفضيل

البنات يكثرون من هذي الفتن والمكياجات في الوقت هذا

للامانه اخوى العبدلى انا شفت هالمناظر بس والله قليله

والاغلبيه من البنات مع امهاتهم او خواتهم ويمشون بستر واحتشام

بعطيك مثال

شفت وحده ما شاء الله عليها ايه بالجمال

بنت يمكن عمرها 19 سنه

ووراها امواج بشريه من الشباب المتوحش

انا اهنيه ما الومهم لان البنت جميله بشكل خيالى

وقد أظهرت وجهها وقذلتها بشكل مغرى جدا جدا جدا << قلبه متروسه

الله يهديها ويستر عليها

 

سليل الجود

عضو مخضرم
والله ياخي يا سليل الجود انا اتوقع لو تم وضغ باصات من قبل الشرطه وتحميل الشباب المستهتر ماراح نحصل مثل هالشباب المتسكع

وفي مشكله ثاني انت ملاحظ زحمة دوار مكه الداخل مفقود والخارج مولود :confused:

يااخي والله لو تم وضع دوريه واحد ه تنضم السير لما شاهدنا مثل هذه الازدحامات

يعني مشكله الواحد مادري شلون ياخذ عياله واهله للتسوق للعيد وين يحصل مصفط انا الظاهر هالعيد هذا بتسوق مشي من بيتنا للفحيحيل:confused:

ذاك اول يا يالغالى

على وقتنا احنا

ايام الباصات والتحليق على الصفر وضرب الخيازرين

تربينا وصرنا اوادم والله

هيبه القانون وهيبه الشرطى وهيبه الداخليه وهيبه البى

اللى ما يعرفون البى هذه دوريات قبل الغزو

سياره بى ترهب الشباب مالا ترهبه الف دوريه بى ام الحين

الحين وساطات اضاعت البلد وضيعت الشعب

الحين فى بيتك ما تامن على نفسك وعيالك

واسطات واعضاء مجلس امه يتوسطون على اتفه الامور عشان الانتخابات

والحكومه ضعيفه هزيله

 

العثماني

عضو بلاتيني
خل الشباب يعيش حياته

يعني متى راح يغازل لما يشيب

والبنات مسكينات .. كيف يعشن الحياه دون كلام غزل


هكذا هي الحياه ..ولكن

ادعوا الله ان يهدي الشباب والبنات الى طاعته


لم توجد المرأة الا ليسكن لها الرجل

دائما تذكر

عندما تقول للشباب اذكروا الله ... يقولون ... لا اله الا الله
 

سليل الجود

عضو مخضرم
قبل سنوات كنت اشاهد باصات لتحميل الشباب الصيّع "آل بو قذيله"..جعله وجه(ن) يلفلف...والله انك ما تسّرحه في الغنم, إرخمه على اربع شوارع, ومشكلته انه يعتقد انه حلو وعليه حركات تفقع المراره.
قبل سنه والله وبالله اني شفت واحد من هالصيع (....) وحده, والمسكينه سكتت خوفا من الفضيحه والمشاكل, وحاولت اتدخل لكن مسكني من كان معي ورفض تدخلي وبلغ عسكري كان واقف عند الدورية ومدري شصار عليه عقبها.

وين اختفت الباصات؟
اين ذهب وزير الداخلية ابو التصريحات النارية على الطل؟


اما الزحمه وخصوصا عند دوار شارع مكه فاللي يبي الضغط والسكر ما يجيه بدري لا يمر معه.

وزير الداخليه مغلوب على امره

لان هناك اعضاء مجلس امه واقفين ضده

يا اخى الحين مروج مخدرات يروحون يتوسطون له

كل هذا عشان الاصوات

بالنسبه لدوار مكه

عندى حل لكم

شوفوا فى فتحه حق مؤسسه الناقلات قبل دوار مكه وانت جاى من الصناعيه

والله شباب طيبين هالموظفين

ادش عليهم واقول يا شباب مالى خلق الزحمه وبوقف فى مصافطكم

ولا مره ردونى جزاهم الله خير

عاد مو اروح باجر اشوف المصافط فل وكله سيارات اعضاء الشبكه الوطنيه

 

سليل الجود

عضو مخضرم
هناك ملاحظه مهمه جدا
وهى لماذا السوق فاضي وين الناس؟؟؟
وهذه مو العاده فى شهر رمضان.....ليش ماكو فلوس فعلا!!!
طبعا فى الفحيحيل....قصدي
طلعنا جيران يا سليل الجود
تحياتي

