انا بلايام العاديه لا يمر اسبوع الا واذهب الى مطاعم الواجهه من طقة .. تشيليز وآبل بيز
وكنت الاحظ لما استلم الفاتوره بأن هناك مبالغ اضافيه تخصم تحت بند الـ service charge كانت تصل ببعض الاحيان الى دينار و 700 فلس للفاتوره الواحده !
توقعت ان الامر قانوني لأني كنت مأمن بفرسان حماية المستهلك مع الاسف خاب ضني لاحقاً
قبل ايام صدمت لما وصلني EMAIL بأن الـ service charge الذي يضعونه هو سرقه عيني عينك وان فرسان حماية المستهلك بالبلديه نايمين وتاركين المطاعم تسرقنا !!
كيف ستتصرفون الان عندما ترتادون مطاعم يضعون الـ service charge ؟
هذا نص الـEMAIL الذي ينتشر حاليا بين الكويتيين :
___________
عندي شغلة بخصوص السيرفس تشارج اللي بالمطاعم اللي قاعدين ينصبون علينا واحنا ولا عالبال
قانون يديد بالكويت من حماية المستهلك ان السيرفس تشارج ممنوع باي مطعم عندنا وفي قرار معمم على المطاعم انا شفته بعيني ان مايحق لاي مطعم ان ياخذ من الزبون غير سعر الطعام اللي ياكلة المحدد سعره بقائمة الطعام لازيادة ولا نقصان يعني بالكويتي ماياخذون منك الا سعر الاكل اللي كليتة ماكو شي اسمه سيرفس واذا بتتأكدون بنفسكم اتصلوا على رقم حماية المستهلك135وسألوهم بنفسكم
على فكرة انا جربت هالشي مع عده مطاعم بالكويت واهما تشيليز0 واسابي0 روبي تيوزدي وشالو عني السيرفس اهما خامرين قالو شكلهم اللي يتكلم نشيل عنه واللي ما يتكلم نشتغل نصب عليه
انتو ماعليكم الا تنادون المدير اللي بالمطعم وتقولون له ان السيرفس ممنوع بالكويت والمفروض انك تشيلة من الفاتورة واذا ماشالة قولة عطني كوبي من الفاتورة ودق على 135 قولة اسم المطعم وبأي منطقة واهوا يقولك وين تروح تقدم الفاتورة ويخالفون المطعم ويتسكر اذا كثرت شكاوي السيرفس
فخلونا ايد وحده لان في هوامير بالديرة قاعده تنصب علينا
وكل هاللوية عشان احنا ندفع اجر العمالة اللي بالمطعم من خلال توزيع السيرفس عليهم واحنا ندفع سيرفس ونحط بقشيش الظاهر حسبالهم ان مفطومين نفط والمسألة مو مسألة دينار ولا دينارين الحمدلله احنا ديرة نعمه بس لازم يكون بالحق
ماقول الا هذي الكويت صل على النبي
ومشكورين
انشر الموضوع لتوعيه الناس اللي مو فاهمة طريقة النصب بالسيرفس
