بكرة الأحد ستدخل بنتي وقرة عيني وفلذة كبدي أم اربع سنين للروضة
وهي أول طفل لي يدخل مدرسة لأنها أكبر عيالي
ما تصورون يا جماعةفرحتها بثوبها الأزرق
سبحان الله مرت السنين بسرعة
الله يحفظها ويصلحها ويحفظ عيالكم ويصلحهم
والله يا جماعة قبل كنت أسمع ولما شفت تأكدت عن البنات
والله البنات نعمة وحنونة علي ولما أروح البر أو اطلع تدق علي تلفون : وينك يابا يالله لاتطول ( يمكن أحد محرشها )
احبها أكثر من أخوها الصغير يمكن لأانها أول طفل
أخاف عليها بكرةلما تروح للروضة وأدري إن الأابلات ما يقصرون
أخاف يسولفون وما ينتبهولها
أخاف صبي يطقها وإلا يتحرش فيها وإلا يرقمها !!!
اخاف عليها تجوع وإلا تعطش
اخاف عليها من السيارات
ما أتحمل دمعتها يمكن أبكي معها
بنتي الحبيبة الغالية :
بكرة تبدين أول خطوة لج في الدراسة الله يوفقك وتصيرين دكتورة
لما أصلي السنة في البيت تجي وتصلي معاي وأنا شاري لها ثوب صلاة علشان أعودها على الصلاة ولو بدون وضوء ورفع يدينها وتدعو تقلدني !
وإذا تأخرت عن الصلاة تقولي بابا تراك ما صليت
ودايما تسألني : بابا الله ياكل معانا ---- استغفر الله معلش جاهل ما تقصد
وتسألني : الله وينه
ولما يؤذن تجيني ركض
بابا بابا أذن أذن يالله قوم
اسم الله عليها الله يحفظها ويكفيها شر العين
وأمها رأت فيها في المنام أنها ( يعني البنية ) لابسة ثوب أبيض طويل وتوزع طعام على الناس
أنا دايما كنت أدعو قبل زواجي وبعده حتى قدام الكعبة وفي السجود وبين الأذان والإقامة وغير وغير : اللهم ارزقني الذرية الصالحة
وأسأل الله عزو جل أن يكون استجاب دعائي
عموما :
اسمحولي على هذه الفضفضة وإذا أحد عنده نصيحة عن الروضة أو توجيهات فلا يحرمنا من طيبه وكرمه :وردة:
حبيت اضيف توقيت رياض الاطفال في شهر رمضان
طبعا نسبة حضور الاطفال قليله الي حد ما
وطبعا اللي بيغيب اطفاله ماعليه مسأله
نرجع للجدول
بداية الدوام الساعة : ....8,30
طابور الصباح : ..........8,50
الفرصة : .......10,50
نهاية الدوام : ....12,10.....الي12,20
واي خدمه انا حاضره
تحياتيييييييييي
والى بالروضة عندهم طابور صباحي !! وفرصة ؟
هم كل وقت ياكلون لان الاكل عندهم .. وماعتقد ان ابلة راح تمنع طالبة أمورة اذا جاعت وتبي سندويشها ...
ياحليلهم والله اعيالنا ..
انا ماعرف هذا النظام لاني عمري مادخلت روضة .. دخلتها يوم وشفت الباب مفتوح وانحشت .. وبس مارجعت .. بس حصلت طراق من عند امي .. للحين اتذكرة ..
ما شاء الله .
الله يخليها لك وتفرح فيها .
أنا كذلك ، المفروض ولدي من الأسبوع اللي فات في الروضة .
بس مشكلته إنه ( دلخ ) وراسه كبير ، كل يوم يسهر ومفشّلنا .
أقول له : يا ابن الحلال استح على وجهك ولا تسهر ، وراك روضة ، لا تفشّلنا .
يقول : مااااااااااااااااااااا أبييييييييييييي .
مقالة جميلة جدا منك يا الرحال ومليئة بالمشاعر والأحاسيس الطيبة , الله يجعلها لك قرة عين وينشأها نشأة صالحة...
والله يرزقنا جميعا الذرية الصالحة ويجعل أعمالهم في صحائف أعمالنا الطيبة
مبروك للزميل العزيز الرحال هذه الفرحة
الله يبارك فيك يا الطيب الغالي
التي اشاركه فيها فابنتي الكبرى بدأت اليوم كأقرانها وفقها الله و سدد خطاها الدراسة في رياض الاطفال
اللله يوفقها يا رب
و الله الخبر مبهج و مفرح و الشعور لا يكاد يوصف على الرغم من وجود ما يعكره بالنسبة لي فأنا و والدتها ما عدنا أزواجا كما كنا و أحاول بالمستطاع تعويضها عن المعاناة الناشئة من الانفصال
الله المستعان والحمد لله على قضاءه وقدره
حفظ الله فلذات أكبادنا و جعلهم من الصالحين المخلصين و جزانا عنهم خيرا اجمعين و الحمد لله رب العالمين .