شلون احنا جيران وتقول سوق الفحيحيل فاضى ؟

يالغالى k k k اخاف انت رايح بعد صلاه الفجر ؟:p

عموما فعلا المعاشات ما نزلت وهذا اللى خفف وطأه الزحمه

وانا ساكن فى هديه حياك على الفطور باجر
 

سليل الجود

عضو مخضرم
خل الشباب يعيش حياته

يعني متى راح يغازل لما يشيب

والبنات مسكينات .. كيف يعشن الحياه دون كلام غزل


هكذا هي الحياه ..ولكن

ادعوا الله ان يهدي الشباب والبنات الى طاعته


لم توجد المرأة الا ليسكن لها الرجل

دائما تذكر

عندما تقول للشباب اذكروا الله ... يقولون ... لا اله الا الله

الحمدلله انه يذكر الله اخوى العثمانى

بس هل الشباب يخاف الله ؟

انتهاك للاعراض وكلام فاحش ودعوه للفسوق

انا مو باط جبدى الا واحد يمكن عمره 40 سنه

ومسوى تنظيف بشره وطاق السبعه وهالنشا تقول حيه كوبرا

انا خفت يلدغنى بصراحه

ويمشى وسط هالشباب وصابغ الشنب

وحاك اللحيه بقزازه

وياناس ترانى شباب واغازل

فعلا النساء فتنه الله يعصمنا
 

ريما القمر

عضو مخضرم
يالهوي

أنا كنت هناك اليوم :eek:

لفت نظري كثرة الشباب ...

وصادفت وحده استغفر الله

كنا في أمان الله واقفين قرّبت وحده قالت لأختي لو سمحتي بقولج شي ..

اختي : شنو

المصرقعة : تدرين أنا مره كنت راكبه مع تاكسي وطلع يشرب كلونيا

اختي : أمبيه أعوذ بالله

...... أنا توقعت تمهد لنا تبينا نوصلها مكان بالسيارة ,,,,,,

المصرقعة : أكلم الشرطي أقوله عشان يفتش عليهم ( تقصد التكاسي )

اختي الخبله : إي والله قولي

المصرقعه تقول لولدها .. اقعد عند المره شوي وأرجع :eek:

أنا الذكية فديتني إلتفت على الشرطه لقيت اللي بالدوريه 2 ظباط مزايين :D وانتبهت على واحد في نجمتين على كتفه .. :eek:

دخلت بالموضوع مقاطعة ،،

أنا : لا تكلمينهم .. الشرطه عارفين شغلهم وقايمين بالواجب

المصرقعه : أنا أخوي بالداخليه لما قلت له قال زين علمتيني :confused:

أنا : لااااااااااااااااااااااا . لا تكلمينهم مو لازم ... أصلاً أي دورية تشك بقائد سيارة ينزلونه وعندهم اختبار يطبقونه ويكشفون عليه مو ناطرين منج تنبيه



البنت الله واعلم تبي ترقم الشرطه

وتخلي ولدها عندنا عشان ما يفتن عليها :إستنكار: :إستنكار: :إستنكار:


شكراً سليل






 

سليل الجود

عضو مخضرم
يالهوي​


أنا كنت هناك اليوم :eek:

لفت نظري كثرة الشباب ...​

وصادفت وحده استغفر الله​

كنا في أمان الله واقفين قرّبت وحده قالت لأختي لو سمحتي بقولج شي ..​

اختي : شنو​

المصرقعة : تدرين أنا مره كنت راكبه مع تاكسي وطلع يشرب كلونيا​

اختي : أمبيه أعوذ بالله​

...... أنا توقعت تمهد لنا تبينا نوصلها مكان بالسيارة ,,,,,,​

المصرقعة : أكلم الشرطي أقوله عشان يفتش عليهم ( تقصد التكاسي )​

اختي الخبله : إي والله قولي​

المصرقعه تقول لولدها .. اقعد عند المره شوي وأرجع :eek:

أنا الذكية فديتني إلتفت على الشرطه لقيت اللي بالدوريه 2 ظباط مزايين :D وانتبهت على واحد في نجمتين على كتفه .. :eek:

دخلت بالموضوع مقاطعة ،،​

أنا : لا تكلمينهم .. الشرطه عارفين شغلهم وقايمين بالواجب​

المصرقعه : أنا أخوي بالداخليه لما قلت له قال زين علمتيني :confused:

أنا : لااااااااااااااااااااااا . لا تكلمينهم مو لازم ... أصلاً أي دورية تشك بقائد سيارة ينزلونه وعندهم اختبار يطبقونه ويكشفون عليه مو ناطرين منج تنبيه​



البنت الله واعلم تبي ترقم الشرطه​

وتخلي ولدها عندنا عشان ما يفتن عليها :إستنكار: :إستنكار: :إستنكار:​


شكراً سليل​

وانا اقول ليش المراه اللى عطتنى رقمها خلت ولدها على بنات ثنتين

امممممم الحين فهمت:confused:


هذى عاد اللى تسوى هالحركه يعنى مادري شلون اوصفها

بس اقول الله يهديها والا ياخذ عمرها

وفعلا بعض البنات نسأل الله السلامه

اذا كانت جيكره قامت تصبغ فى هالويه وهالميك اب لين تصير كانها لابسه قناع

واذا حلوه يكفى بس تطيّح القذله على عيونها

نسال الله ان يهدى الجميع ويغفر لنا ويحسن خاتمتنا

شكرا للحضور الجميل اختى ريما القمر
 

JeNaN

عضو بلاتيني
اللي يصير بالاسواق نتيجة الفراغ الزايد عند الشباب...الانسان اللي امقضي يومه بالشغل والانشطة المفيدة بمجرد مايحصل على وقت فر اغ يقعد في بيتهم ولايجابل الدواوين يخالط الرياييل اما التسكع بالاسوقة هذا شغل الفاضيين.
 

kkk

عضو مخضرم
شلون احنا جيران وتقول سوق الفحيحيل فاضى ؟


يالغالى k k k اخاف انت رايح بعد صلاه الفجر ؟:p

عموما فعلا المعاشات ما نزلت وهذا اللى خفف وطأه الزحمه


وانا ساكن فى هديه حياك على الفطور باجر
؟؟؟
بصراحه الساعه 11 ماكو احد .....ليش؟؟؟
بالنسبه لمواقف الناقلات كلهم ربعي وانسى بعد اليوم
لا وبعد خصم على الشباب؟؟؟
وزين قلت ....علشان نقضي على الفساد فى القطاع النفطي؟؟

وبعدين انا فى مبارك الكبير ....قريب حيل ...اشاره مرور فقط
وانت حياك على السحور بس ايام العمل الرسميه والسحور قبل الاذان بنص ساعه
تحياتي
 

حلوة الكويت

عضو مخضرم
:D

موضوع...يعدل الراس...يمزمز...

اولا...

ولله الحمد نحن في عاصمة الجهراء;)..ماكو هالتحرش ولله الحمد...الانه اذكر من سنة قام الشرطة هنا بوضع حل لهذه الظاهرة..والانها تنتشر وبكثرة في رمضان قاموا..بتحليق كل من يغازل:D..وخبرك بو قذيله شنو الى يموته قهر ويتوبه الا ذهاب قذلته...
ولو يرجعون هالقانون او يحطونه عندكم..راح تلقون نتيجة ولا احلي..ولا اجمل ..ويكثرون الصلعان عندكم:)...

اما بالنسبة ...لما..السبب يرجع الى فتح الباب للكل..يعني احنا ولله الحمد في الخيمة مول..واغلب المجمعات ان كثرة فيها هالاموار...يمنع دخول الشباب ويكون فقط للعائلات...
وثانيا للحل الاموار...الشباب وين يرحون..مو خبرك الديوانيات ازيلت..
ولله الحمد...تم انشاء اكبر ملعب للشباب في الجهراء..وسوف يتم الافتتاح قريبا...
يعني...
من سنتين ما شفت احد في الجهراء غازل...لله الحمد...;)
ولكن ان كنت تبي من يغازلك...
روح...شرق او المارينا او الافينواز...او...الى قلت عليه:)...

واما بالنسبة الى الحركات...نعم سمعت بمثلها...واذكر حل قامت به عجوز تم التحرش ببنتها..
بس الانه شوي جرئ...اي قامت بحركة مثلها...:eek:...وانتم افهموا...
المهم...
يقولك الحشر مع الناس عيد...وهنا عيد الشباب المستهترين....
ولكن؟..
في كل الظروف المحترام ..محترام في كل مكان:)..تحياتي
 
أعلى