آمين آمين
.
حبيت اضيف توقيت رياض الاطفال في شهر رمضان
طبعا نسبة حضور الاطفال قليله الي حد ما
وطبعا اللي بيغيب اطفاله ماعليه مسأله
نرجع للجدول
بداية الدوام الساعة : ....8,30
طابور الصباح : ..........8,50
الفرصة : .......10,50
نهاية الدوام : ....12,10.....الي12,20
واي خدمه انا حاضره
تحياتيييييييييي
ما قصرتي والله يا زميلة المهنة والشبكة
لكن البنية ما هي راضية تروح الروضة للحين
من السهر وقلة النوم
من الحين سهيرة يمكن وراثة من والدها
أحاول فيها أنا وأمها
يابابا نامي نامي
أعدلها الخرفان لين انام أنا مو هي
وتقعد تصيح ما تبي تروح لأانها ما شبعت نوم !!
أحاول فيهاتنام مبجر مالكم امل
احط لها رسوم واطالعها بعد معاها يمكن تخدر وتنام ألقى نفسي انا اللي أشخر !!
أقولها يابنتي يا حبيبتي روحي الروضة راح يعطونج حلاو ة لعبة وهدية
ما تبي تروح
مشكلتها السهر
والله محيرتني نومها قليل وفيهاماشاء الله طاقةونشاط
يا مهرة :
شرايج أخليها تداوم بكرة= هذا إن راحت = وإلا أخليها تداوم بعد العيد
أنطر رايج يا أبلة
وكيف أتصرف معاها ؟
الأخت الفاضلة :
خادمة السنة وانعم بها من خدمة
وجزاكم الله خيرا
اخي الكريم رياض الاطفال يقتصر على المربيات اللي فيهم
فانا لي خبرة في الميدان ثلاث سنوات (رياض خاصه غير حكوميه )
يعني اخي نصيحه ضروري تسال عن اخلاق المربيه اول ومدى التزامها
لانك بتودع عندها امانه (وهي اغلى ماتملك ) فان كانت المربيه دات اخلاث ودين
والله الاطفال بيمشوا على منهجها وان كانت متعجرفه وهي ممتهنه بس المهنه كوظيفه لكسب المال فصراحه ما انصحك تخلي عندها بنتك حتى لو تلاقي روضه بعيده عنك
اهم شيء من في الروضه ..ووالله في مربيات بتعاملهم مع الاطفال يحببونهم في الرياض وهذا من تجربه شخصيه والله اول شيء لابد المربيه تكون دارسه سيكولوجيه الطفل وشلون بتتعامل مع كل نوعيه من الاطفال ..وان كانت عندكم مربيات اجنبيات غير مسلمات فلا تسجل بنتك عندهم لانهم بيعلمون الاطفال اصول دياناتهم ويتأثرون الاطفال بها ............
اختي الفاضله شكلك مو كويتيه
لان جميع معلمات رياض الاطفال من الجنسيه الكويتيه ولله الحمد
وجميعهم خريجات بكالوريوس تربيه رياض اطفال
يعني الكل يداوم وهو يحمل خبره كبيره في مجال الاطفال
ثانيا المدارس الخاصه اغلبهم معلمات رياض الاطفال لسن معلمات خريجات ثانويه عامه اغلبهم
حبيبتي مايحن علي الطفل الكويتي الا المعلمه الكويتيه وهذا من خلال خبره
احن جنسيه هي الكويتيه في التعامل مع الاطفال
ويكفي ان المعلمه الكويتيه تنزل لمستوي الطفل
وتعرف عاداته وتقاليده
تحياتيييييييييييي
اختي الكريمه المهره صح انا ماني كويتيه ....لكني عربيه مسلمه...!!!
والحنان اختي ماهو مقتصر على جنسيه معينه... غير اني تكلمت بشكل خارج تماما عن ردك
وعموما بارك الله فيك
حبيبتي انا ماقصدت الاساءه لباقي الجنسيات
بس انا حبيت اوضحلك انه معلمات رياض الاطفال في الكويت جميعهن كويتيات وخريجات تربيه رياض اطفال
وانتي اخت عزيزه والنعم فيك
تحياتيييييييييييي